Uilyam Hoqart

Vikipediya, açıq ensiklopediya
Jump to navigation Jump to search
Uilyam Hoqart
William Hogarth
Avtoportret, 1745 Avtoportret, 1745
Doğum tarixi 10 noyabr 1697(1697-11-10)
Doğum yeri London, İngiltərə
Vəfat tarixi 26 oktyabr 1764 (66 yaşında)
Vəfat yeri London, İngiltərə
Vətəndaşlığı Flag of the United Kingdom.svg Böyük Britaniya[1]
Fəaliyyəti rəssam, caricaturist, illüstrasiyaçıgraphic artist
İstiqamət Realism[d]
Üslub tarix rəssamlığıportret
Tanınmış işləri The Graham Children[d], Marriage à-la-mode: 2. The Tête à Tête[d], The Shrimp Girl[d]Satire on False Perspective[d]
Commons-logo.svg Uilyam Hoqart Vikianbarda

Uilyam Hoqart (ing. William Hogarth; 10 Noyabr 1697 – 26 Oktyabr 1764). İngilis rəssamı, qravüraçı, satirik rəssam, sosial tənqidçi, karikaturist. Hoqartın yaradıcılığı realistik portretdən komikslərə qədər dəyişir. Onun üslubunda çəkilmiş satirik siyasi illustrasiyalar çox vaxt "Hoqartian" adlandırılır.

Həyatı və yaradıcılığı[redaktə | əsas redaktə]

Hoqart Londonda kasıb latın dili müəllimi Riçard Hoqart və Anna Gibbonsun ailəsində dünyaya gəlib. Gənclik illərində Ellis Gambl adlı qravüraçının yanında şagirdlik edib və orada rokoko stili ilə tanış olub. 1720-ci ildə öz kiçik qravüra emalatxanasını açır.

1727-ci ildə Hoqart, qobelen ustası Coşua Morris tərəfindən Yer elementi üçün dizayn hazırlamağa dəvət olunur. Morris, onun "rəssam yox, qravüraçı" olduğunu eşidir və nəticədə iş bitdikdən sonra ondan imtina edir. Hoqart da öz növbəsində Vestminster Məhkəməsində Morrisə qarşı iddia qadırır və məhkəmə Hoqartın xeyrinə qərar çıxardır.

İlk satirik əsəri Cənub Dənizi Şirkəti illustrasiyası (1721) 1720-ci ildə ekonomik çökməyə səbəb olan "cənub dənizi balonu" kimi tanınan və ingilislərin çoxlu miqdarda pul itirməsinə səbəb olan hadisə haqqındadır. Onun ilk işlərinə, həmçinin, Lotereya (1724), Britaniya səhnəsinə qərəzsiz baxış (1724), Maskarad və Operalar (1724) və s. aiddir. Maskarad və Operalar isveçrə impresariosu Con Ceyms Heydeqer, məşhur italyan opera ifaçıları, Riçard Boylun himayədarı rəssam və memar Uilyam Kentin şişirdilmiş məşhurluğu haqqında satiradır.

1726-cı ildə Hoqart, şair Samuel Batlerin Hyudobras poeması üçün 12 böyük qravüra hazırladı. Bu qravüralar Hoqartın əsərlərinin içində ən çox qiymətləndirilənlərdəndir.

İsrafçının Tərəqqisi
Dəbli Toy

Sonrakı illərdə Hoqart sujetli rəsmlərə diqqətini yönəldir. Hoqartın 1728 – 1732-ci illərdə yağlı boya ilə çəkilmiş rəsmləri arasında Faunteyn ailəsi, Uansted Evində yığıncaq və s. var. Hoqart aşağı təbəqənin səfil həyatı mövzusuna da müraciət edib. Qatil Sara Malkolmun edamından 2 gün əvvəl çəkdiyi eskizləri buna misal göstərmək olar.

Həmin dövrdə onun ən yaxşı əsərlərindən biri Con Draydenin Hindu imperator və ya Meksikanın fəthi səhnəciyində ifa edən uşaqlarn təsviri ortaya çıxır.

Hoqart bir çox əsərlərini 1730-cu illərdə yaratmışdır : Gecəyarısı Müasir Söhbət (1733), Yatmış Yığıncaq (1736), Əvvəl və Sonra (1736), Alimlər Leksiyada (1736), Fəlakətlər Şairi (1736), Günün Dörd Anı (1738), Səyahətçi Aktrisaların Anbarda Geyinməsi (1738) və s.

Fahişənin Tərəqqisi[redaktə | əsas redaktə]

Bu əsərlərdən əlavə 1730-31-ci illərdə Hoqart onun tanınmasında əsas rol oynayan Fahişənin Tərəqqisiİsrafçının Tərəqqisi kolleksiyalarını yaratdı. 6 səhnədən ibarət olan Fahişənin Tərəqqisi qravüra kimi nəşr olunmazdan əvvəl rəsm kimi ortaya çıxdı. Fahişənin tərəqqisi kolleksiyasının orijinalı 1755-ci ildə Fonthill Evində yanğın zamanı məhv olur

İsrafçının Tərəqqisi[redaktə | əsas redaktə]

8 rəsmdən ibarətdir və bütün pulunu dəbdəbəli həyata, fahişələrin xidmətinə və qumara sərf edən varlı tacirin oğlu Tom Reykuellin ləyaqətsiz həyatı haqqındadır — onun həyatı Bedlam xəstəxanasında sona çatır. İsrafçının Tərəqqisi kolleksiyası Londonda Ser Con Soun Muzeyində nümayiş olunur.

Dəbli Toy[redaktə | əsas redaktə]

1743-45-ci illərdə ortaya çıxıb. Kolleksiya 6 rəsmdən ibarətdir və London Milli Qalereyasında saxlanılır. Hoqart, rəsmlərdə XVIII əsrin yuxarı təbəqəsini tənqid edir, pula hesablanmış tələsik nikahın faciəvi nəticəsi barəsində xəbərdarlıq edir.

William Hogarth - The South Sea Scheme.png Masquerades and Operas.jpg
«Cənub Dənizi Şirkəti illustrasiyası»
«Maskarad və Operalar»

Xarici keçidlər[redaktə | əsas redaktə]

  • artist list of the National Museum of Sweden — 2016.