Teymur Sadıqov (əsgər)

Teymur Sadıqov
Teymur Alim oğlu Sadıqov
Şəxsi məlumatlar
Doğum tarixi	15 may 1974
Doğum yeri	Fəxralı, Goranboy rayonu, Azərbaycan SSR, SSRİ
Vəfat tarixi	9 may 1994 (19 yaşında)
Vəfat yeri	Tapqaraqoyunlu, Goranboy rayonu, Azərbaycan
Vəfat səbəbi	Şəhid
Dəfn yeri	Fəxralı
Milliyyəti	azərbaycanlı
Atası	Alim Qiyas oğlu Sadıqov
Anası	Giləxanım Məhyəddin qızı Sadıqova

Teymur Sadıqov (15 may 1974, Fəxralı, Qasım İsmayılov rayonu – 9 may 1994, Goranboy rayonu) — Azərbaycan Silahlı Qüvvələrinin əsgəri, Qarabağ müharibəsi şəhidi.

Həyatı

Teymur Sadıqov 15 may 1974-cü ildə Qasım İsmayılov (indiki Goranboy) rayonunun Faxralı kəndində anadan olmuşdur. Faxralı kənd orta məktəbini bitirdikdən sonra Gəncə Maşınqayırma Texnikumuna daxil olmuşdur. 1993-cü ildə Goranboy rayonunun Hərbi Komisarlığı tərəfindən hərbi xidmətə çağırılmışdır. Goranboy torpaqlarını erməni quldurlarından təmizlənməsində iştirak etmişdir. 9 may 1994-cü il tarixində Goranboy rayonunun Tapqaraqoyunlu kəndi uğrunda gedən döyüşlərdə mərmi partlayışı nəticəsində aldığı ağır qəlpə yaralarından şəhid olmuşdur. Faxralı kəndində dəfn edilib. Subay idi.

İrsi

Goranboy rayonu Fəxralı kənd tam orta məktəbi şəhid Teymur Sadıqovun adını daşıyır.

Goranboy rayonu Fəxralı kəndinin mərkəzində şəhidlərə abidə qoyulmuşdur.

Həmçinin bax

• Qarabağ müharibəsi
• Erməni terrorizmi
• Azərbaycanlıların Soyqırımı Günü
• Əlövsət Sadıqov
• Bəşir Musazadə
• Yaşar Rəhimov
• Yusif Kosayev
• Ramin Əhmədov (şəhid)

Mənbə

• Vüsal Xoylu, "Unutmayaq ki, unudulmayaq" Faxralı elinin izi ilə, Bakı, (2011), 323 səh.