Tofiq Allahverdiyev

Vikipediya, azad ensiklopediya
Jump to navigation Jump to search
Tofiq Allahverdiyev
Tofiq Allahverdiyev.png
bayraqAzərbaycan SSR Nazirlər Soveti Dövlət Texniki Peşə Təhsili Komitəsinin sədribayraq
1 mart 1966 — 18 oktyabr 1982
Sələfi komitə təsis edilib
Xələfi Heydər İsayev
1966–1967-ci illərdə Dövlət Peşə-Texnika Təhsili Komitəsinin sədri kimi
bayraqAzərbaycan Kommunist Partiyası Bakı Şəhər Komitəsinin birinci katibibayraq
1955 — 1961
Sələfi Məmməd Qurbanov
Xələfi Nəsrulla Nəsrullayev
Şəxsi məlumatlar
Doğum tarixi 18 fevral 1917(1917-02-18)
Doğum yeri
Vəfat tarixi 1987
Partiya
Hərbi xidmət
Rütbəsi

Təltifləri "Oktyabr inqilabı" ordeni 1-ci dərəcəli "Vətən müharibəsi" ordeni 2-ci dərəcəli "Vətən müharibəsi" ordeni "Qırmızı əmək bayrağı" ordeni "Qırmızı əmək bayrağı" ordeni "Xalqlar dostluğu" ordeni "Şərəf nişanı" ordeni “Əmək igidliyinə görə” medalı

Tofiq Əliheydər oğlu Allahverdiyev (18 fevral 1917, Bakı1987) — dövlət xadimi.

Həyatı[redaktə | mənbəni redaktə et]

1917-ci ildə həkim ailəsində anadan olmuşdur, azərbaycanlıdır, 1939-cu ildən Sov.İKP üzvüdür, ali təhsili var – Azərbaycan Neft İnstitutunu, Neft Sənayesi Akademiyasını və Sov.İKP MK yanında Qiyabi Ali Partiya Məktəbini bitirmişdir. Texnika elmləri namizədi, dosentdir.

1938-ci ildən Komsomol işində çalışmışdır, Böyük Vətən müharibəsinin iştirakçısıdır. 1943–1952-ci illərdə Azərbaycan LKGİ MK katibi olmuş, diplomatik işdə çalışmış, Azərbaycan KP MK şöbə müdirinin müavini, şöbə müdiri, AHİŞ sədri, Azərbaycan KP MK katibi, Gəncə Vilayət Partiya Komitəsinin katibi vəzifələrində işləmişdir. 1953-cü ildən neft mədəninin müdiri, akademiya müdavimi olmuşdur. 1955–1961-ci illərdə Bakı Şəhər Partiya Komitəsinin birinci katibi, 1961–1966-cı illərdə M. Əzizbəyov adına Neft və Kimya İnstitutunun dosenti olmuşdur. 1966-cı ilin mart ayından Azərbaycan SSR Nazirlər Soveti Dövlət Texniki Peşə Təhsili Komitəsinin sədri olmuşdur.

Azərbaycan KP MK üzvlüyünə namizəd olmuşdur. Üçüncü və beşinci çağırış SSRİ Ali Sovetinə, üçüncü, yeddinci, səkkizinci və doqquzuncu çağırış Azərbaycan SSR Ali Sovetinə deputat seçilmişdir (Neftçala seçki dairəsi).

Fəaliyyəti[redaktə | mənbəni redaktə et]

Texnika elmləri namizədi, dosent Tofiq Allahverdiyev 1966-cı ildə Azərbaycan Dövlət Texniki Peşə Təhsili Komitəsinin sədri təyin olunub. 1982-ci ilə qədər bu vəzifədə çalışıb. Onun sədr işlədiyi dövrdə texniki peşə məktəblərinin sayı 1,7 dəfə, şagirdlərin sayı 2 dəfə artmışdı. 1966–1970-ci illərdə bu məktəblərdə 96,4 min ixtisaslı fəhlə hazırlanıb.

Təkcə 1970-ci ildə Azərbaycanda fəaliyyət göstərən 76 texniki peşə məktəbində 150 peşə üzrə 40,9 min şagird təhsil alıb. Texniki peşə məktəblərində 594 kabinet, 100 laboratoriya, 285 tədris emalatxanası təşkil edilib. Həmin dövrdə kənd texniki peşə məktəblərində 335 traktor, 93 taxılbiçən kombayn, 28 pambıqyığan maşın, 430 ədəd müxtəlif kənd təsərrüfatı maşını olub.

İstinadlar[redaktə | mənbəni redaktə et]

  • Тофиг Әлиһејдәр оғлу Аллаһвердијев // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 30.