UEFA Avropa Konfrans Liqası

Vikipediya, azad ensiklopediya
Naviqasiyaya keçin Axtarışa keçin
Açılış ili 2021
Komandaların sayı 32 (qrup mərhələsi)
78 və ya 79 (toplam)
Son çempion İngiltərə Vest Hem Yunayted (1-ci dəfə)
Ən uğurlu klub İtaliya AS Roma
İngiltərə Vest Hem Yunayted (1 dəfə)
Cari mövsüm

UEFA Avropa Konfrans Liqası (UAKL) — UEFA tərəfindən 2021-ci ildə başlayacaq yeni qurulmuş bir futbol turniridir[1]. UEFA Konfrans Liqası, UEFA Çempionlar Liqası və UEFA Avropa Liqasının ardınca, Avropa klub futbol turnirlərinin 3-cü tuirniri olacaq. Yeni liqa ilk növbədə aşağı səviyyəli UEFA üzv ölkələri komandaları tərəfindən yeni mübarizə üçün yaradılıb[2]. UKL-ə vəsiqə komandaların milli liqalar və kubok yarışlarında göstərdikləri nəticələrə əsaslanacaqdır. Bu turnirdə də Çempionlar və Avropa liqasında olduğu kimi təsnifat mərhələsi təşkil ediləcək. İlk turnir 2021-ci ilin yayında, avrokuboklar üçün təsnifat mərhələsi start götürdükdə başlayacaq[3].

Reqlament[redaktə | mənbəni redaktə et]

UEFA Konfrans Liqasına komandaların vəsiqə qazanması üçün öz daxili liqalarında və kubokda təyin olunmuş nəticəni əldə etməlidirlər. İlk sezon olduğu üçün hələlik bu turnirə birbaşa vəsiqə qazanmaq üçün şans verilməyib. Adətən TOP5 ölkələrin komandaları müəyyən yerləri tutduqda turnirlərə birbaşa vəsiqə əldə edirlər. UEFA Konfrans Liqasında 32 komanda mübarizə aparacaq[4].

  1. • UEFA Avropa Konfransı Liqasının əsas yolundan 17 komanda
  2. • UEFA Avropa Konfransı Liqası çempionlar yolundan 5 komanda
  3. • UEFA Avropa Liqası pley-off mərhələsində məğlub olan 10 komanda

Bütün bunlardan sonra UEFA Avropa Liqasındakı komandaların sayı 48-dən 32-ə endiriləcək. UEFA Çempionlar Liqasının pley-off mərhələsində məğlub olan komandanın Avropa Liqasının qrup mərhələsinə birbaşa vəsiqə qazandığı kimi UEFA Avropa Liqasının pley-off mərhələsində məğlub olan komanda UEFA Konfrans Liqasının qrup mərhələsində iştirak hüququ qazanacaq. Yeni qərarların digəri isə Çempionlar Liqası və Avropa Liqasının qrupunda 3-cü pillənin sahibi olan komandanın mübarizədən kənar qalmamasıdır. Belə ki, Çempionlar Liqasının qrup mərhələsində birinci və ikinci pillənin sahibləri 1/8 final mərhələsinə vəsiqə qazanırdı. Yeni reqlamentə əsasən Çempionlar Liqasının qrup mərhələsində 3-cü pillədə qərarlaşan komanda ilə Avropa Liqasının qrupunda ikinci pillədə olan komandalar arasında pley-off mərhələsi təşkil ediləcək. Bu cütün qalibi Avropa Liqasının 1/8 final mərhələsinə vəsiqə qazanacaq. Həmçinin, Avropa Liqasının qrupunda 3-cü pillənin sahibi ilə UEFA Konfrans Liqasının qrupunda ikinci pillənin sahibi ilə pley-off oyunu keçiriləcək və qalib komanda UEFA Konfrans Liqasının 1/8 final mərhələsində çıxış etmək hüququ qazanacaq. Bu qərarlardan sonra yalnız UEFA Çempionlar Liqasının qrup mərhələsində birinci və ikinci pillənin sahibləri 1/8 final mərhələsinə vəsiqəni birbaşa təmin edəcək. Digər iki liqadakı ikinci pillənin sahibləri isə özündən bir pillə yüksəq liqanın qrup mərhələsinin üçüncüsü ilə pley-off mərhələsinə çıxacaq. UEFA Konfrans Liqasının qrupunda üçüncü pillənin sahibi mübarizəni dayandırmış hesab edilir.

UEFA Konfrans Liqasının qrup mərhələsində 4 komanda mübarizə aparacaq və hər komanda bir-biri ilə ev/səfər oyununa çıxacaq. Qazanılan hər qələbəyə 3, heç-heçəyə isə 1 xal veriləcək. Qrupdan çıxan komandalar ardıcıllığa uyğun olaraq 1/8, 1/4, yarım-final və final oyunlarına qədər irəliləyə bilər. Avropa Liqasındakı 48 komandanın 32-ə endirilməsindən sonra bu turnirdəki 1/16 final mərhələsi ləğv edilir.

İştirakçı komandaların müəyyənləşməsi[redaktə | mənbəni redaktə et]

UEFA Konfrans Liqasında da komandaların iştirakı digər liqalardakı kimi UEFA-nın əmsallar cədvəlinə uyğun olaraq müəyyənləşdiriləcək[5].

Çempionlar Liqasındakı "Çempionlar Yolu — Liqa Yolu", seçmə sisteminə bənzər bir seçmə mərhələ olacaq.

İlk 5 liqadan bir komanda

6 və 15-ci sıradakı liqalardan iki komanda

16-cı və 51-ci liqalardan üç komanda

52 və 54-cü sıradakı liqalardan iki komanda

55-ci sırada yer alan bir komanda

Lixtenşteyn Futbol Assosiasiyasının yerli liqası olmadığından Lixtenşteyn Futbol Kubokunun qalibi də daxil ediləcək.

Bu turda iştirak edəcək komandalar Öncəki turdan gələn komandalar Çempionlar Liqasından gələn komandalar Avropa Liqasından gələn komandalar
Birinci təsnifat mərhələsi
  • 30–55 sıralarda olan ölkələrdən Kubokun qalibləri
  • 30–54-cü ölkələrdən liqada ikinci olan 24 komanda (Lixtenşteyn xaric)
  • 22–29 ölkələrdən liqanı üçüncü sırada bitirən komandalar
İkinci təsnifat mərhələsi Çempionlar yolu(20 komanda) Çempionlar Liqasının ilk turunda məğlub olan 20 komanda
Liqa yolu (90 komanda)
  • 16–29 sıradakı ölkələrindən 14 yerli kubok qalibi
  • 16–29 sıralarda olan ölkələrdən liqa ikincisi olan 14 komanda
  • 13–28 sıralarda olan ölkələrdən liqa üçüncüsü olan 16 komanda
  • 7–15 sıralardakı ölkələrdən liqa dördüncüsü 9 komanda
  • 6-cı sırada olan ölkədən 5-ci pillənin sahibi 1 komanda
 Birinci mərhələnin liqa yolunda turu adlayan 36 komanda
Üçüncü təsnifat mərhələsi Çempionlar yolu (10 komanda) İkinci təsnifat mərhələsini keçən 10 çempion komanda
Liqa yolu (52 komanda) 7–12 sıralarda olan ölkələrdən liqa üçüncüsü olan 6 komanda 6-cı sırada olan ölkənin liqasında 4-cü pillənin sahibi olan 1 komanda İkinci mərhələni keçən 45 komanda
Pley-off mərhələsi Çempionlar yolu (10 komanda) Üçüncü mərhələni adlayan 5 çempion komanda Avropa Liqasının üçüncü mərhələsində məğlub olan 5 çempion komanda
Liqa yolu (34 komanda) 1–4 sıralardakı ölkələrdən liqanın 6-cı pilləsində qərarlaşan 4 komanda 5-ci pillədə yer alan ölkənin liqasında 5-ci pillənin sahibi olan 1 komanda Üçüncü təsnifat mərhələsinin liqa yolunda mərhələni adlayan 26 komanda Avropa Liqasının üçüncü mərhələsinin liqa yolunda məğlub olan 3 komanda
Qrup mərhələsi (32 komanda) Pley-off mərhələsini adlayan çempionlar yolundakı 5 komanda Pley-off turunu keçən liqa yolundakı 17 komanda Avropa Liqasının pley-off mərhələsinin liqa yolunda məğlub olan 10 komanda
1/8 final mərhələsi (16 komanda) Qrup mərhələsini birinci pillədə bitirən 8 komanda Qrupun ikincisi ilə Avropa Liqası qrupunun üçüncüsü arasında keçirilən pley-off matçının qalibi olan 8 komanda
1/4 final mərhələsi (8 komanda) 1/8 final mərhələsini adlayan 8 komanda
Yarım-final mərhələsi (4 komanda) 1/4 final mərhələsini adlayan 4 komanda
Final oyunu (2 komanda) Yarım-final mərhələsində qalib olan 2 komanda

Təqvim[redaktə | mənbəni redaktə et]

UEFA Konfrans Liqasının I təsnifat mərhələsinin oyunları 8 iyul 2021-ci ildə başlayacaq. 26 avqust tarixində keçiriləcək son təsnifat mərhələsi oyunları ilə qrup mərhələsinin 32 iştirakçısı bəlli olacaq. Əsas mərhələnin oyunları 16 sentyabr 2021-ci il tarixindən 25 may 2022-ci ilə qədər davam edəcək. Turnirin ilk final oyunu Albaniyanın paytaxtı Tiranada keçiriləcək.

Turnirin mükafat fondu və brendinqi ilə dəqiq məlumatlar hələ bəlli deyil. Konfrans Liqasının oyunları Avropa Liqasındakı kimi cümə axşamı günləri keçiriləcək.

  1. Birinci təsnifat mərhələsinin püşkü: 15 iyun
  2. İkinci təsnifat mərhələsinin püşkü: 16 iyun
  3. Birinci təsnifat mərhələsi: 8–15 iyul
  4. Üçüncü təsnifat mərhələsinin püşkatması: 19 iyul
  5. İkinci təsnifat mərhələsi: 22–29 iyul
  6. Play-off mərhələsinin püşkü: 2 Avqust
  7. Üçüncü təsnifat mərhələsi: 5–12 Avqust
  8. Pley-off: 19 & 26 Avqust
  9. Qrup mərhələsinin püşkatma mərasimi: 27 Avqust
  10. Qrup mərhələsi: 16–30 sentyabr, 21 oktyabr, 4–25 noyabr, 9 dekabr tarixlərində keçiriləcəkdir.

UEFA Konfrans Liqasının qalibi olan komanda növbəti ildə UEFA Avropa Liqasının qrup mərhələsinə birbaşa vəsiqə qazanacaq.

Teleyayım[redaktə | mənbəni redaktə et]

UKL-in yayım hüququna sahib olan televiziya kanalları:

Ölkə Kanal Ölkə Kanal Ölkə Kanal Ölkə Kanal
Andorra Movistar + Çexiya Respublikası KT Monqolustan SPS Sloveniya
  • Pro Plus
  • Arena İdman
  • Sports Club
Avstriya
  • ORF
  • ServusTV
  • Sky Sport
 Danimarka TV 2 Çernoqoriya Arena İdman Cənubi Afrika SuperSport
Baltikyanı ölkələr NENT Finlandiya NENT Hollandiya Talpa TV İspaniya Movistar +
Belçika
  • Telenet
  • VRT
  • RTBF
  • VOO
 Fransa
  • M6
  • Kanal +
 Şimali Makedoniya Arena İdman Səhra altı Afrika SuperSport
Bosniya və Herseqovina Arena İdman Almaniya RTL Norveç NENT İsveç NENT
Braziliya ESPN Yunanıstan Cosmote TV Polşa NENT İsveçrə
  • CH Media
  • Teleklub
Orta Asiya Saran Media İslandiya
  • NENT
  • Sın
 Portuqaliya
  • SIC
  • Sports TV
 Ukrayna MEGOGO
Xorvatiya Arena Sports İndoneziya Emtek Rusiya Birləşmiş Krallıq BT Sports
Kipr CytaVision İtaliya Sky Sport Serbiya Arena İdman Amerika Birləşmiş Ştatları
  • CBS
  • TUDN
Malta
  • PBS
 Slovakiya RTVS Özbəkistan MTRK

İstinadlar[redaktə | mənbəni redaktə et]

  1. ↑ "Arxivlənmiş surət". 2021-05-24 tarixində arxivləşdirilib. İstifadə tarixi: 2021-05-24.
  2. ↑ "Arxivlənmiş surət". 2021-08-24 tarixində arxivləşdirilib. İstifadə tarixi: 2021-05-24.
  3. ↑ "Arxivlənmiş surət". 2021-05-24 tarixində arxivləşdirilib. İstifadə tarixi: 2021-05-24.
  4. ↑ "Arxivlənmiş surət". 2021-05-24 tarixində arxivləşdirilib. İstifadə tarixi: 2021-05-24.
  5. ↑ "Arxivlənmiş surət". 2021-05-24 tarixində arxivləşdirilib. İstifadə tarixi: 2021-05-24.
Mənbə — "https://az.wikipedia.org/w/index.php?title=UEFA_Avropa_Konfrans_Liqası&oldid=7562174"