Ulyana Lopatkina

Vikipediya, açıq ensiklopediya
Jump to navigation Jump to search
Ulyana Lopatkina
rus. Ульяна Лопаткина
Londonun "Kovent-Qarden" teatrının səhnəsində "Qu gölü" baletinin təzimi (2009) Londonun "Kovent-Qarden" teatrının səhnəsində "Qu gölü" baletinin təzimi (2009)

Doğum tarixi 23 oktyabr 1973 (1973-10-23) (45 yaş)
Doğum yeri Kerç, Flag of the Ukrainian Soviet Socialist Republic.svg Ukrayna SSR, Flag of the Soviet Union.svg SSRİ
Həyat yoldaşı Vladimir Kornev (20012010)
Uşağı Mariya (2002)
Atası Vyaçeslav İvanoviç
Anası Yelena Georgiyevna
Vətəndaşlıq Flag of the Soviet Union.svg SSRİFlag of Russia.svg Rusiya
Peşəsi balerina
Təhsili Vaganova Academy of Russian Ballet[d]
Fəaliyyət illəri 19912017
IMDb ID 1428974
uliana-lopatkina.com
Commons-logo.svg Ulyana Lopatkina Vikianbarda

Ulyana Vyaçeslavovna Lopatkina (rus. Ульяна Вячеславовна Лопаткина; 23 oktyabr 1973, Kerç, Ukrayna SSR, SSRİ) — rus balet artisti, Mariinski teatrının prima-balerinası (1995-2017). Rusiyanın xalq artisti (2006), Rusiya Dövlət Mükafatı laureatı (1999) və Rusiya Hökumətinin mükafatı laureatı (2015).

Həyatı[redaktə | əsas redaktə]

Ulyana Vyaçeslavovna Lopatkina 23 oktyabr 1973-cü ildə Qara dəniz sahilindəki Kerç şəhərində anadan olmuşdur. Onun valideynləri Vyaçeslav İvanoviç və Yelena Georgiyevna müəllim idilər. Yevgeni adlı bir qardaşı da var. Uşaqlıqda rəqs dərnəklərində və idman gimnastikası bölməsində məşğul olmuşdur.

1991-ci ildə A. Vaqanova adına Rus Balet Akademiyasında professor Natalya Dudinskayanın sinfini bitirərək Mariinski teatrının balet truppasına qəbul olunmuşdur. 1995-ci ildə truppanın prima-balerinası seçilmişdir. 2000-ci ildə "Bayaderka" baletinin nümayişi zamanı topuq nahiyəsindən zədə almasına baxmayaraq, tamaşanı başa çatdıra bilmişdir. Aldığı zədə nəticəsində bir neçə il səhnədən uzaqlaşmaq məcburiyyətində qalmışdır. 2003-cü ilin fevralında balerina əməliyyat keçirmiş və yalnız bundan sonra yenidən səhnəyə qayıda bilmişdir.[1]

2013-cü ilin oktyabrında Nikolay Siskaridze Vaqanova adına Rus Balet Akademiyasına rektor vəzifəsinin müvəqqəti icraçısı kimi təyin edildikdən sonra, Rusiya Mədəniyyət Nazirliyi Ulyana Lopatkinanın akademiyanın bədii rəhbəri vəzifəsinə gətirilməsini təklif etmişdir. Lakin sonra akademiya ilə heç bir müqavilə imzalanmamışdır.[2][3]

Ulyana Lopatkina 16 iyun 2017-ci ildə rəsmi olaraq, rəqs karyerasının başa çatdığını elan edib.[4]

Ailəsi[redaktə | əsas redaktə]

Rəssam, yazıçı və sahibkar Vladimir Kornevlə ailəli olmuşdur. Cütlük 5 iyul 2001-ci ildə ailə qurmuş, həmin ilin 25 iyulunda Vartemyagidə nikaha daxil olmuşlar. 24 may 2002-ci ildə onların qızı Mariya dünyaya gəlmişdir.[5] Cütlük 2010-cu ildə boşanıb.

Repertuar[redaktə | əsas redaktə]

Ulyana Lopatkinanın "Şopeniana" baletindəki dueti, 2010-cu il.
  • "Pavlova və Çeketti", Con Noymayerin "Şelkunçik" baletindən fraqment
  • Ofeliya, Konstantin Sergeyevin "Hamlet" baletindən monoloq
  • "Jizel" (Jizel, Mirta)
  • Medora, "Korsar"
  • Sireni pərisi, "Yatmış gözəl"
  • Kitti, Pyotr Çaykovskinin "Anna Karenina" əsəri
  • Mariya Talyoni, Anton Dolinin "Pa-de-katr" baleti
  • Ölüm, "Qoyya-divertisment"
  • Nikiya, "Bayaderka"
  • OdettaOdilliya, "Qu gölü"
  • Klemans, Raymonda, "Raymonda"
  • Zobeida, "Şəhrizad"
  • Zarema, "Bağçasaray fəvvarəsi"
  • Məhin Banu, "Məhəbbət əfsanəsi"
  • Qız, "Leninqrad simfoniyası"
  • Pəri, "Pərinin öpüşü"

Mükafatlar[redaktə | əsas redaktə]

  • 1991 — Vaganova-Prix balet müsabiqəsinin laureatı (Rus balet Akademiyası, Sankt-Peterburq)
  • 1995 — "Qızıl sofit" mükafatı (ən yaxşı debüt)[6]
  • 1997 — "Qızıl maska" mükafatı
  • 1997 — "Rəqsin Benuası" mükafatı ("Korsar" baletində Medora partiyasının ifasına görə)
  • 1997 — "Baltika" mükafatı (1997; 2001)
  • 1998-ci ilin martı — London tənqidçilərinin Evening Standard mükafatı[1]
  • 1999 — Rusiya Dövlət mükafatı
  • 2000 — Rusiyanın əməkdar artisti
  • 2006 — Rusiyanın xalq artisti
  • 2015 — Rusiya Federasiyası Hökumətinin mükafatı
  • 9 noyabr 2015 — "Qızıl sofit" mükafatı ("Marqarita və Arman" baletində Marqarita partiyasının ifasına görə)[7]

İstinadlar[redaktə | əsas redaktə]

Ədəbiyyat[redaktə | əsas redaktə]

  • Л. Абызова. Ульяна Лопаткина // Звезды петербургской сцены / Б. Поюровский. — М.: АСТ-Пресс Книга, 2003. — С. 131—152. — 256 с. — (Выдающиеся мастера). — 5000 экз. — ISBN 5-7805-0996-4.

Xarici keçidlər[redaktə | əsas redaktə]

Vikianbarda Ulyana Lopatkina ilə əlaqəli mediafayllar var.

Müsahibə