Toyohiko Kaqava

Vikipediya, azad ensiklopediya
Jump to navigation Jump to search
Toyohiko Kaqava
yap. 賀川豊彦
KAGAWA Toyohiko young.JPG
Doğum tarixi 10 iyul 1888(1888-07-10)[1][2][…]
Doğum yeri
Vəfat tarixi 23 aprel 1960(1960-04-23)[1][2][…] (71 yaşında)
Vətəndaşlığı
Fəaliyyəti yazıçı, pastor[d], iqtisadçı, sindikatçı[d], siyasətçi
Vikianbarın loqosu Vikianbarda əlaqəli mediafayllar

Toyohiko Kaqava (賀川 豊彦?, 10 iyul 1888[1][2][…], Kobe23 aprel 1960[1][2][…]) – yapon sosial islahatçı və evangelist.[3] O, 1930-cu illərdə Qərb dünyası tərəfindən ən məşhur yapon protestant hesab olunurdu.[3] Tanrı krallığı və Milyon ruhun xilası hərəkatlarında vacib rol oynamış, İkinci dünya müharibəsindən sonra isə Dünya federasiyası hərəkatında iştirak etmişdir.[4]

Pasifizm tərəfdarı olması, Yaponiyada yoxsullara göstərdiyi dəstəyi, dini və iqtisadi əsərlərinə görə ABŞ mediası onu "Yaponiyanın Qandisi", "Yaponiyanın Şveytseri" və "Yaponiyanın Müqəddəs Frensisi" adlandırırdı.[3]

Həyatı[redaktə | mənbəni redaktə et]

Kaqava 1888-ci ildə Yaponiyanın Kobe şəhərində doğulmuşdur.[3] Yeniyetmə ikən Cənubi presbiterian missionerlər Çarlz LoqanHerri Mayers tərəfindən xristianlıqla tanış olmuşdur.[3] Tokuşima prefekturasında orta məktəbdə oxuyarkən vəftiz olunmuşdur.[5] İki il boyunca ABŞ-dakı Prinseton Dini Seminariyasında təhsil almış, 1917-ci ildə Yaponiyaya qayıtmışdır.[5]

Kaqava 21 yaşında ikən Kobe şəhərinin gecəqondularında yaşamağa, küçələrdə vəz verməyə başlamış, öz kvartalını evsizlər üçün sığınacağa çevirmişdir.[3] Yoxsullar üçün məktəblər, xəstəxanalar, yetimxanalar qurmuşdur.[3] İlk kitabı "Yoxsul psixologiyasının tədqiqi" (1915) kitabı onun gecəqondulardakı təcrübələrinə əsaslanır.[3] 1920-ci ildə yazdığı "Ölüm xəttini keçmək" adlı avtobioqrafik romanından əldə etdiyi gəlir sayəsində sosial proqramlar təşkil etmişdir.[3] Kaqava Yaponiya Sosialist Partiyasının qurucu üzvlərindən biri olmuşdur.[3] Əmək hərəkatındakı aktiv fəaliyyətinə görə 1921-ci ildə həbs olunmuşdu.[4] Daha sonra diqqətini fermer hərəkatına yönəltmiş, kənd təsərrüfatı kooperativlərinin qurulmasında iştirak etmişdir.[4]

Kaqava ABŞ və Avropa turları çərçivəsində 1 milyondan çox insana xitab etmiş, İncilin sosial və iqtisadi islahata ehtiyacı olduğunu demişdir.[3] Onun "Qardaşlıq iqtisadiyyatı" konsepsiyası dünya iqtisadiyyatının kapitalizmdən çox, əməkdaşlığa söykənməsini müdafiə edirdi.[3] Xüsusilə, liberal protestantlar arasında populyar olan Kaqava 1936-cı ildə Roçester Dini Seminariyasında Rauşenbuş mühazirələrini vermişdir.[3] Protestant missioner Vilyam Akslinqin Kaqava haqqında 1932-ci ildə yazdığı bioqrafiya onun bu cür yerlərə çağrılmasının yolunu açmışdır.[3]

İkinci dünya müharibəsindən əvvək ABŞ-lı missioner Stenli Cons və digər protestantlarla əməkdaşlıq edərək müharibənin qarşısını almağa çalışmışdır.[3] İkinci dünya müharibəsindən sonra dünya sülhü üçün çalışmışdır.[3] 1960-cı ildə ölmüşdür.[3]

İstinadlar[redaktə | mənbəni redaktə et]

  1. 1 2 3 4 Bibliothèque nationale de France BnF identifikatoru (fr.): açıq məlumat platforması. 2011.
  2. 1 2 3 4 Kagawa Toyohiko // Encyclopædia Britannica (ing.).
  3. 1 2 3 4 5 6 7 8 9 10 11 12 13 14 15 16 17 Hillerbrand
  4. 1 2 3 Kodansha Encyclopedia of Japan. səh. 104
  5. 1 2 Kodansha Encyclopedia of Japan. səh. 103

Ədəbiyyat[redaktə | mənbəni redaktə et]

  • Hillerbrand, Hans. The Encyclopedia of Protestantism (ingiliscə). II cild. Nyu-York: Routledge. 2004. səh. 955. ISBN 0-415-92472-3. İstifadə tarixi: 2022.
  • Kodansha Encyclopedia of Japan (ingiliscə). IV cild. Tokio: Kodansha. 1983. səh. 103-104. ISBN 0-87011-624-7. İstifadə tarixi: 2022.

Xarici keçidlər[redaktə | mənbəni redaktə et]