Məzmuna keç

Tsunaqi İncəsənət Muzeyi

32°13′53″ şm. e. 130°27′28″ ş. u.HGYO
Vikipediya, azad ensiklopediya
Tsunaqi İncəsənət Muzeyi
つなぎ美術館
Loqonun şəkli
Xəritə
Əsası qoyulub aprel 2001
Açılış tarixi aprel 2001
Ölkə
Yerləşir Tsunaqi[d]
32°13′53″ şm. e. 130°27′28″ ş. u.HGYO
tsunagi-art.jp
Vikianbarın loqosu Vikianbarda əlaqəli mediafayllar
Muzeyin monorelsi.

Tsunaqi İncəsənət Muzeyi (つなぎ美術館, Tsunaqi Bicutsukan?) – Yaponiyanın Kumamoto prefekturasının Tsunaqi qəsəbəsində yerləşən incəsənət muzeyi.

Tarixi

[redaktə | vikimətni redaktə et]

Tsunaqi İncəsənət Muzeyi 1984-cü ildə əsası qoyulmuş Yaşıllıq və Heykəltaraşlıq İcması Tikinti Layihəsinin bir hissəsidir. Muzeyin tikintisi üçün komitə 1998-ci ilin avqustunda yaradılmışdır. Tikintisi 1999-cu ilin noyabrında başlanmış və 2000-ci ilin dekabrında başa çatmışdır. Muzey 2001-ci ilin aprelində Kumamoto prefekturasının Minamata-Aşikita regionu üçün mədəniyyət və incəsənət mərkəzi kimi açılmışdır.[1]

2001-ci ildə muzey "Kumamoto Artpolis" layihəsinin mükafatını qazanmışdır.[2] 2013-cü ildə muzeyə Regional Yaradılış Mükafatı verilmişdir.[3]

Xüsusiyyətlər

[redaktə | vikimətni redaktə et]

Muzeyin kolleksiyasına Kazuyuki Sakaino kimi kumamotolu sənətçilər tərəfindən hazırlanmış 450 eksponat, eləcə də, Tailandda yaşayan dağlıq qəbilələrin geyimləri daxildir.[1] Muzeyin ətrafında Çuryo Sato, Tatzu Nişi, Yukinori Yanaqi, Yusuke Asay və Toşiyuki Şibakava kimi sənətçilər tərəfindən hazırlanmış 16 heykəl quraşdırılmışdır. Bu heykəllərə 1800-cü illərdə Tsunaqidə yaşamış Çiyo adlı qadını əks etdirən "Çiyo" (2003) və Tsunaqi qəsəbəsinin 50 illiyi münasibətilə hazırlanmış qadın fiquru (2014) daxildir.[4]

Üç mərtəbədən ibarət muzey binasında çoxməqsədli zal, iki sərgi zalı, studya və kafe yerləşir.[5] Muzeydə mədəni mübadilə tədbirləri təşkil olunur.[1]

Monorels

[redaktə | vikimətni redaktə et]

Muzeyin ikinci mərtəbəsindən Mayzuru Parkına qədər davam edən 241 metrlik monorels fəaliyyət göstərir. Monorelsin maksimum meyilliyi 33° təşkil edir və səyahət 5 dəqiqə çəkir.[6]

İstinadlar

[redaktə | vikimətni redaktə et]
  1. ↑ 1 2 3 "About the museum". Muzeyin rəsmi saytı (ingiliscə). 21 sentyabr 2024 tarixində arxivləşdirilib. İstifadə tarixi: 21 sentyabr 2024.
  2. ↑ "つなぎ美術館（推進賞選賞）". Kumamoto Artpolis (yaponca). Archived from the original on 8 January 2009. İstifadə tarixi: 21 sentyabr 2024.
  3. ↑ "ニュース・（財）地域創造". Yaponiya Regional İncəsənət Fəaliyyətləri Assosiasiyası (yaponca). 25 noyabr 2014 tarixində arxivləşdirilib. İstifadə tarixi: 21 sentyabr 2024.
  4. ↑ "Outdoor sculpture". Muzeyin rəsmi saytı (ingiliscə). 21 sentyabr 2024 tarixində arxivləşdirilib. İstifadə tarixi: 21 sentyabr 2024.
  5. ↑ "Floor guide". Muzeyin rəsmi saytı (ingiliscə). 21 sentyabr 2024 tarixində arxivləşdirilib. İstifadə tarixi: 21 sentyabr 2024.
  6. ↑ "つなぎ美術館". Tsunaqi qəsəbəsinin rəsmi saytı (yaponca). 2 oktyabr 2013. 3 yanvar 2014 tarixində arxivləşdirilib. İstifadə tarixi: 21 sentyabr 2024.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Tsunaqi_İncəsənət_Muzeyi&oldid=7791316"