Vüqar Qədirov

Vikipediya, açıq ensiklopediya
Jump to navigation Jump to search
Vüqar Qədirov
Vüqar Kərim oğğlu Qədirov
Vüqar Qədirov.jpg
Doğum tarixi 18 oktyabr 1974 (1974-10-18) (44 yaş)
Doğum yeri Laçın rayonu, Arduşlu kəndi Flag of the Azerbaijan Soviet Socialist Republic.svg Azərbaycan SSR
Peşəsi politoloq
Milliyyəti Azərbaycanlı Flag of Azerbaijan.svg Azərbaycan
İxtisası Milli Təhlükəsizlik və Siyasi Strategiya ixtisası
Təhsili Dövlət İdarəçilik Akademiyası
Mükafatları "Tərəqqi" medalı

Vüqar Kərim oğlu Qədirov— Qarabağ- Qeyri Hökümət Təşkilatları Koalisiyasının koordinatoru, Üçüncü Sektor Mərkəzinin rəhbəri, Ağstafa Regional Mədəniyyət İdarəsinin rəisi.

Həyatı[redaktə | əsas redaktə]

Vüqar Qədirov 18 oktyabr 1974-cü ildə Laçın rayonunun Arduşlu kəndində ziyalı ailəsində anadan olub. 1981-ci ildə orta məktəbin 1-ci sinifinə daxil olub, 1991-ci ildə Laçın rayonunun Arduşlu kənd orta məktəbini əla qiymətlərlə bitirib.

1992-ci ildə Laçın rayonu ermənilər tərəfindən işğal olunduqdan sonra ailəliklə məcburi köçkün kim Bakı şəhərində məskunlaşıblar.

1997-ci ildə M.F.Axundov adına Azərbaycan Rus Dili və Ədəbiyyatı institutunu, (indiki Bakı Slavyan Universiteti), 1997-ci ildə Azərbaycan Respublikası Prezidenti yanında Dövlət İdarəçilik Akademiyasının Siyasi İdarəetmə fakultəsinə qəbul olub, 2000-ci ildə ikinci ali təhsili başa vurub.

2001-2003-cü ildəisə Dövlət İdarəçilik Akademiyasında Milli Təhlükəsizlik və Siyasi Strategiya ixtisası üzrə magistratura pilləsini bitirib. 1994-cü ildə Qaçqın Tələbələrin Hüquqlarını Müdafiə Təşkilatının təsisçisi və sədri, 1995-ci ildə isə bu təşkilat Azərbaycan Qaçqınlar Cəmiyyətinə birləşdikdən sonra Gənclər şöbəsinin sədri seçilib.

1997-ci ildəAzərbaycan Qaçqınlar Cəmiyyətinin Gənclər Şöbəsinin bazasında təsisçi olmuş, Azərbaycan Qaçqın və Məcburi Köçkün Gənclər Təşkilatının sədri seçilib. 1997-ci ildə Türkiyə Respublikasının Əskişəhər şəhərində BMT-nin "Habibat 2" və "Gündəm 21" qərarlarının həyata keçirilməsi mövzusunda beynəlxalq konfransda Azərbaycan nümayəndə heyətinə rəhbərlik edib.

1998-ci ildə Azərbaycan Respublikası Gənclər Təşkilatları Milli Şurasının sədr müvini və büro üzvü seçilib. 1999-cu ildə azərbaycan Gənclərinin 2-ci forumunda Qaçqın və Məcburi Köçkün Gənclərin Problemləri Bölməsinə sədrlik etmiş və Heydər Əliyev adına sarayda hesabatla çıxış edib. 1999-cu ildə qaçqın və məcburi köçkün gənclərin idmanla məşğul olmalarına şərait yaradılması üçün "İnam" peşəkar idman klubunu təsis edib. 1999-cu ildə məcburi köçkün gənclərin informasiya qıtlığının aradan qaldırılması və gənclərin hərbi vətənpərvərlik ruhunun tərbiyyəsi üçün "Mübariz Gənc" qəzeti təsis edərək məcburi köçkünlərin məskunlaşdığı bəzi qəsəbələrə pulsuz paylanması təşkil etmiş və həmin qəzetinsiyasi məsələlər üzrə redaktoru və baş redaktoru vəzifəsində işləyib. 2000-ci ildə AQKMGT-nın sədri kimi istedadlı qaçkın və məcburi köçkün gənclərin üzə çıxarılması məqsədi ilə Gənclər və İdman nazirliyinin köməyilə gənc şairlərin şer və hekayələrindən ibarət "Qisasa çağırır" adlı almanax çap etdirmiş və bu kitabın redaktoru olub. 2000-ci ildə təsis edilmiş Qarabağ Azərbaycanlı Gənclər İcmasınının Gənclər İcmasının sədri seçilib.

2000-2001-ci illərdə istedadlı gəncləri aşkarlamaq məqsədi ilə AQMKGT-nın Gənclər və İdman nazirliyi ilə birlikdə işğal olunmuş rayonların uşaq, yeniyetmə və gəncləri arasında keçirilmiş "Qarabağ Təranələri" 1-ci Respublika baxış Müsabiqəsinin lahiyyəsinin koordinatoru olub. 2001-ci ildə Azərbaycan Respublikasının prezidenti Heydər Əliyevin Azərbaycan vətəndaşlarına təqdim etdiyi şəxsiyyət vəsiqəsini alan gənclərdən biri olub. 2003-cü ildən 60-dan artıq Gənclər Təşkilatını öz ətrafında birləşdirən Qarabağ Naminə Ümum-Azərbaycan Gənclər Konqresinin koordinatorudur. 2003-cü ildə keçirilən prezident seçkilərində yaradılmış "Gəncliyin Seçimi- Heydər Əliyev yolu" Gənclər Hərəkatının Əlaqələndirmə şurasının üzvü kimi qaçqın və məcburi köçkün gənclərlə iş üzrə koordinator olub. 2005-ci ildə keçirilən Parlament seçkilərində "Müstəqil Gənclər" seçki blokunun həmtəsisçisi kimi 121-saylı Laçın rayon Seçki Dairəsindən deputatlığa namizəd olub, sonradan öz namizədliyini Yeni Azərbaycan Pariyasının namizədinin xeyrinə geri götürüb.

2006-2007-ci ildə Bakı Asiya Universitetində politologiya və sosiologiya müəllimi işləyib. Müxtəlif vaxtlarda gördüyü işlər və fəaliyyətə görə Gənclər və İdman Nazirliyi, Ailə, Qadın və Uşaq Problemləri üzrə Dövlət Komitəsi, Bakı Gənclər və İdman Baş İdarəsi, Azərbaycan Respublikası Gənclər Təşkilatlarının Milli Şurası, Həkarlar İdarəsi Konfederasiyası və.s tərəfindən Fəxri-Fərman və Diplomlarla təltif olunub. 2007-ci ildə fəaliyyətinə görə Gənclər və İdman Nazirliyi tərəfindən "Gənclər Mükafatı" na layiq görülüb. Azərbaycan Respublikası Prezidenti İlham Əliyevin 16 aprel 2008- il sərəncamı ilə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının üzvü təyin edilib.

2010-cu ildən Qarabağ- Qeyri Hökumət Təşkilatları (Qarabağ QHT Koalisiyası ) Koalisiyasının koordinatoru, Üçüncü Sektor Mərkəzinin rəhbəridir.

2017-ci ildə Azərbaycan Respublikasının Mədəniyyət naziri Əbülfəs Qarayevin əmri ilə Ağcabədi Regional Mədəniyyət və Turizm İdarəsində rəis müavini təyin edilib. Nazirin 22 yanvar 2019-cu il tarixli əmri ilə Ağstafa Regional Mədəniyyət İdarəsinin rəisi təyin olunub.[1] Ailəlidir. Yeni Azərbaycan Partiyasının üzvüdür. Hərbi mükəlləfiyyətli, ehtiyyatda olan zabitdir.[2]

Mükafatları[redaktə | əsas redaktə]

İstinadlar[redaktə | əsas redaktə]

  1. | Mədəniyyət Nazirliyində kadr DƏYİŞİKLİYİ - Vüqar Qədirov rəis təyin olundu
  2. www.cssn.gov.az
  3. | Azərbaycan Prezidenti İlham Əliyev gənclər siyasəti sahəsində fəallığı ilə fərqlənən şəxslərin təltif edilməsi haqqında sərəncam imzalayıb.

Mənbə[redaktə | əsas redaktə]

  • www.cssn.gov.az