Torrazzo zəng qülləsi
| Torrazzo zəng qülləsi | |
|---|---|
 | |
| Ölkə | |
| Yerləşir | Kremona |
| Üslubu | roman memarlığı |
| 45°07′48″ şm. e. 10°01′48″ ş. u.HGYO | |
 |
|
 Vikianbarda əlaqəli mediafayllar | |
Torrazzo zəng qülləsi (it. Torrazzo di Cremona) — İtaliyanın şimalında Lombardiya bölgəsində yerləşən Kremona şəhəri kafedralının zəng qülləsi.
Tarixi
[redaktə | vikimətni redaktə et]Rəvayyətlərə görə qüllənin tikintisi 754-cü ildə başlamışdır. Əslində isə o, dörd mərhələdə inşa edilmişdir. İlk mərhələ 1230-cu illərə qədər, ikinci mərhələ 1250-1267-ci illər arasında, üçüncü mərhələ təxminən 1284 və 1309-cu ildə baş vermişdir. Onun hündürlüyü Torrazzonun əsasında divara qoyulmuş bir lövhədə qeyd olunub, burada 250 arşın və 2 unsiya yazılıb ki, bu da Lombardiya şəhərlərinin qədim ölçü sistemində təxminən 111 metrə bərabərdir.
Torrazzo zəng qülləsi 112,54 metr hündürlüyündədir və dünyanın üçüncü ən hündür kərpic zəng qülləsi olaraq tanınır.[1] Birinci yeri Bavariyanın Landşut şəhərindəki Müqəddəs Martin kilsəsinin qülləsi, ikinci yeri isə Belçikanın Brügge şəhərindəki Müqəddəs Məryəm kilsəsinin qülləsi tutur. Lakin Torrazzo daha qədimdir və hündürlüyü 100 metrdən çox olan ən qədim kərpic tikilidir.[2]
Astronomik saat
[redaktə | vikimətni redaktə et]
Torrazzo zəng qülləsinin dördüncü mərtəbəsində dünyanın ən böyük astronomik saatı yerləşir. Saatın üzü 8,20 metr diametrindədir.
Mexanizm 1583-1588-ci illər arasında Françesko və Covan Battista Divizioli (ata və oğul) tərəfindən hazırlanmışdır. Əsasən 1483-cü ildə Paolo Skazzola tərəfindən boyanmış, lakin sonradan Covanni Battista Dordoni də daxil olmaqla dəfələrlə yenidən rənglənmiş xarici hissə, zodiak bürcləri və onların arasında hərəkət edən Günəş və Ayı təsvir edən səmanı təmsil edir.
Torrazzo zəng qülləsi yeddi zəngdən ibarətdir və hamısı A major gamına uyğunlaşdırılıb. Bundan əlavə saatı vurmaq üçün istifadə olunan "Zəng Çalan" adlı başqa bir zəng də var.[3]
İstinadlar
[redaktə | vikimətni redaktə et]- ↑ Official Document of the Research conducted by the Politecnico di Milano Arxivləşdirilib 2013-10-05 at the Wayback Machine
- ↑ "P. Ghidotti, Il Torrazzo di Cremona. Archeologia e Storia di un monumento medievale. Crémone 2000" (PDF). 9 noyabr 2018 tarixində arxivləşdirilib (PDF). İstifadə tarixi: 9 noyabr 2018.
- ↑ "A. Zasso, G.M. Roberti, R. Corradi, R.T. Folli. Characterisation of static and dynamic response of historic buildings: experimental investigation and monitoring of the Torrazzo in Cremona. POLITECNICO, 2004". 9 noyabr 2018 tarixində arxivləşdirilib. İstifadə tarixi: 9 noyabr 2018.
