Uoterton Gölləri Milli Parkı

Vikipediya, açıq ensiklopediya
Jump to navigation Jump to search

Uoterton Gölləri Milli Parkı
ing. Waterton Lakes National Park
Yuxarı Uoterton gölü
Yuxarı Uoterton gölü
BTMB kateqoriyası — II (Milli park)
WLE Austria Logo (no text).svg
49°02′45″ şm. e. 113°54′55″ q. u.
Ölkə Kanada Kanada
VilayətAlberta
Yaxın şəhərPinçer Krik
Sahəsi505 km2[1]
Tarixi1895 (milli park)
1979 (biosfer qoruğu)
1995 (Dünya irsi)
Ziyarətçilər402.542[1] (2012/13[2])
İdarəsiKanada Parkları
Uoterton Gölləri Milli Parkı (Kanada)
Green pog.svg
Commons-logo.svg Uoterton Gölləri Milli Parkı Vikianbarda

Uoterton Gölləri Milli Parkı (ing. Waterton Lakes National Park) — Kanadanın Alberta əyalətinin cənub-qərb küncündə yerləşən və ABŞ-ın Montana ştatında yerləşən Qleyşer Milli Parkı ilə həmsərhəd olan milli park. Milli park Kanadanın 4-cü milli parkıdır. 1895-ci ildə qurulmuş, adını isə Viktoriya dövrü təbiətşünas Çarls Uotertonun adı ilə adlandırılmış göllərdən almışdır. Uoterton Gölləri Milli Parkının sahəsi 505 km2 olub, dağlıq və çöllük əraziləri əhatə edir.

Uoterton Gölləri Milli Parkı Kanada Parkları tərəfindən idarə olunur. Milli park ilin bütün aylarında ziyarətə açıq olsa da, əsas turist mövsümü iyulavqust aylarıdır. Turistlər Uoterton Park adlı bölgədə qalırlar. Milli park dəniz səviyyəsindən 1.290 metr yüksəklikdə, Uoterton Park isə dəniz səviyyəsindən 2.910 metr yüksəkliyindəki Blekiston dağında yerləşir. Milli parkdan Kript Gölü cığırı keçir. 2012/13 mövsümündə milli parkı 402.542 nəfər ziyarət etmişdir.[2]

Milli park 2011-ci ildə "Milli Park Layihəsi" çərçivəsində Piter Linçin rejissoru olduğu qısa bir filmə mövzu olmuşdur.

ABŞ tok-şou aparıcısı Deyvid Letterman 24 iyun 2013-cü ildə verilişlərin birində bu milli parkı məsləhət görmüşdür. Melissa Makkarti ilə intervyusunda o "Montanadakı Qleyşer Milli Parkına getdikdə sən şimala doğru getməlisən və Uoterton Gölü Milli Parkına çatacaqsan. Bura Qleyşer Milli Parkının davamıdır və son dərəcədə heyranedicidir." ifadələrindən istifadə etmişdir.[3]

Tarixi[redaktə | əsas redaktə]

1932-ci ildə Qleyşer və Uoterton Gölləri Milli Parklarından ibarət Uoterton-Qleyşer Beynəlxalq Sülh Parkı yaradılmışdır. Bu park Rotary International-ın adından Çarlz Artur Mander tərəfindən təşkil olunmuşdur. Milli parkda Kanadanın ən dərin gölləri olan Uoterton gölləri və tarixi Uels Şahzadəsi oteli yerləşir.

Status[redaktə | əsas redaktə]

1979-cu ildə Uoterton və Qleyşer Milli Parkları dağları, gölləri, çöllükləri, bataqlıqları və digər ekosistemləri qorumaq məqsədi ilə Biosfer qoruğu elan edilmişdir. 1995-ci ildə Uoterton-Qleyşer Beynəlxalq Sülh Parkı YUNESKO-nun Dünya irsi siyahısına düşmüşdür.[4][5]

Qalereya[redaktə | əsas redaktə]

İstinadlar[redaktə | əsas redaktə]

  1. 1,0 1,1 "Population and dwelling counts, for Canada, provinces and territories, and census subdivisions (municipalities), 2011 and 2006 censuses (Alberta)". Statistics Canada (January 30, 2013).
  2. 2,0 2,1 "Parks Canada Attendance 2007-08 to 2012-13" (PDF). Parks Canada (July 31, 2013).
  3. Canoe Travel News - Letterman calls Canadian national park 'stunning'.
  4. UNESCO - Park description at UNESCO World Biosphere Reserve
  5. UNESCO - Park description at UNESCO World Heritage

Xarici keçidlər[redaktə | əsas redaktə]

Vikianbarda Uoterton Gölləri Milli Parkı ilə əlaqəli mediafayllar var.