Todd Hovard (dizayner)

Vikipediya, açıq ensiklopediya
Jump to navigation Jump to search
Todd Hovard
ing. Todd Howard
2010-cu ildə Hovard 2010-cu ildə Hovard

Doğum tarixi 1971
Doğum yeri
Vətəndaşlıq Flag of the United States.svg ABŞ
Peşələri Video oyun dizayneri, rejissoru və prodüseri
Milliyyəti Amerikalı
Təhsili Uilyam və Meri Kolleci
Commons-logo.svg Vikianbarda əlaqəli mediafayllar

Todd Hovard (ing. Todd Howard; 1971, Louer Makunqi Taunşip[d], Pensilvaniya) — ABŞ video oyun dizayneri, rejissoru və prodüseri. O hal-hazırda "Bethesda Game Studios"un baş direktoru və icraçı prodüseridir. Hovard burada "Fallout 3", "Fallout 4" və "Elder Scrolls" oyunları üzərində işləmişdir. GamePro jurnalı Hovardı son 20 il ərzində "Video oyunçuluğun ən təsirli 20 adamı"ndan biri adlandırmışdır.[1] Hovard IGN tərəfindən "Bütün vaxtların ən yaxşı oyun yaradıcıları" siyahısına əlavə edilmişdir.[2]

İlk illəri[redaktə | əsas redaktə]

Todd Hovard 25 aprel 1971-ci ildə Pensilvaniya ştatının Louer Makunqi Taunşipində anadan olmuşdur.[3] Hovardda uşaq vaxtlarında kompüterlərə, xüsusilə video oyunlarına böyük maraq yaranmışdı.[4] Hovard WizardryUltima III: Exodus oyunlarını gələcəkdə yaratdığı oyunların ilham mənbəyi hesab edir.[4] Todd 1989-cu ildə Emmaus Orta Məktəbindən məzun olmuşdur. 1993-cü ildə o Uilyamsburq, Virciniyadakı Uilyam və Meri Kollecindən məzun olmuşdur.[4]

Wayne Gretzky Hockey oynadıqdan sonra Hovard "Bethesda Softworks" şirkətində işləmək üçün şirkətin ofisinə getdi, ancaq hələ də məktəbdə təhsil aldığından bu təklifi rədd edilmişdir. Məktəbi bitirdikdən sonra yenə Bethesda ofisinə işləmək üçün getdi, ancaq yenə rədd edildi.[4]

Karyera[redaktə | əsas redaktə]

Hovard "Bethesda Softworks" şirkətinə 1994-cü ildə qoşulmuşdur. "Bethesda Softworks" üçün diqqətəlayiq ilk işi "Terminator: Future Shock", "Skynet", daha sonra "The Elder Scrolls II: Daggerfall" oyununun prodüseri və dizayneri olmaq idi. Hovard "The Elder Scrolls Adventures: Redguard" video oyununun layihə rəhbəri və dizayneri idi. Hovard "The Elder Scrolls III: Morrowind" video oyununun və genişləndirmə paketlərinin layihə rəhbəri və dizayneri idi. Hovard "The Elder Scrolls IV: Oblivion" və onun bütün endirilə bilən məzmunlarının hazırlanmasına rəhbərlik etmişdir. Bundan sonra, Hovard "Fallout 3"-ün baş direktoru və icraçı prodüseri olmuşdur.[5][6][7]

Hovard The Elder Scrolls seriyasına "The Elder Scrolls V: Skyrim" video oyuna rəhbərlik edərək geri qayıtmışdır. Hovard "Fallout 4"-ə rəhbərlik etmişdir.[8][9] Hovard "Bethesda Game Studios"un ilk mobil oyunu olan "Fallout Shelter"a rəhbərlik etmişdir.[10] Hovard "Bethesda Game Studios"un ilk çoxnəfərli oyunu olan "Fallout 76"-ya rəhbərlik etmişdir.[11]

Mükafatlar və tanınması[redaktə | əsas redaktə]

Hovard 2012-ci ildə İnteraktiv İncəsənətlər və Elmlər Akademiyası tərəfindən "Ən yaxşı video oyun direktoru" adlandırılmışdır. Hovard 2014-cü ildə Almaniyanın video oyunçuluq üçün olan ən ali mükafatı, Şəfər Larası mükafatına layiq görülmüşdür.[12]

İstinadlar[redaktə | əsas redaktə]

  1. "Around the Web: Interviews edition | Bethesda Blog". Bethblog.com (7 may 2009).
  2. "IGN - Top 100 Game Creators of All Time". IGN. 17 oktyabr 2013 tarixində arxivləşdirilib. İstifadə tarixi: 16 aprel 2013.
  3. Musgrove, Mike "Out of the Dark and Into the Spotlight". The Washington Post. Washington Post Company (15 avqust 2005).
  4. 4,0 4,1 4,2 4,3 Henson, Ben "Road To Skyrim: The Todd Howard Interview" (13 yanvar 2011).
  5. Remo, Chris "Falling Into Fallout 3: Director Todd Howard Talks Scope And Evolution". Gamasutra (13 oktyabr 2008).
  6. "Fallout 3 Q&A - E3 Thoughts And More". GameSpot (2 avqust 2007).
  7. Hovard, Todd "The RPG for the Next Generation". 24 yanvar 2010 tarixində arxivləşdirilib.
  8. Hüseyn, Tamur "Fallout 4 Officially Confirmed for PC, Xbox One, PS4". GameSpot (3 iyun 2015).
  9. "Fallout 4 -- E3 Showcase World Premiere". Bethesda Softworks. 15 iyun 2015 tarixində arxivləşdirilib. İstifadə tarixi: 15 iyun 2014.
  10. "Move over, Candy Crush, Fallout Shelter catapults to #1 app in iTunes Charts". Phone Arena. 15 iyun 2015 tarixində arxivləşdirilib. İstifadə tarixi: 23 iyun 2014.
  11. Şeridan, Konnor "Fallout 76's Todd Howard says it's built to be supported "on a month-to-month and week-to-week basis"". GamesRadar+ (2 oktyabr 2018). 4 oktyabr 2018 tarixində arxivləşdirilib. İstifadə tarixi: 17 noyabr 2018.
  12. "Bethesda Blog - LARA to Honor Todd Howard". Bethesda Blog. 3 fevral 2015 tarixində arxivləşdirilib. İstifadə tarixi: 12 may 2014.

Xarici keçidlər[redaktə | əsas redaktə]