Toxuculuq Muzeyi (Tilburq)
| Toxuculuq Muzeyi | |
|---|---|
 | |
 | |
| Əsası qoyulub | 1958 |
| Ölkə | |
| Yerləşir | Tilburg |
| Telefon | +31-13-536-7475 |
| 51°34′14″ şm. e. 5°04′46″ ş. u.HGYO | |
| textielmuseum.nl | |
 Vikianbarda əlaqəli mediafayllar | |
Toxuculuq Muzeyi (nid. TextielMuseum) – Niderlandın Tilburq şəhərində yerləşən toxuculuq muzeyi.
Tarixi
[redaktə | vikimətni redaktə et]Muzey 1860-cı illərdə tilburqlu yun parça istehsalçısı, toxucu Kristian Mommersin oğlu tərəfindən tikdirilmiş keçmiş parça fabrikinin binasında yerləşir. Muzey kompleksi müxtəif dövrlərdə tikilmiş bir neçə binadan ibarətdir. 2008-ci ildə muzeyin əsas binası üçün modern üslubda olan və şüşə örtükdən ibarət giriş bölgəsi inşa olunmuşdur.[1]
Xüsusiyyətlər
[redaktə | vikimətni redaktə et]Muzey toxuculuq tarixinə həsr olunmuş sərgilərə və interaktiv tətbiqi zonalara ev sahibliyi edir. Yun yorğanı fabriki sərgisində 1900–1940-cı illərdə yundan yorğan toxumaq üçün istifadə olunmuş toxuculuq dəzgahları sərgilənir. Damast toxuculuq atelyesində Brabant regionunda fəaliyyət göstərmiş bir toxuculuq şirkətinin tarixi haqqında məlumatlar təqdim olunur.[2] Hollandiyada toxuculuq mövzusunda olan kitabların saxlanıldığı ən böyük kitabxana bu muzeydə yerləşir. Kitabxana 20.000-dən çox kitaba ev sahibliyi edir.[3]
"TextielLab" bölməsində ziyarətçilər peşəkarlar tərəfindən idarə olunan və işləməyə davam edən toxuculuq dəzgahları ilə, eləcə də, davam etdirilən layihələrlə tanış olurlar. Ziyarətçilərə keçmiş layihələr və təcrübələr təqdim olunur, metal kimi qeyri-adi materiallardan hazırlanan təcrübi nümunələr göstərilir. Dizayn studiyasında muzey ziyarətçiləri öz corablarını və ya şərflərini toxuya bilər, daha sonra onları apara bilərlər. Muzeydə hazırlanan məhsullar "TextielShop" mağazasında satılır.[2]
İstinadlar
[redaktə | vikimətni redaktə et]- ↑ "History and building". Muzeyin rəsmi saytı (ingiliscə). İstifadə tarixi: 11 sentyabr 2025.
- ↑ 1 2 "TextielMuseum". Atlas Obscura (ingiliscə). 7 sentyabr 2025. İstifadə tarixi: 11 sentyabr 2025.
- ↑ "About TextielMuseum". Muzeyin rəsmi saytı (ingiliscə). İstifadə tarixi: 11 sentyabr 2025.
Xarici keçidlər
[redaktə | vikimətni redaktə et]- textielmuseum.nl — rəsmi saytı
| ||||
