Telman İsmayılov

Telman İsmayılov
Telman Mərdan oğlu İsmayılov
Doğum tarixi:	26 oktyabr 1956 (1956-10-26)
Doğum yeri:	Göyçay, Azərbaycan
Vətəndaşlıq:	Rusiya
Peşəsi:	Biznesmen
Milliyyəti:	Dağ yəhudisi

İsmayılov Telman Mərdan oğlu — Rusiyada yaşayan iş adamı və AST Şirkətlər Qrupunun sahibi, Rusiya milyarderi.

Həyatı

İsmayılov Telman Mərdan oğlu 1956-cı ildə Göyçay rayonunda anadan olub.

Telman İsmayılov tərəfindən Türkiyənin Antalya şəhərində beş ulduzlu "Mardan Palace" adlı otel inşa olunub. 23 may 2009-cu ildə "Mardan Palace" otelinin açılış mərasimi olmuşdur. Otelin açılış mərasiminə Türkiyənin baş naziri Rəcəb Tayyib Ərdoğan və dünya şöhrətli müğənnilər dəvət olunmuşdur. Otelin tikintisi 1,4 milyard dollara başa gəlmişdir.

Məlumatlara görə Telman İsmayılov Türkiyənin "Antalyaspor" klubunu satın almaq istəyir. Hazırda onun oğlu "Antalyaspor"un vitse-prezidentidir.

Azərbaycandan olan iş adamı Türkiyədə türk vətəndaşlığına keçmək üçün rəsmi müraciət edib. T. İsmayılov Türkiyəni çox sevdiyini və özünün də türk olduğunu bildirib: "Rusiya pasportum var, ancaq Türkiyəyə aşiqəm. Bu səbəblə vətəndaşlığa keçmək üçün müraciət etdim". Telman İsmayılov Avrasiya Yəhudi Kongresinin vitse-prezidentidir. Dağ yəhudilərindən olan Telman İsmayılovun sərvətinin 3 milyard dollar olduğu təxmin edilir. İsrailin Akko şəhərində atasının adına sinaqoq tikdirmişdir.^{[Mənbə göstərin]}

Xarici keçidlər

• AST Group
• Telman İsmayılov müsahibə