Torpaq-eroziya proseslərinin tədqiqi

Vikipediya, azad ensiklopediya
Jump to navigation Jump to search

Torpaq-eroziya proseslərinin tədqiqi

Ümumi məlumat[redaktə | əsas redaktə]

Bu mərhələdə ilk növbədə respublikanın eroziya proseslərinə potensial təhlükəli torpaq sahələrinin yayıldığı zonal bölgələrin (torpaq-iqlim, landşaft, fiziki, coğrafi, geomorfoloji) müəyyənləşdirilməsi məqsədilə son 10-15 il əvvəl, aparılmış irimiqyaslı (1:5000, 1:10000, 1:25000) torpaq-eroziya tədqiqatlarına aid xəritə, xəritə-sxem və hesabat, tövsiyə, metodiki vəsait, göstəriş, təlimat və lazım gəldikdə elmi məqalə və monoqrafiyalar toplanaraq ilkin olaraq eroziyaya uğrama dərəcələri və onların haqqında statistik məlumatlar toplanır. Toplanmış xəritə, hesabat və statistik məlumatlar diqqətlə təhlil edilərək sistemləşdirilir və respublikanın ərazisində torpaqların eroziyası haqqında, daha doğrusu bu prosesin respublikamızın hansı zonasında geniş yayılması barəsində ilkin məlumat əldə edilir. Həmin məlumatlar əsasında ilkin olaraq torpaqların eroziyaya uğrama dərəcələri müəyyənləşdirilir. Sonra isə eroziyaya uğramış torpaqlara aid həmin xəritələr ümumiləşdirilərək müvafiq miqyasda torpaqların eroziyaya uğrama dərəcələrini özündə əks etdirən xəritə-sxem tərtib edilir. Tərtib edilmiş xəritə-sxemlər əsasında respublikanın ərazisində torpaqların eroziyaya uğraması haqqında ümumi məlumat əldə edilir. Gələcəkdə eroziyaya müxtəlif dərəcədə uğramış torpaqlarda eroziya prosesləri ilə əlaqədar baş vermiş deqradasiya hadisələri haqqında dəqiq məlumat əldə edilməsi üçün respublikanın dağlıq ərazilərində su, aran arid iqlim zonalarında isə külək eroziyasının geniş yayıldığı bölgələr müəyyənləşdirilir.

Xarici keçidlər[redaktə | əsas redaktə]

Həmçinin bax[redaktə | əsas redaktə]

İstinadlar[redaktə | əsas redaktə]