Toy (film, 2005)

Toy — 2005-ci il istehsalı Azərbaycan komediya filmi.

Toy
Janr	komediya
Rejissor	Həsən Əliyev
Ssenari müəllifləri	Həsən Əliyev, Ramin Hacıyev, Elnur Hüseynov
Baş rollarda	Ramiz Hüseynzadə-Ramiz Xuraman Əlizadə-Gümüş Leyla Əmirova-Leyli Fərda Xudaverdiyev-Daşdəmir Elnur Hüseynov-İnqilab Elməddin Cəfərov — Taleh
Operator	Fikrət Əsgərov
İlk baxış tarixi	16 mart 2005, Bakı
Filmin növü	tammetrajlı bədii film
Müddət	99 dəq.
Ölkələr	Azərbaycan
Dil	Azərbaycan dili
İl	2005
Texniki məlumatlar	videofilm
Rəng	rəngli
Çəkiliş yeri	Bakı Xaçmaz, Pərdiqıran kəndi

Məzmun

Baş qəhrəman Ramiz (Ramiz Hüseynzadə) bir qıza aşiq olur. Qızın evinin yerini öyrənmək üçün ona dostu (Elməddin Cəfərov) kömək edir. Dost axtarışda olanda isə, Ramiz xəyala dalır. Xəyalında ağlına gəlir ki, dostu qızın evini səhv öyrənib və o istədiyi qızın qonşusugilə gedəsi olur. Təsadüfən bu evdə də gənc, ancaq çox kobud, ağırçəkili bir qız (Xuraman Əlizadə) yaşayır. Qızın ailəsi də bu qıza bir elçi düşsün deyə Allaha yalvarır. İş elə gətirir ki, Ramiz səhvən bu qızın evinə elçi düşür. Qızı ona dərhal verirlər. Gənc "hə" sözü ağızdan çıxandan sonra görür ki, bu qız istədiyi qız yox, başqasıdır. Gənc çox and-aman edir ki, evlənmək istəmirəm, amma qulaq asan olmur. Toy baş tutur. Toyda isə bəydən başqa hamı sevincli olur. Elə bu dəmdə dostunun səsinə xəyallardan ayrılan Ramiz, evlənməkdən imtina edir.

Film haqqında

• Filmin çəkilişlərinə Xaçmaz rayonu Pərdiqıran kənd sakinləri köməklik göstərmişdir.
• 2015-ci ildə rejissor Həsən Əliyev tərəfindən eyniadlı 2-ci Toy filmi çəkilib. "Toy-2" Azərbaycanın ilk sikvel filmi olsa da tənqidçilər tərəfindən bəyənilməyib. Rejissor bu kinoda seksual azlıqları tənqid etdiyini bildirib. Bu da bəzi yerli LGBT üzvlərinin narazılığına səbəb olub.
• 2017-ci ildə Ramiz Hüseynzadə tərəfindən bu filmin davamı olaraq Toydan sonra nağara filmi çəkilsə də, bu film də tənqidçilər tərəfindən bəyənilməyib.

Filmin heyəti

Film üzərində işləyənlər

Quruluşçu rejissor: Həsən Əliyev

Rejissor assistenti: Ramin Hacıyev

Ssenari müəllifi: Həsən Əliyev, Ramin Hacıyev, Elnur Hüseynov

Quruluşçu operator: Fikrət Əsgərov

Montaj rejissoru: Elnar Həşimov

Səs rejissoru: Natiq Hüseynov

Koordinator: Tərlan Fərzullayev

Mahnını ifa edir: Ayaz Qasımov

Filmin direktoru: Camal Əliyev

Produser: Müşfiq Hətəmov

Kadrarxası səs: Kazım Abdullayev

Musiqilərindən istifadə edilən bəstəkar: Polad Bülbüloğlu, Eldar Mansurov, Ədalət Şükürov

Rollarda

Ramiz Hüseynzadə — Ramiz

Xuraman Əlizadə — Gümüş

Leyla Əmirova — Leyli

Fərda Xudaverdiyev — Daşdəmir

Elnur Hüseynov — İnqilab

Elməddin Cəfərov — Taleh

Tərlan Fərzullayev — Tərlan

İslam Həsənzadə

Azər Qurbanov — Sakit

Samirə Əhmədova — Anjelika

Ələsgər Məmmədoğlu — Ələsgər əmi

Ramin Hacıyev — Cabbar

Elçin Hüseynov (müğənni) — Özü

Jenya

Samir

Ramin

Rəşad

Xəttab

Yunis

Sponsor

"Azərsun" Holdinq

Çəkilişə köməklik edən qurumlar

"Pizza İnn" Restoranı (Talehlə Ramizin restorandakı gorüşü səhnəsi)

"7 Gözəl" Gözəllik Salonu

"Niel" Şadlıq Sarayı (toy səhnələri)

"Kompas" Gəmi-Bar

"Herakl" İdman Malları Mağazası

Xaçmaz Rayon İcra Hakimiyyəti

Həmçinin bax

• Ailəm (film, 2006)
• Qonşular (film, 2006)
• Tək səbir (veriliş)
• Toy 2 (film, 2015)
• Toydan sonra nağara (film, 2017)