Vəli Əsmətov

Vikipediya, azad ensiklopediya
Jump to navigation Jump to search
Vəli Əsmətov
Vəli Yadulla oğlu Əsmətov
Doğum tarixi (58 yaş)
Doğum yeri Yardımlı rayonu, Çayüzü kəndi
Milliyyəti Azərbaycanlı
Elm sahəsi Tibb-Farmakologiya
Elmi dərəcəsi Tibb elmləri doktoru
Elmi adı Professor
İş yeri Azərbaycan Tibb Universiteti

Vəli Əsmətov(azərb. Vəli Yadulla oğlu Əsmətov‎; d. 2 iyun 1963, Çayüzü, Yardımlı) — Azərbaycan alimi, həkim-farmakoloq, tibb elmləri namizədi (1995), tibb elmləri doktoru (2006), professor (2009), farmakologiya kafedrasıın professoru (2009), Vətəndaş Həmrəyliyi Partiyasının üzvü (1992).[1]

Həyatı[redaktə | əsas redaktə]

Vəli Yadulla oğlu Əsmətov 2 iyun 1963-cü ildə Yardımlı rayonunun Çayüzü kəndində dünyaya gəlib. 1970-cı ildə Çayüzü kənd orta məktəbinin birinci sinfinə getmiş, 1980-cı ildə həmin məktəbi əla qiymətlərlə bitirmişdir. 1981-ci ildə N.Nərimanov adına Azərbaycan Tibb İnstitutunun I-müalicə profilaktika fakültəsinə daxil olmuşdur. Elə həmin ildə də öz istəyi ilə hərbi xidmətə getmişdir. 1981-1984-cü illərdə keçmiş Sovetlər Birliyinin nəzarətində olan Qarşılıqlı İqtisadi Yardım Şurasına daxil olan Avropa Dövlətlərinin ərazisində kəşfiyyatçı kimi hərbi xidmətdə olmuşdur.

1984-1990-cı illərdə Azərbaycan Dövlət Tibb İnstitutunun I müalıcə profilaktika fakültəsində təhsil alıb, həmin fakültəni fərqlənmə diplomu ilə bitirib. Ali təhsil aldığı illərdə yüksək intellekti ilə fərqləndiyinə görə, V kursda oxuyan zaman Respublikada keçirilən terapiya olimpiadasının qalibi olub və bu uğur onun Semferepol şəhərində keçirilən Ümumittifaq terapiya olimpiadasına göndərilməsi ilə nəticələnib. Ümumittifaq olimpiadanın qalibi olması onun gələcək koryerası üçün bünövrə olub. Onu olimpiadadan sonra qəbul edən rektor, onun universitetin farmakologiya kafedrasında qalmasını təklif etmiş və bu təklif Vəli Əsmətov tərəfindən qəbul olunmuşdur.

Ailəsi[redaktə | əsas redaktə]

Evlidir, 3 övladı var.

Fəaliyyəti[redaktə | əsas redaktə]

Elmi fəaliyyəti[redaktə | əsas redaktə]

O, 1990-cı ildə də Böyük Elmi Şuranın qərarı ilə təhsil aldığı ali məktəbin "Farmakologiya" kafedrasında baş laborant vəzifəsinə təyin olunduqdan sonra, 1991-ci ildə Farmakologiya ixtisası üzrə əyanı aspiranturaya daxil olmuş və 1994-cü ildə oranı müvəffəqiyyətlə bitirmişdir. Aspiranturada oxuduğu illərdə Rusiya Federasiyası Bioloji Aktiv Maddələrin Təhlükəsizliyi Elmi-Tədqiqat Mərkəzinin Ürək-Damar sistemi laboratoriyasında Mərkəzin Elmi işlər üzrə direktor müavini akademik Qatsura Vladimir Vasilyeviç və professor Zəkiyyə Cəbrayıl qızı İsmayılovanın rəhbərliyi altında "Kəskin koronar qan dövranı pozğunluğu zamanı antihistamin dərman maddələrinin kardioprotektor təsiri" mövzusunda namizədlik dissertasiyasının üzərində işləmiş və 1994-cü ildə müdafiə edərək tibb elmləri namizədi elmi dərəcəsinə layiq görülmüşdür.

1995-ci ildə Rusiya Federasiyası Tibb Elmləri Akademiyasının V.V.Zakusov adına Elmi-Tədqiqat Farmakologiya İnstitutuna ezam olunan Vəli Əsmətov elə həmin ildən həmin İnstitutun doktorantı olub.

1995-2005-ci illərdə üzərində işlədiyi "Uzunmüddətli neyrolepterapiya zamanı əmələ gələn əlavə effektlərin farmakoloji korreksiyası" mövzusunda doktorluq dissertasiyasını akademik Kiril Serqeyeviç Rayevski və professor Musa Mehdi oğlu Qəniyevin elmi məsləhətçiliyi ilə tamamlayaraq müdafiə etmiş və tibb üzrə elmlər doktoru elmi adına layiq görülmüşdür.

2002-ci ildə Vektor Beynəlxalq Elm Mərkəzinin keçirdiyi sorğunun nəticəsi olaraq XXI əsrin gənc alimləri nominasiyasının qalibi olmuşdur.

Vəli Əsmətov 1990-2020-ci illərdə Azərbaycan Tibb Universitetin stomatologiya fakültəsinin tələbələri üçün farmakologiya dərsliyi, 7 dərs vəsaiti, 5 tədris metodik vəsait, 4 elmi-publisistik kitab yazmış, 150-dən artıq elmi məqalələri müxtəlif jurnallar və beynəlxalq konfransların materiallarında nəşr etdirmişdir.

Elmi yenilikləri[redaktə | əsas redaktə]

  • 1991-1994-cü illərdə antihistamin dərman maddələrindən dimedrol, diprazin və suprastinin kəskin koronar qan dövranı pozğunluğu zamanı miokardın yığılma qüvvəsini artırmasının, sistolik həcmin artmasının, eyni zamanda ürəkdə limfa axınına göstərdiyi stimullaşdırıcı təsirinin olmasını sübuta yetirib.
  • 1995-2005-ci illərdə ilk dəfə olaraq həm tipik, həmdə atipik neyroleptiklərin əmələ gətirdiyi əlavə effektlərin (ekstrapiramid pozğunluqlar) kalsium kanalı blokatorları, nootrop dərman maddələri və antioksidant təsirli dərman maddələri ilə korreksiya olunmasına çalışaraq buna qismən nail olub.[2]

Əmək fəaliyyəti[redaktə | əsas redaktə]

  • 1990-1991-ci illərdə Böyük Elmi Şuranın qərarı ilə farmakologiya kafedrasına baş laborant təyin olunmuş;
  • 1994-1999-cu illərdə farmakologiya kafedrasının assistenti;
  • 1999-2002-ci illərdə Azərbaycan Tibb Universitetinin farmakologiya kafedrasının baş müəllimi;
  • 2002-2009-cu illərdə Azərbaycan Tibb Universitetinin farmakologiya kafedrasının dosenti;
  • 2009-cu ildən isə Azərbaycan Tibb Universitetində kafedranın professoru;
  • 20002012-ci illər ərzində farmakologiya kafedrasında kafedra müdirinin elmi işlər üzrə müavini vəzifəsində çalışmışdır.
  • 2012-2019-cu illlərdə Azərbaycan Tibb Universitetinin farmakologiya kafedrasının tədris hissə müdiri olmuşdur.[3]
  • Respublika farmakoloqlar, patofizioloqlar, fizioloqlar cəmiyyətinin və Tibb üzrə İxtisaslaşdırılmış Müdafiə Şurasının üzvüdür.
  • Hal-hazırda Azərbaycan Tibb Universitetinin farmakologiya kafedrasının professoru, kafedra müdirinin elmi işlər üzrə müavinidir.

Elmi əsərləri[redaktə | əsas redaktə]

Dərsliklər[redaktə | əsas redaktə]

  1. Farmakologiya, Dərslik, Stomatologiya fakultəsinin tələbələri üçün, 1-ci nəşr Bakı, Təbib nəşriyyatı, 2015, 573 səh. 30,87 ç.v.

Dərs vəsaitləri[redaktə | əsas redaktə]

  1. Farmakologiyadan tədris proqramı, Bakı, ATU-nun nəşriyyatı, 2006, 47səh. (müəl. koll.)
  2. Farmakologiyadan test tapşırıqları, Bakı, Təbib nəşriyyatı, 2011. 197 səh. 12,37 ç.v. 3.Ümumi farmakologiya, Bakı, Təbib nəşriyyatı, 2011. 127 s. 8 ç.v.
  3. Hormon sisteminə təsir göstərən maddələrin farmakologiyası, Bakı, Təbib nəşriyyatı, 2015, 218 səh.
  4. Qan sisteminə təsir göstərən dərman maddələrinin farmakologiyası, Bakı, Təbib nəşriyyatı, 2015, 203 səh.
  5. Farmakologiyadan tədris proqramı Bakı, Təbib nəşriyyatı, 2017, 47səh. (müəl. koll.)
  6. Kardiofarmakologiya Bakı Təbib nəşriyatı 2020, 303səh. (müəl. koll.)

Tədris-metodik vəsaitlər[redaktə | əsas redaktə]

  1. Kardiotonik dərman maddələri, 1997-ci il, 45səh. (həmmüəl. M. Qəniyev, X.Mirzəyev),
  2. Histaminergik sistemə təsir göstərən dərman maddələri, 1999-cu il, 35 səh.
  3. Şişəleyhinə dərman maddələri, (həmmüəl. A.Əliyev, M. Qəniyev) 2001-ci il,30 səh.
  4. Afferent innervasiyaya təsir göstərən dərman vasitələrinin farmokologiyası, 2003-cü il, 75səh.
  5. Sidikqovucu dərman maddələrinin farmakologiyası 2018, 39 səh. (həmmüəl. M.Qəniyev, E.Şadlinski, S.Quliyeva)

Elmi və elmi-publisistik kitabları[redaktə | əsas redaktə]

  1. Xalq təbabəti inciləri, Bakı, Təbib nəşriyatı, 2005-ci il, 144səh.
  2. Xalq təbabəti, Bakı, Təbib nəşriyatı, 2006-cı il, 195səh.
  3. Məişət təbabəti, Bakı, Təbib nəşriyatı, 2008-ci il, 220səh.
  4. Xalq təbabəti, Bakı, Təbib nəşriyatı, 2008-ci il, 250səh.

Elmi məqalə və tezisləri[redaktə | əsas redaktə]

  • 150 elmi məqalə və tezisi dərc olunub.

Beynəlxalq elmi konfrans və simpoziumlarda iştirakı[redaktə | əsas redaktə]

  • 1992-ci ildə Tomsk şəhərində keçirilən Ümumittifaq kardioloqların elmi konfransının;
  • 1993-cü ildə Moskva şəhərində "Psixotrop preparatlara qarşı fərdi həssaslığın bioloji əsasları" mövzusunda keçirilən beynəlxalq konfransın;
  • 2006-cı ildə Moskva şərərində keçirilən 4-beynəlxalq konfransın "Psixotrop preparatlara qarşı fərdi həssaslığın bioloji əsasları";
  • 2007-ci ildə Moskva şəhərində keçirilən Rusiya Federasiyası Farmakoloqlarının III qurultayının məruzəçi iştirakçısı olmuşdur. Tbilisi şəhərində keçirilən beynəlxalq konfransın, Tbilisi State Medical University, Collection of Scientific Works, XLIII. 2009 Tbilisi;
  • 2012-ci ildə Afina şəhərində keçirilən beynəlxalq konfransın;
  • 2016-cı idə Xarkov şəhərində keşirilən beynəlxalq konfransın;
  • 2017-ci ildə Yekatrinburq şəhərində keçirilən beynəlxalq konfransın, General question of World Science, Part 1. Collecion of scientific papers of the IX international scientific-practical conference Luxembourq;[4]
  • 20192020-ci ildə ABŞ-da keçirilən beynəlxalq konfransın məruzəli iştirakçısı olmuşdur.

İstinadlar[redaktə | əsas redaktə]

  1. "Azərbaycan Tibb Universitetinin Professor-müəllim heyəti". www.amu.edu.az. 7 fevral 2021 tarixində arxivləşdirilib.
  2. "Azərbaycan Tibb Universitetində ənənəvi seminarı". azertag.az. 7 fevral 2021 tarixində arxivləşdirilib.
  3. "Azərbaycan Tibb Universitetində ənənəvi seminar keçirilib". tehsil-press.az. 7 fevral 2021 tarixində arxivləşdirilib.
  4. "Vəli Əsmətov". peoplepill.com. 7 fevral 2021 tarixində arxivləşdirilib.