Ukrayna Qırmızı Xaç Cəmiyyəti

Vikipediya, azad ensiklopediya
Jump to navigation Jump to search
Ukrayna Qırmızı Xaç Cəmiyyəti
URCS
ing. Ukrainian Red Cross Society
Ukrainian red cross symbol.png
Fəaliyyəti Humanitar yardım
Yaranma tarixi 28 oktyabr 1992
Mərkəzi Kiyev
Sədri İvan Usiçenko
Büdcəsi 12 milyon dollar (2004)
redcross.org.ua/en/
Commons-logo.svg Vikianbarda əlaqəli mediafayllar

Ukrayna Qırmızı Xaç Cəmiyyəti (ukr. Товариство Червоного Хреста України, Tovarystvo Chervonoho Khresta Ukrayiny) — Ukraynanın qeyri-kommersiya və humanitar yardım təşkilatı. Təbii fəlakətlərin idarə edilməsi, səhiyyə, axtarış xidməti,[1] gənclərin fəaliyyətləri / könüllülər, insan ləyaqətinin qorunması sahəsində fəaliyyət göstərir.

Tarixi[redaktə | əsas redaktə]

Ukrayna Qırmızı Xaç Cəmiyyəti 1918-ci ilin 17-18 aprel tarixində Ukrayna Xalq Respublikasının müstəqil humanitar cəmiyyəti kimi yaradılmışdır. Onun ilkin vəzifələrinə qaçqınlara və müharibə məhkumlarına, əlillərə, yetim uşaqlara qayğı göstərmək, aclıq və epidemiyalara qarşı mübarizə, xəstəlik bölgələrinə, xəstəxanalara və ictimai yeməkxanalara kömək etmək daxil idi. 1920-ci illərdən Ukrayna ərazisi Sovet İttifaqının bir hissəsinə inteqrasiya olunduqdan sonra 1992-ci ilə qədər Ukrayna Qırmızı Xaçı Sovet Qırmızı Xaçının bir hissəsi kimi fəaliyyət göstərmişdir.

İkinci Dünya müharibəsi zamanı fəaliyyəti[redaktə | əsas redaktə]

1943-cü ildə Ukrayna İnqilabçı Ordusunun strukturunun birləşdirilməsindən sonra Ukrayna Qırmızı Xaçı Sovet Qırmızı Xaçından ayrı bir təşkilat kimi yaradıldı. Təşkilat Ukrayna İnqilabçı Ordusunun xəstə və yaralı əsgərləri üçün yüksək səviyyəli həkimləri cəlb etmiş, tibbi təchizat hazırlamış, yerli xəstəxanalarla təchiz etmiş, eləcə də, UİO-nun yeni həkimləri və əsgərləri üçün təlim kursları keçirmiş və xüsusi tibbi təlimatlar hazırlamışdır. Həkimlər alman, sovet və polşa cəzaçəkmə qruplarının hücumlarından əziyyət çəkən yaralıları müalicə edən regional hərbi xəstəxanalarda çalışmışlar.

Müasir dövrdəki fəaliyyəti[redaktə | əsas redaktə]

Yaralı Avromeydan nümayişçisinə ilk yardım edən könüllülər.

Qırmızı Xaç qanununu 1999-cu ildə Ukrayna Parlamenti tərəfindən qəbul edilmişdir. 2001-ci ildə Ukraynanın Qırmızı Xaç Cəmiyyətinin tərkibində 6,3 milyondan çox tərəfdar və aktivist vardı. Təşkilatın tərkibində 3200 ixtisaslı tibb bacısı fəaliyyət göstərir. Təşkilat Ukraynanın 40-dan çox humanitar proqramında iştirak edir, əksər hallarda ictimai ianə və korporativ tərəfdaşlıqlarla maliyyələşdirilir.

Ukrayna Qırmızı Xaç Cəmiyyəti (1993-cü ildən) Beynəlxalq Qırmızı Xaç / Qırmızı Aypara Cəmiyyətlər Federasiyasının üzvüdür.

Həmçinin bax[redaktə | əsas redaktə]

İstinadlar[redaktə | əsas redaktə]

  1. Searching for Lost Relatives, General information, Consulate General of Ukraine in San Francisco

Xarici keçidlər[redaktə | əsas redaktə]