Teymur Sadıqov

Vikipediya, açıq ensiklopediya
Jump to navigation Jump to search
Teymur Sadıqov
Fotoqrafiya
Peşəsi astronom
Milliyyəti azərbaycanlı
Təhsili İstanbul Texniki Universiteti

Teymur Sadıqov - Azərbaycanın NASA-dakı yeganə mütəxəssisi, gənc alim.

Həyatı[redaktə | əsas redaktə]

Teymur Sadıqov İstanbul Texniki Universitetində Aviasiya və Kosmik Elmlər fakültəsininin Aviasiya mühəndisliyi ixtisası üzrə bakalavr səviyyəsində təhsil almışdır. O, 2008-ci ildə İstanbul Texniki Universitetindən Aviasiya mühəndisliyi ixtisası üzrə bakalavr dərəcəsi ilə universitet birincisi olaraq məzun olmuş və universitetin 1773-cü ildə qurulmasından etibarən 4.00 üzərindən 4.00 ortalama qiymətlə məzun olan ilk tələbə olaraq tarixə keçmişdir.

Teymur Sadıqov dünyanın aerokosmik tədqiqatlar mərkəzi hesab olunan NASA-da elmi tədqiqatla məşğul olan ilk və yeganə azərbaycanlıdır.

O, hazırda NASA-nın Reaktiv hərəkət laboratoriyası[en]da Robotik sistemlərin qiymətləndirilməsi, qərar və nəzarət qrupunda elmi tədqiqatçı, Mars planetində olan Curiosity Rover-in avtonom idarə olunması, eləcə də JPL yüksək mobilli çoxməqsədli təkərli nəqliyyat vasitəsinin avtonom, insansız idarə olunması layihələrinin iştirakçısıdır.

İstanbul Texniki Universitetində Aviasiya və Kosmik elmlər fakültəsinin Aviasiya mühəndisliyi ixtisası üzrə təhsil alan Teymur Sadıqov hələ tələbə ikən dik və qısa məsafədə havaya qalxan və enən nəqliyyat vasitələrinin simulyasiyası və nəzarəti ilə bağlı elmi araşdırmalar aparıb. Bundan başqa o, yanacaq hüceyrəsi ilə çalışan yarış avtomobilinin manual nəzarətdən avtonom idarəetməyə keçirilməsi üzərində işləyib. O, indiyədək xaricdə təhsil almış yeganə azərbaycanlıdır ki, təhsilin növbəti pilləsi üçün müraciət etdiyi 10 tanınmış ali məktəbin hamısından müsbət cavab alıb və təhsil müddətində ona yüksək təqaüd təklif olunub.

2008-ci ildə Kaliforniya Universitetinin San-Diyeqo kampusunda Mexanika və Aerokosmik Mühəndislik Fakültəsində “Powell” fondu təqaüdçüsü olaraq elmi təhsilə başlayan Dr. Sadıqov çoxrobotlu sistemlərin kooperativ və paylaşımlı nəzarəti üçün alqoritmlər üzrə elmi tədqiqat aparıb. Bu universitetdən 2010-cu ildə əla qiymətlərlə Mühəndislik Elmləri, Mexanika Mühəndisliyi ixtisasından magistr dərəcəsi ilə məzun olmuşdur.

Teymur Sadıqov, 2010-cu ildə məşhur alim Vassim Haddad[en] dəvətilə ABŞ-ın ən böyük və yüksək reytinqli Aerokosmik mühəndisliyi fakültəsinə malik Corciya Texnologiya İnstitutunda doktorantura dərəcəsində təhsilə başlamış və 2015-ci ildə Aerokosmik Elmlər Doktoru dərəcəsi ilə məzun olmuşdur. Bundan başqa, o, Corciya Texnologiya İnstitutundan Riyaziyyat üzrə Magistr dərəcəsi də almışdır. Sadıqov hər bir elmi dərəcəsini əla qiymətlərlə başa vurmuşdur. Onun doktorantura təhsili Amerikan Hava Qüvvələri Elmi Tədqiqat Ofisi (AFOSR) və NASA Dryden (yeni adı Armstrong) Uçuş Tədqiqat Mərkəzi layihələri ilə maliyyələşdirilmişdir. Teymur Sadıqov ali təhsili ərzində dünyanın ən nüfuzlu jurnal və konferanslarında on ikidən artıq məqalə dərc etmişdir.

Teymur Sadıqov, 2013-cü ildə “United Technologies Corporation” təşkilatının elmi-tədqiqat mərkəzinin Avtonom və Ağıllı Robotik Sistemlər laboratoriyasında avtonom vertolyotların şəhər mühitində qəzasız optimal trayektoriya planlaması ilə əlaqəli elmi tədqiqatla məşğul olub. Bu layihə vertolyotların avtonomlaşdırılması üçün planlaşdırılıb.

Kompüter bilikləri[redaktə | əsas redaktə]

MATLAB, Simulink, C/C++, Python, ROS, UNIX/Linux, CATIA, MSC Patran/Nastran, Abaqus[1]

İstinadlar[redaktə | əsas redaktə]

Xarici keçidlər[redaktə | əsas redaktə]