UEFA məşqçi lisenziyaları
UEFA məşqçi lisenziyası — UEFA üzvü olan ölkələrdə məşqçilərin ixtisasını təsdiq edən sənəd. UEFA hər biri müəyyən səviyyədə məşqçilik üçün etibarlı olan bir neçə lisenziya təqdim edir. Bunlara UEFA Pro Lisenziyası, UEFA A Lisenziyası, UEFA B Lisenziyası və UEFA C Lisenziyası daxildir. Bu lisenziyalar UEFA-ya üzv olan hər bir ölkənin futbol federasiyası tərəfindən verilir və üç il müddətində etibarlıdır.
UEFA Pro Lisenziyası
[redaktə | vikimətni redaktə et]UEFA Pro Lisenziyası Avropada mövcud olan ən yüksək dərəcəli məşqçilik sertifikatıdır və adətən "B" və "A" lisenziyalarının tamamlanmasından sonra verilir.[1][2] İstənilən Avropa ölkəsində liqa sisteminin ən yüksək pilləsində çıxış edən bir futbol klubunu daimi əsasda, yəni 12 həftədən çox idarə etmək üçün Pro Lisenziyası tələb olunur. Bu lisenziya həmçinin UEFA Çempionlar Liqası, UEFA Avropa Liqası və UEFA Konfrans Liqasında çıxış edən klublara rəhbərlik etmək üçün də tələb olunur.[3][4]
UEFA A Lisenziyası
[redaktə | vikimətni redaktə et]A Lisenziyası Pro Lisenziyasından bir səviyyə aşağıdır. Bu lisenziya sahibinə 18 yaşa qədər gənclər komandalarının, yüksək səviyyəli klublarda əvəzedici komandaların ("B" komandaları və ya II komanda kimi də tanınır) və peşəkar futbolun ikinci təbəqəsində oynayan kişilərdən ibarət klubların baş məşqçisi olmaq hüququ verir.[5][6]
UEFA B Lisenziyası
[redaktə | vikimətni redaktə et]B Lisenziyası A Lisenziyasından bir səviyyə aşağıdır və sahiblərinə həvəskar klubların və 16 yaşa qədər gənclər komandalarının baş məşqçisi, həmçinin peşəkar klublarda köməkçi məşqçi olmaq hüququ verir.[5]
UEFA C Lisenziyası və FA Səviyyə 1
[redaktə | vikimətni redaktə et]B Lisenziyasından bir səviyyə aşağıda C Lisenziyası, ondan bir səviyyə aşağıda isə FA Səviyyə 1 sertifikatı (və ya D Lisenziyası) yer alır.[7] Daha əvvəl FA Səviyə 1 sertifikatından yuxarıda FA Səviyyə 2 sertifikatı yer almış, daha sonralar onu C Lisenziyası əvəz etmişdir.[8] C lisenziyasını əldə etmək üçün çox vaxt FA Səviyyə 1 setifikatı tələb olunur.[8] Bu sertifikata bir çox yerli futbol assosiasiyasında "D Lisenziyası" kimi də istinad edilir.
İstinadlar
[redaktə | vikimətni redaktə et]- ↑ "The UEFA Pro Diploma". uefa.com. 27 June 2024 tarixində arxivləşdirilib. İstifadə tarixi: 27 June 2024.
- ↑ Magowan, Alistair. "What is a UEFA Pro Licence?". BBC Sport. 23 June 2008. 5 December 2006 tarixində arxivləşdirilib.
- ↑ "The FA's UEFA Pro Licence Course – Who, What and When". The Guardian. Guardian News and Media. 29 March 2014 tarixində arxivləşdirilib. İstifadə tarixi: 12 July 2014.
- ↑ Jessop, Chris. "So You Want to be a Football Coach. Just How Easy Is It?". UK Sports Network. 31 August 2010. 4 February 2013 tarixində orijinalından arxivləşdirilib.
- ↑ 1 2 "Qualification Pyramid". The Professional Footballers' Association (PFA). 14 June 2013 tarixində orijinalından arxivləşdirilib. İstifadə tarixi: 19 September 2017.
- ↑ "What happens on a Uefa A Licence course?". www.fourfourtwo.com. 2017-01-26 tarixində arxivləşdirilib. İstifadə tarixi: 2019-10-10.
- ↑ "Course details: The UEFA C Diploma". UEFA.com (ingilis). 2024-12-02 tarixində arxivləşdirilib. İstifadə tarixi: 2025-02-06.
- ↑ 1 2 "The FA Level 2 Award in Coaching Football". www.northumberlandfa.com (ingilis). 2024-10-03 tarixində arxivləşdirilib. İstifadə tarixi: 2025-02-06.