Tu te reconnaîtras
| "Tu te reconnaîtras" | |
|---|---|
| Ann-Mari David tərəfindən ifa olunmuş mahnı | |
| Yayımlanıb | 1973 |
| Janr | şanson |
| Dil | fransız dili |
"Tu te reconnaîtras" — Lüksemburqu təmsil edən fransız müğənnisi Ann-Mari David tərəfindən ifa olunmuş və 1973-cü il Avroviziya Mahnı Müsabiqəsində qələbə qazanmış mahnıdır. Bu, müsabiqə tarixində sonuncu qalib ölkənin növbəti ildə də qələbə qazanaraq ardıcıl uğura imza atdığı nadir hallardan biridir. Belə ki, Ann-Mari David bir il əvvəl Lüksemburqa "Après toi" mahnısı ilə qələbə qazandırmış Viki Leandrosun uğurunu təkrarlamağa nail olmuşdur.
Avroviziyada
[redaktə | vikimətni redaktə et]Anna-Mariya David "Tu te reconnaîtras" mahnısı ilə 129 xal toplayaraq 1973-cü il Avroviziya Mahnı Müsabiqəsində qalib gəlmiş və əsas favoritləri geridə qoymuşdur. Həmin yarışmada əsas rəqiblər sonradan beynəlxalq hitə çevrilən "Eres Tú" mahnısı ilə İspaniyanın "Mocedades" qrupu[1] və "Power to All Our Friends" kompozisiyasını ifa edən Britaniya müğənnisi Kliff Riçard olmuşdur. Anna-Mariya David mahnını olduqca əminliklə ifa edərək öz güclü vokal imkanlarını nümayiş etdirmişdir, lakin ayaqüstü alqışlarla qarşılanmamışdır, çünki tamaşaçıların yerlərindən qalxması qadağan edilmişdi.[2] Bu cür ehtiyat tədbirləri İsrailin müsabiqədə ilk dəfə iştirak etməsi ilə bağlı idi. Münxen Olimpiadasında törədilən terrordan sonra təşkilatçılar İsrail təmsilçisi üçün təhlükəsizlik tədbirlərini gücləndirmişdilər. Şərhçilərin bildirdiyinə görə, bu səbəbdən salondakı tamaşaçılara mühafizəçilərin hədəfinə gəlməmək üçün əyləşərək alqışlamaq tövsiyə olunmuşdur.[3]
Müsabiqədəki qələbəsindən sonra Anna-Mariya David bəxtini yenidən sınamaq qərarına gəlmiş və 1979-cu il Avroviziya Mahnı Müsabiqəsində "Je suis l’enfant soleil" mahnısı ilə çıxış edərək üçüncü yeri tutmuşdur.
Yarışmadakı səsvermə sistemi aşağıdakı qaydada tənzimlənmişdi: hər ölkədən biri 25 yaşdan yuxarı, digəri isə 25 yaşdan aşağı olan iki münsiflər heyəti üzvü iştirak edirdi. Onların hər biri mahnını 5 ballıq sistem üzrə qiymətləndirirdi. Ümumi nəticədə Lüksemburq İsveçrə, Böyük Britaniya və Fransadan maksimum 10 bal almağa nail olmuşdur.
İstinadlar
[redaktə | vikimətni redaktə et]- ↑ the show Eurovision Song Contest 1973 Arxiv surəti 18 yanvar 2017 tarixindən Wayback Machine saytında.
- ↑ О’Коннор, Джон Кеннеди. «Конкурс песни Евровидение — Официальная история». Carlton Books, Великобритания. 2007 ISBN 978-1-84442-994-3
- ↑ Курьезные случаи на конкурсе Евровидение Arxiv surəti 12 may 2014 tarixindən Wayback Machine saytında.