The Lord of the Rings: The Battle for Middle-earth II: The Rise of the Witch-king

Vikipediya, azad ensiklopediya
Jump to navigation Jump to search
The Lord of the Rings:
The Battle for Middle-earth II:
The Rise of the Witch-king
The Lord of the Rings- The Battle for Middle-earth II- The Rise of the Witch-king.jpg
"The Lord of the Rings: The Battle for Middle-earth II: The Rise of the Witch-king" video oyununun rəsmi afişası
Hazırlayan "EA Los Angeles"
"BreakAway Games"
Yayımlayanlar Electronic Arts
Buraxılış tarixi Şimali Amerika 28 noyabr 2006
Sonuncu versiya
  • 2.01
Janr Real zamanda strategiya
Rejissorlar Cill Ekhart
Prodüserlər Əmir Rəhimi
Bəstəkarlar Bill Braun
Ceymi Kristoferson
Texniki məlumat
Platforma Microsoft Windows
Oyun rejimi çoxnəfərli oyun, birnəfərli oyun
Daşıyıcı CD
İdarəetmə kompüter klaviaturası

The Lord of the Rings: The Battle for Middle-earth II: The Rise of the Witch-king (azərb. Üzüklərin hökmdarı: Orta dünya uğrunda döyüş II: Cadugər kralın yüksəlişi‎) — "EA Los Angeles" və "BreakAway Games" tərəfindən hazırlanan, "Electronic Arts" şirkəti tərəfindən nəşr olunan və real zamanda strategiya janrında olan video oyun. Oyun eyniadlı kitablar seriyasına əsaslanaraq Piter Cekson tərəfindən çəkilmiş "Üzüklərin hökmdarı" filmlər seriyası əsasında istehsal olunmuşdur. Bu, "The Lord of the Rings: The Battle for Middle-earth II" video oyununun genişləndirmə paketidir. Video oyun 28 noyabr 2006-cı il tarixində Microsoft Windows platforması üçün satışa çıxarılmışdır.

Video oyunun kampaniyası oyunçulara Anqmar ordusunu idarə etmək imkanını verir. Oyunçular orduya onun ilkin dövrlərindən Arnorun Fornost döyüşündə məhv olmasına qədər öndərlik edirlər. Oyunun epiloq missiyası oyunçuya Anqrmarı istila edən Qondor və elf qüvvələrini idarə etmək imkanını verir. "The Rise of the Witch-king" video oyununun hekayəsi daha çox "Kralın qayıdışı" filminin sonluğundan ilhamlanmışdır. İstehsalçılar missiyalar üçün Tolkinin müharibə ilə bağlı etdiyi qeydlərdən çox istifadə etmişdir. Video oyunun Tolkinin yazıçılığına əsaslanmasına baxmayaraq, bəzi hadisələr oyunun geympleyinə uyğun olması üçün ya dəyişdirilmiş, ya da ki əlavə olunmamışdır.

Ginnesin Rekordlar Kitabının Oyunçu Buraxılışına görə, bu oyun video oyun tarixindəki ən uzun genişləndirmə paketi başlığıdır.

Süjet[redaktə | əsas redaktə]

Qurma[redaktə | əsas redaktə]

Video oyunun hadisələri İnsan və Elflərin Son İttifaqı ilə Sauronun ordusu arasındakı döyüşdən 1000 il sonra cərəyan edir. Üçüncü dövrün 1300-cü ilində şeytani qüvvələr yenidən Orta dünyaya yayılmağa başlayır və nazqullar qayıdır. Cadugər kral Anqmarda məskən salır və Anqmar ordusunu quraraq 1409-cu ildə Rudauru ələ keçirir, Arnoru istila edir. Bundan sonra Arnoru ilə 500 illik bir müharibə başlayır. Anqmar ordusu əhəmiyyətli qala şəhəri olan Amon Sulu, eləcə də Kardolan knyazlığı məhv edir, ancaq dunedayn Fornostand qalasını müdafiə edə bilir. 1636-cı ildə yayılmış Böyük vəbadan sonra Cadugər kral Fornostu ələ keçirməyə nail olur. Buna baxmayaraq, insanlar və elflər axırıncı döyüşdə Anqmar qoşunlarını məğlub edir.

Qəbul[redaktə | əsas redaktə]

Tənqidçilərin mövqeyi[redaktə | əsas redaktə]

Rəy toplayıcısı "GameRankings"ə əsasən "The Lord of the Rings: The Battle for Middle-earth II: The Rise of the Witch-king" video oyunu "ümumiyyətlə yaxşı" rəylər almışdır. Oyun 25 resenziya əsasında 78%-lik bir bal almışdır.[1] Oyun rəy toplayıcısı "Metacritic" portalında 22 resenziya əsasında 78%-lik bir bal almışdır.[2] Oyun rəy toplayıcısı "NZGamer.com" portalında 22 resenziya əsasında 10 baldan 8.0 bal almışdır.[3]

İstinadlar[redaktə | əsas redaktə]

  1. "The Lord of the Rings: The Battle for Middle-earth II: The Rise of the Witch-king Reviews". gamerankings.com (ingilis). GameRankings. İstifadə tarixi: March 2, 2020.
  2. "The Lord of the Rings: The Battle for Middle-earth II: The Rise of the Witch-king, The (pc: 2006): Reviews". metacritic.com (ingilis). Metacritic. İstifadə tarixi: March 2, 2020.
  3. Klark, Tristan. "LOTR: Battle For Middle-earth II, The Rise Of The Witch King". nzgamer.com (ingilis). NZGamer.com. October 24, 2016 tarixində orijinalından arxivləşdirilib. İstifadə tarixi: March 2, 2020.

Xarici keçidlər[redaktə | əsas redaktə]