Tofiq Köçərli

Vikipediya, açıq ensiklopediya
Jump to navigation Jump to search
TOFİQ KÖÇƏRLİ
Tofiq Qasım oğlu Köçərli
Tofiq Köçərli.jpg
Doğum tarixi: 11 fevral, 1929
Doğum yeri: İsalı, Gədəbəy
Vəfat tarixi: 31 oktyabr, 2007
Vəfat yeri: Bakı
http://www.kocharlitofiq.com/

Köçərli Tofiq Qasım oğlu – (11 fevral 1929, İsalı, Gədəbəy31 oktyabr 2007, Bakı)- Azərbaycan Milli Elmlər Akademiyasının həqiqi üzvü, tarix elmləri doktoru, professor, əməkdar elm xadimi.

Həyatı[redaktə | əsas redaktə]

Tofiq Köçərli 1929-cu il fevralın 11-də Azərbaycan Sovet Sosialist Respublikasının Gədəbəy rayonunun İsalı kəndində anadan olmuşdur. Orta məktəbi bitirdikdən sonra ali təhsilini 1945-1950-ci illərdə Azərbaycan Dövlət Universitetinin tarix fakültəsində alıb. 1951-1952-ci illərdə Moskva Dövlət Universitetində ixtisasartırma kurslarının müdavimi olub.

Təhsili[redaktə | əsas redaktə]

Tofiq Köçərli 1950-ci ildə Bakı Dövlət Universitetinin tarix fakültəsini fərqlənmə diplomu ilə bitirmişdir. 1955 -ci ildə namizədlik, 1965-ci ildə doktorluq dissertasiyasını müdafiə etmiş, 1966-cı ildə professor, 1980-ci ildə Azərbaycan EA-nın müxbir üzvü, 1989-cu ildə isə həqiqi üzvü seçilmişdir.

Əmək fəaliyyəti[redaktə | əsas redaktə]

Əmək fəaliyyətinə 1950-1951-ci illərdə Quba Müəllimlər İnstitutunda müəllim kimi başlayan Tofiq Köçərli 1952-1953-cü illərdə Ağdam Müəllimlər İnstitutunda kafedra müdiri, 1953-1956-cı illərdə Gəncə Pedaqoji İnstitutunda müəllim, baş müəllim və dosent işləyib.

1957-1965-ci illərdə Azərbaycan Kommunist Partiyası Mərkəzi Komitəsi yanında Partiya Tarixi İnstitutunda baş elmi işçi, 1965-1972-ci illərdə Bakı Ali Partiya Məktəbinin kafedra müdiri, 1972-1990-cı illərdə rektoru, 1990-1991-ci illərdə isə professoru olub.

1993-2001-ci illərdə Azərbaycan Elmlər Akademiyasının İctimai-siyasi Tədqiqatlar İnstitutunun elmi işçisi, 2002-ci ildən ömrünün sonunadək isə akademiyanın Arxeologiya və Etnoqrafiya İnstitutunun baş elmi işçisi vəzifəsini tutub.

Tofiq Köçərli müasir Azərbaycan tarixinin aktual problemlərinin tədqiqi ilə ardıcıl məşğul olmuş, onlarla kitab və monoqrafiyanın, 200-dən artıq məqalənin müəllifidir. 1950-1990-cı illərdə Tofiq Köçərlinin elmi yaradıcılığı Azərbaycanda sosialist inqilabı və sosializm quruculuğu tarixinə həsr edilmişdir. O, çoxcildlik “Sov.İKP tarixi”nin (c. 4, kitab 1-2, M., 1970-71), “Azərbaycan tarixi”nin (c.3, hissə 1, B., 1973), “Azərbaycan Kommunist Partiyası tarixinin oçerkləri” (B., 1964), “Beynəlmiləl birliyin böyük gücü” (Kiyev, 1979) və sair əsərlərin müəlliflərindəndir. 1990-2007-ci illərdə Tofiq Köçərli tərəfindən yazılmış 7 monoqrafiya, çoxsaylı məqalə və çıxışlar Ermənistan-Azərbaycan Dağlıq Qarabağ münaqişəsinin tarixi köklərinə, erməni ekstremistlərinin xalqımıza qarşı törətdikləri cinayətlərin ifşa edilməsinə həsr edilmişdir. Onun “Qarabağ”, “Naxçıvan: tarixi həqiqətlər və uydurmalar”, BMT-nin Baş Katibi Kofi Annana ünvanlanmış Məktub (“Erməni saxtakarlığı”), “К истории Карабахского вопроса” və s. əsərləri Qarabağın və Naxçıvanın qədim və çağdaş tarixinə aid qiymətli sənədlərlə, dəqiq məlumatlarla zəngindir və Azərbaycan tarix elminə verilmiş qiymətli töhfələrdir. Tofiq Köçərli bir sıra orden və medallarla, o cümlədən Qırmızı Əmək Bayrağı ordeni ilə, təltif olunmuş, Azərbaycan SSR-nin “Əməkdar elm xadimi” fəxri adına layiq görülmüşdür. 2006-сı ildə “Ambassador for Peace” (Sülh Səfiri) Beynəlxalq Sülh Federasiyasının mükafatına layiq görülmüşdür.


31 oktyabr 2007 ildə Bakı şəhərində dünyasını dəyişib.

Parlamentdə[redaktə | əsas redaktə]

Tofiq Köçərli sovet dövründə bir neçə dəfə Ali Sovetinin deputatı seçilib.

1990-1995[redaktə | əsas redaktə]

26 noyabr 1991-ci ildə təşkil edilən Azərbaycan Respublikası Ali Soveti Milli Şurasının tərkibinə daxil edilmişdir[1].

Ailəsi[redaktə | əsas redaktə]

Elmi fəaliyyəti[redaktə | əsas redaktə]

  • Doktorluq dissertasiyasının ixtisas şifri və ixtisasın adı:07.00.01 – Sov.İKP tarixi
  • Müxbir üzv seçildiyi tarix və ixtisasın adı: 1980, Sov.İKP tarixi
  • Həqiqi üzv seçildiyi tarix və ixtisasın adı: 1989, tarix
  • Çapdan çıxmış elmi əsərlərin ümumi sayı: 250, 8 monoqrafiya
  • Xaricdə çıxmış elmi əsərlərin sayı: 4
  • Əsas elmi nailiyyətləri: Birinci Azərbaycan Respublikasının (1918-1920) təşkili və fəaliyyəti. Azərbaycanın sənayeləşdirilməsi (1926-1932). Qarabağ tarixinin mühüm problemləri tədqiq olunmuşdur.
  • Kadr hazırlığı: elmlər doktorlarının sayı: 2

Əsas elmi əsərlərin adları[redaktə | əsas redaktə]

  • "История Азербайджана". том 3, ч. 1 (гл XXVII 6, 4, 5) Баку, 1963
  • "Великий подвиг". Баку: 1965, 13,0 п. л.
  • "История КПСС". том 4, кн. I (глава 10 & 3) Москва, 1970
  • "История КПСС". том 4, кн. II (глава 17 & 2) Москва, 1971
  • "Tarixi saxtalaşdırmalar əleyhinə". Bakı: 1972
  • "Bəli, Yalan üzərində sülh olmaz". Bakı: 1997
  • "İstiqlal və suverenlik". Bakı: 1998
  • "Qarabağ: yalan və həqiqət". Bakı: 1998, 15,0 ç. v.
  • "Yaddan çıxmaz Qarabağ". Nəqşicahan Naxçıvan. Bakı: 1998, 29 ç. v.
  • "Карабахское ханство и российская империя". Доклад. Москва: 2000
  • "Erməni saxtakarlığı". Bakı: 2001, 4,7 ç. v.
  • "Qarabağ". Bakı: 2002, 30 ç. v.
  • "Məqalələr". Bakı: 2003-2004
  • "Armenian Deception". Bakı: 2004
  • "Naxçivan: Uydurmalar və Tarixi Həqiqətlər". Bakı: 2005
  • "К истории Карабахского вопроса". Баку: 2009

Mükafatları[redaktə | əsas redaktə]

"Qırmızı Əmək Bayraği" ordeni və bir neçə sairə orden və medallarla təltif edilib, fəxri adlara layiq görülüb.

İstinadlar[redaktə | əsas redaktə]

Xarici keçidlər[redaktə | əsas redaktə]