Vüqar Əsgərov (yazıçı)

Vikipediya, açıq ensiklopediya
Jump to navigation Jump to search
Vüqar Əsgərov
Vüqar Əsgərov Vüqar Əsgərov

Doğum tarixi 13 aprel 1974 (1974-04-13) (45 yaş)
Doğum yeri Flag of the Soviet Union.svg SSRİ
Flag of the Armenian Soviet Socialist Republic.svg Ermənistan SSR, Dərələyəz mahalı, Qovuşuq
Peşəsi jurnalist

Vüqar Əsgərov (tam adı: Əsgərov Vüqar İsa oğlu. d.13 aprel, 1974. Dərələyəz mahalı, Qovuşuq) — Azərbaycan Respublikası Mədəniyyət və Turizm Nazirliyinin "Respublika Xatirə Kitabı" redaksiyasında böyük redaktor, Azərbaycan Jurnalistlər Birliyinin üzvü. "Fədai" və "Vətən Naminə" medalı laureatı.

Həyatı[redaktə | əsas redaktə]

Vüqar Əsgərov 13 aprel 1974-cü ildə Qərbi Azərbaycanın Dərələyəz mahalının Yeğeqnadzor rayonunun Qovuşuq kəndində doğulmuşdur.

1981-ci ildə Qovuşuq kənd orta məktəbinə getmiş, 7-ci sinfə qədər doğma kənddə təhsil almışdır.

1988-ci ildə ermənilərin təzyiqi nəticəsində ailəsi ilə birlikdə Naxçıvan MR-nin Şahbuz rayonuna köçmüşdür.

1991-ci ildə orta təhsilini Bakı şəhər 280 saylı orta məktəbdə bitirmişdir.

1992-ci ildə Vətənin çağırışına səs verərək Milli Ordu sıralarına daxil olmuşdur. Qarabağ müharibəsində fəal iştirak etmiş, ağır döyüşlərin iştirakçısı olmuşdur.

Vüqar Əsgərov Moskva Dövlət İqtisadiyyat, Statistika və İnformatika Universitetinin menecmentlik fakültəsini əla qiymətlərlə bitirmişdir.

Hal-hazırda Azərbaycan Respublikası Mədəniyyət və Turizm Nazirliyinin Respublika Xatirə Kitabı redaksiyasında böyük redaktor vəzifəsində çalışır.

Azərbaycan Jurnalistlər Birliyinin üzvüdür.

Cəbrayıl rayon icra başçısı Mahmud QuliyevVüqar Əsgərov "Bir ovuc torpaqdır yarama məlhəm" kitabının təqdimatında. 15 may 2012-ci il.

Yaradıcılığı[redaktə | əsas redaktə]

Yerli mətbuatda yüzlərlə publisistik məqaləsi çap olunan Vüqar Əsgərovun onlarla məqaləsi dünyanın bir neçə ölkəsində ayrı-ayrı dillərdə çap olunmuşdur.

2005-ci ildə “Azərbaycanın Milli Qəhrəmanları” kitabını ilk dəfə toplum halında nəşr etdirib.

2010-cu ildə isə “Azərbaycanın Milli Qəhrəmanları” kitabını yenidən işlənmiş variantda nəşr etdirib.

2012-ci ildə isə “Bir Ovuc Torpaqdır Yarama Məlhəm” kitabı çap olunub.

2014-cüildə isə "Azərbaycan Bayrağı Ordeni" ilə təltif olunmuş Bilal Əhliman oğlu Məmmədovun həyatı və keçdiyi döyüş yoluna həsr edilmiş "Sinəmdə Yurd Dağı Var" adlı kitabı nəşr edilib.

2015-ci ildə isə "Savaş Üçün Doğulanlar" kitabı çapdan çıxıb. Kitab, Azərbaycanın İlk Milli Qəhrəmanı Maşallah Abdullayevə həsr edilmiş, onun keçdiyi döyüş yolundan, həyatından, Goranboy və Ağdərə döyüşlərindən bəhs edir. Kitabın redaktoru Ötərxan Eltac, məsləhətçiləri isə tarix institunun direktor müavini, professor Cəbi Bəhramov və Xalq şairi Nəriman Həsənzadədir.

O, həmçinin Azərbaycan Respublikası Mədəniyyət və Turizm Nazirliyinin " Yaddaş" film studiyası tərəfindən istehsal olun Azərbaycanın Milli Qəhrəmanlarına həsr olunmuş bir sıra sənədli filmlərin ssenari müəllifidir.

Filmləri

"Kəşfiyyatçı" . "Yaddaş" film studiyası, Milli Qəhrəman Aqil Məmmədova həsr edilib. 2015.

" Xüsusi Təyinatlı", "Yaddaş" film studiyası, Milli Qəhrəman Mehdi Abbasova həsr edilib. 2015.

"Qərargah Rəisi", "Yaddaş" film studiyası, Milli Qəhrəman Şikar Şikarova həsr edilib. 2016.

" Dəmir Mayor", "Yaddaş" film studiyası, Milli Qəhrəman Vəzir Sədiyevə həsr edilib. 2016.

"Dəmir Atlı", "Yaddaş" film studiyası, Milli Qəhrəman Vüqar Mürsəlova həsr edilib. 2017.

"Şərəfli ad", " Yaddaş" film studiyası, Aprel şəhidi Murad Məmmədova həsr edilib. 2018. "

Lələtəpə" , " Salnamə" film studiyası, Milli Qəhrəman Şükür Həmidova həsr edilib. 2018.

" 777" , " Salnamə" film studiyası, Milli Qəhrəman Ehtiram Əliyevə həsr edilib. 2019.

Kitabları[redaktə | əsas redaktə]

Məqalələri[redaktə | əsas redaktə]

Mükafatları[redaktə | əsas redaktə]

" Qızıl qələm" diplomu ilə təltif edilib. 2015.

"Fədai" medalı, Vənpərvərliyin təbliğinə görə verilib. 2016.

" Vətən Naminə" , Vətənpərvərliyin təbliğinə görə verilib. 2017.

"Xüsusi diplom" Ermənistanın Azərbaycana təcavüzü media gündəmində" mövzusunda keçrilmiş müsabiqədə iştirakına görə verilib, 2017.

Həmçinin bax[redaktə | əsas redaktə]

İstinadlar[redaktə | əsas redaktə]


Xarici keçidlər[redaktə | əsas redaktə]