Teymuruçandağ yatağı
Teymuruçandağ yatağı — Azərbaycanda kvars yatağı. Sultanheydər-Qatardaşın antiklinalının şimal-qərb qanadında yerləşir.[1]
Tərkibi[redaktə | mənbəni redaktə et]
Teymuruçandağ yatağının kvars damarları mineral tərkibindən asılı olaraq, kvars-molibden və kvars-polimetallara bölünür. Burada kvars-molibden damarları daha çox inkişaf etmişdir. 1962-ci ildə Q. Q. Əliquliyev, A. M. Babayev və digər tədqiqatçılar tərəfindən kvars-molibdenit damarları iki qrupa ayrılmışdır: kvars-pirit-molibdenitli və sulfid-molibdenit damarları. Teymuruçandağ yatağında aşağıdakı filiz mineralları müəyyən edilmişdir: əsas minerallar – molibdenit, pirit, xalkopirit. İkinci dərəcəli minerallar arasında sfalerit, qalenit, tutxun filizləri, kovellin, bornit, azurit, xalkozin, serussit və s. yer alır. Filizin teksturası əsasən zolaqlı, brekçiyavari və kollomorf olaraq müəyyən edilmişdir. Yataq 41 kvars damarı və hidrotermal dəyişilmə zonaları ilə təmsil olunur. Filiz damarlarının qalınlığı 0,1–1,8 m arasında dəyişir və onların uzunluğu şimal-şərq istiqamətindədir. Damarlarda molibden miqdarı 0,01–0,2 %, misin miqdarı 0,001–1 %, sink miqdarı isə 0,01–0,74 % arasında dəyişir.[1]