Tonino Querra

Vikipediya, azad ensiklopediya
Jump to navigation Jump to search
Tonino Querra
it. Tonino Guerra
Tonino Querra.jpg
Doğum adı Antonio Querra
Doğum tarixi
Doğum yeri Santarkancelo-di-Romanya, İtaliya Krallığı
Vəfat tarixi (92 yaşında)
Vəfat yeri Santarkancelo-di-Romanya, İtaliya İtaliya
Vətəndaşlığı İtaliya İtaliya
Uşağı
Təhsili ali
Fəaliyyəti yazıçı, şair, ssenarist, dramaturq, kinorejissor
İstiqamət kino
Mükafatları "Şərəf" ordeni "Dostluq" ordeni Knight Grand Cross of the Order of Merit of the Italian Republic "Şərəf" ordeni
toninoguerra.org
Vikianbarın loqosu Vikianbarda əlaqəli mediafayllar

Tonino Querra (it. Tonino Guerra;16 mart, 1920, Rimini – 21 mart, 2012) — İtaliya şairi, yazıçısı və ssenaristi.

Həyatı[redaktə | mənbəni redaktə et]

Tonino Querra 16 mart 1920-ci ildə Rimini şəhəri yaxınlığında yerləşən kiçik Santarkancelo-di-Romanya kommunasında anadan olmuşdur. O, bütün ömrünü bu yerlərdə keçirmişdir. Urbino universitetinin pedaqogika fakültəsini bitirmişdir. Yazıçılığa hələ nasist konslagerində başlamışdır[1].

1953-cü ildən Tonino Querra kinofilmlərə ssenari yazmağa başlamışdır. Həmin filmlər klassik dünya kinosunun qızıl fonduna daxil edilmişdir. O, Cüzeppe de Santis, Mario Bolonyini, Damiano Damiani, Mario Moniçelli, Taviani qardaşları kimi rejissorlarla işləmişdir. Mikelancelo Antonioni onun ssenariləri əsasında "Macəra", "Gecə", "Tutqunluq", "Qırmızı səhra", "Şəkilböyütmə", "Zabriski Poynt" və s. filmləri çəkmişdir. Öz yerlisi və yaxın dostu Federiko Fellini ilə isə sonradan tanınmış bir film olacaq "Amarkord"un pyesini fikirləşmişdi. Sonra isə bu əməkdaşlıq nəticəsində "Gəmi isə üzür" və "Cincer və Fred" filmləri yarandı. Andrey Tarkovskinin "Səyahət zamanı" sənədli və "Nostalgiya" adlı bədii filmlərinə ssenari yazmışdır. Vladimir Naumov da onunla əməkdaşlıq edərək "Ağ bayram" və "Əqrəbsiz saat" filmlərini çəkmişdir. Tanınmış rus multiplikatoru Andrey Xrjanovski ilə isə ilk əməkdaşlığı "Çal saqqallı şir" cizgi filmi olmuşdur. Bu cizgi filmi qərb tamaşaçıları və tənqidçiləri arasında inanılmaz uğur əldə etdi və bir çox festivallarda mükafat qazandı. Onların növbəti birgə işi Federiko Fellininin rəsmləri əsasında yaranan "Uzun səyahət" filmi oldu.

1970-ci illərin ortalarında Sovet İttifaqı vətəndaşı Eleonora Yabloçkina ilə ailə qurmuşdu[2].

Rimini şəhərində yaxın dostu Federiko Fellininin şərəfinə "La Sangiovesa" restoranını açmışdır. Həmin restoranı öz rəsmlərilə bəzəmişdir. Şəhər evinin divarlarında şair, keramik lövhələr asmışdır. Bu lövhələr onun bütün ömrü boyu topladığı fəlsəfi kəlamlarla dolu idi[3]. Tonino Querranın şeirləri onun yaxın dostu Bella Axmadulina tərəfindən rus dilinə tərcümə olunmuşdur[4].

Tonino Querra 21 mart 2012-ci ildə 92 yaşında doğma Santarkancelo-di-Romanyada vəfat etmişdir[5].

Filmoqrafiya[redaktə | mənbəni redaktə et]

  1. Qırmızı səhra (film, 1964) / Il deserto rosso
  2. Cincer və Fred (film, 1986) / Ginger E Fred

İstinadlar[redaktə | mənbəni redaktə et]

  1. ↑ "Cenni biografici Antonio (Tonino) Guerra". 2012-03-23 tarixində orijinalından arxivləşdirilib. İstifadə tarixi: 2013-07-15.
  2. ↑ "Tonino Guerra — Biografia". 2016-03-04 tarixində orijinalından arxivləşdirilib. İstifadə tarixi: 2013-07-15.
  3. ↑ "Ресторан Тонино Гуэрры La Sangiovesa". 2011-12-29 tarixində orijinalından arxivləşdirilib. İstifadə tarixi: 2013-07-15.
  4. ↑ "Сайт Кино-Театр.ру". 2010-04-07 tarixində arxivləşdirilib. İstifadə tarixi: 2013-07-15.
  5. ↑ "Умер сценарист Тонино Гуэрра". 2012-03-22 tarixində arxivləşdirilib. İstifadə tarixi: 2013-07-15.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Tonino_Querra&oldid=6785967"