Tehran Mənsimov

Vikipediya, azad ensiklopediya
Jump to navigation Jump to search
Tehran Mənsimov
Tehran Mənsimov.jpeg
Şəxsi məlumatlar
Doğum tarixi 24 avqust 1972(1972-08-24) (48 yaş)
Doğum yeri
Vətəndaşlığı
Təhsili Heydər Əliyev adına Azərbaycan Ali Hərbi Məktəbi
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Xüsusi Təyinatlı Qüvvələr
Xidmət illəri 1992—
Rütbə
Azərbaycan Silahlı Qüvvələrinin Quru Qoşunlarının polkovniki.png Polkovnik
Döyüşlər Qarabağ müharibəsi, Vətən müharibəsi
Təltifləri "Azərbaycan Bayrağı" ordeni "Vətən uğrunda" medalı "İgidliyə görə" medalı II dərəcəli medalı "Hərbi xidmətdə fərqlənməyə görə" medalı III dərəcəli medalı "Hərbi xidmətdə fərqlənməyə görə" medalı "Azərbaycan Respublikası Silahlı Qüvvələri Veteranı" medalı I dərəcəli "Qüsursuz xidmətə görə" medalı II dərəcəli "Qüsursuz xidmətə görə" medalı III dərəcəli "Qüsursuz xidmətə görə" medalı "Azərbaycan Respublikası Silahlı Qüvvələrinin 10 illiyi (1991-2001)" yubiley medalı "Azərbaycan Respublikası Silahlı Qüvvələrinin 90 illiyi (1918-2008)" yubiley medalı "Azərbaycan Respublikası Silahlı Qüvvələrinin 95 illiyi (1918-2013)" yubiley medalı "Azərbaycan Ordusunun 100 illiyi (1918-2018)" yubiley medalı

Tehran Cavid oğlu Mənsimov (24 avqust 1972(1972-08-24), Düztahir, Qusar rayonu) — Azərbaycan Silahlı Qüvvələrinin polkovniki, İkinci Qarabağ müharibəsinin rəhbərlərindən və Şuşanın azadlığı uğrunda döyüşlərin komandanlarından biri.[1]

Həyatı[redaktə | əsas redaktə]

Tehran Mənsimov 1972-ci il avqustun 24-də Qusar rayonunun Düztahir kəndində anadan olmuşdur. Tam orta təhsilini Qusar şəhərində almışdır. 1989-1992-ci illərdə Sovet ordusunun sıralarında hərbi xidmət keçmişdir. Könüllü olaraq, Birinci Qarabağ müharibəsinə yollanmış və müxtəlif istiqamətlərdə gedən döyüşlərdə fəal iştirak etmişdir.[2] Ardınca Bakı Birləşmiş Komandirlər Məktəbində təhsil almış və birinciliklə məzun olaraq, leytnant rütbəsi almışdır. 2011-2013-cü illərdə Azərbaycan Respublikası Silahlı Qüvvələrinin Hərbi Akademiyasında təhsilini davam etdirərək, birinci sırada təhsilini tamamlamışdır.[2]

Hərbi xidməti[redaktə | əsas redaktə]

Erkən fəaliyyəti[redaktə | əsas redaktə]

Birinci Qarabağ müharibəsində könüllü iştirak etdikdən sonra hərbi təhsil alaraq leytnant rütbəsində ordu sıralarında xidmətə başlamışdır. Taqım komandirliyindən briqada komandirliyinə kimi Qarabağ bölgəsində xidmət etmişdir.[2]

2013-cü ildən Naxçıvan Əlahiddə Ümumqoşun Ordusunda xidmətə başlamış və Şahbuz rayonundakı hərbi hissənin komandiri kimi xidmət etmişdir. Hazırda, Döyüş Hazırlığı və Tədris İdarəsinin rəisi vəzifəsində xidmətini davam etdirir.

İkinci Qarabağ müharibəsində iştirakı[redaktə | əsas redaktə]

Azərbaycan Ordusunun Xüsusi Təyinatlı Qüvvələrinin komandanlarından bir olan Tehran Mənsimov, 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün təmin olunması üçün başlanan Vətən müharibəsində fəal iştirak etmişdir. Ələlxüsus, noyabrın 4-dən 8-nə qədər davam edən Şuşanın azadlığı uğrunda döyüşlərin rəhbərlərindən biri olmuşdur.[2]

Təltifləri[redaktə | əsas redaktə]

Polkovnik-leytenant Tehran Mənsimov Azərbaycan Prezidenti İlham Əliyevin 24 iyun 2005-ci il tarixli 860 nömrəli Sərəncamına əsasən "İgidliyə görə" medalı ilə təltif edilmişdir.[3]

Polkovnik Tehran Mənsimov Azərbaycan Prezidenti İlham Əliyevin 20 iyun 2017-ci il tarixli 3006 nömrəli Sərəncamına əsasən "Vətən uğrunda" medalı ilə təltif edilmişdir.[4]

15 dekabr 2020-ci ildə Azərbaycan Respublikasının Prezidentinin sərəncamı ilə "Azərbaycan Bayrağı" ordeni ilə təltif edilmişdir[5].

İstinadlar[redaktə | əsas redaktə]

  1. ""General-leytenant Hikmət Mirzəyev mənə əmr verdi ki..." - Tehran Mənsimov". qaynarinfo.az (azərb.). 31 yanvar 2021. İstifadə tarixi: 31 yanvar 2021.
  2. 1 2 3 4 "Naxçıvandan Şuşaya uzanan qələbə yolu". serqqapisi.az (azərb.). Şərq qapısı. 27 yanvar 2021. 31 yanvar 2021 tarixində arxivləşdirilib. İstifadə tarixi: 31 yanvar 2021.
  3. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 24 iyun 2005-ci il tarixli 860 nömrəli Sərəncamı". www.president.az (Azərbaycan Prezidentinin rəsmi saytı)(azərb.)). 24.06.2005. İstifadə tarixi: 02.12.2020.
  4. "Azərbaycan Müdafiə Nazirliyinin hərbi qulluqçularının təltif edilməsi haqqında Azərbaycan Prezidentinin 20 iyun 2017-ci il tarixli 3006 nömrəli Sərəncamı". www.president.az (Azərbaycan Prezidentinin rəsmi saytı)(azərb.)). 20.06.2017. İstifadə tarixi: 02.12.2020.
  5. President.az (15.12.2020). "Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2020-12-16.
  6. Azərbaycan Respublikası Silahlı Qüvvələrinin hərbi qulluqçularının “Şuşanın azad olunmasına görə” medalı ilə təltif edilməsi haqqında Azərbaycan Respublikası Prezidentinin Sərəncamı