Tsoy divarı

Vikipediya, azad ensiklopediya
Jump to navigation Jump to search
Köhnə Arbatda yerləşən Tsoy divarı
rus. Стена Цоя
Tsoy divarındakı yazılar, 2013
Tsoy divarındakı yazılar, 2013
Ölkə Rusiya
Şəhər Moskva
Yerləşməsi Arbat küçəsi ilə Krivoarbatskiy zolağının kəsişməsindəki ev №37-də
Əsas tarixlər:
İlk dəfə adı çəkilib: 1991 ("Пульс" jurnalında)

Tsoy divarı (rus. Стена Цоя, ing. Tsoi's Wall) — musiqiçi Viktor Tsoya və onun yaratdığı "Kino" qrupuna həsr olunmuş, Moskvada yazılar ilə bəzənmiş divar. Divar Arbat küçəsi ilə Krivoarbatski döngəsinin kəsişməsindəki 37 №-li evdə yerləşir və Moskvanın görməli yerlərindən biri hesab edilir.[1] Tsoy fanları üçün divarın yanındakı xüsusi külqabına qırıq siqareti yandıraraq qoymaq adət halını almışdır.[2]

Tsoy fanları tərəfindən tez-tez ziyarət edilən divar dostlar üçün bir-birlərinə göndərdikləri qeydləri gizlətmək və ya görüş təşkil etmək məkanına çevrilmişdir. Moskvadan əlavə bir neçə şəhərdə, o cümlədən Sankt-Peterburq, Xabarovsk,[3] Dnepr, Sevastopol[4] şəhərlərində də Tsoyun xatirəsini əbədiləşdirmək üçün belə divarlardan istifadə olunmuşdur.

Tarixi[redaktə | mənbəni redaktə et]

Divara yazılan ilk yazı 15 avqust 1990-cı ilə təsadüf edir və divarda qara rəng ilə "Viktor Tsoy bu gün öldü" (rus. Сегодня погиб Виктор Цой) yazılmışdır.[5] Ardınca isə başqa bir nəfər bu yazıya cavab olaraq yazmışdır: "Tsoy yaşayır!" (rus. Цой жив!). Daha sonra bir çox əlavə yazılar, o cümlədən "Kino" qrupunun "Пачка Сигарет" (azərb. Siqaret paçkası‎) və "Муравейник" (azərb. Qarışqa yuvası‎) adlı mahnılarından götürülmüş bəzi ifadələr divara həkk olunmuşdur. 2006-cı ildə divar "Art Destroy" layihəsinin üzvləri tərəfindən boyandı, lakin divar yazıları Tsoyun pərəstişkarları tərəfindən bərpa edildi. 2009-cu ildə Moskva hakimiyyəti divarın yenilənməsi ilə bağlı müəyyən planlarrın olduğunu bildirdi, lakin bu planlar skeptisizm ilə üz-üzə gəldi (şübhə ilə qarşılandı) və ləğv olundu.

Divarın yaxınlığında motosikletdə ayaqyalın oturan Tsoyun abidəsinin qurulması planlaşdırılırdı, lakin bu təklif yerli sakinlər və Tsoyun pərəstişkarları tərəfindən rədd edildi.[2]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. Buşnell, Con. Consuming Russia: popular culture, sex, and society since Gorbachev. Duke University press. 2001. 409, 410. ISBN 0-8223-2313-3.
  2. 1 2 Стена Виктора Цоя на Арбате (rus. ). culttourism.ru. İstifadə tarixi: 9 iyun 2020.
  3. "Victor Tsoi Painted On An Abandoned Movie Theater In Khabarovsk". mysouth.su. 22 iyun 2011. İstifadə tarixi: 9 iyun 2020.
  4. "Wall in memory of Viktor Tsoi". Otrokov Alexander. 12 may 2011. 10 June 2015 tarixində orijinalından arxivləşdirilib. İstifadə tarixi: 9 iyun 2020.
  5. Daria Qonzales. "Street art with an intelligent face". Russia Beyond the Headlines. 22 mart 2012. İstifadə tarixi: 9 iyun 2020.