Vəli Albəndov

Vikipediya, açıq ensiklopediya
Jump to navigation Jump to search
Vəli Albəndov
Vəli Nəbi oğlu Albəndov
Vəli Albəndov.tif
“Qarabağ E.R.” Məhdud Məsuliyyətli Cəmiyyətinin direktoru
Şəxsi məlumatlar
Partiya Emblem of New Azerbaijan Party.png Yeni Azərbaycan Partiyası
Təhsili Daşkənd şəhəri Abu Reyhani Beruni adına Politexnik İnstitutu
İxtisası İnşaatçı-mühəndis
Doğum tarixi 20 yanvar 1952 (1952-01-20) (67 yaş)
Doğum yeri SSRİ SSRİ
Azərbaycan Azərbaycan SSR, Tərtər rayonu Ələsgərli
Tanınır Dövlət xadimi

Mükafatları "Tərəqqi" medalıƏməkdar Mühəndis

Albəndov Vəli Nəbi oğlu — “Qarabağ E.R.” Məhdud Məsuliyyətli Cəmiyyətinin direktoru .[1] Əməkdar Mühəndis

Həyatı[redaktə | əsas redaktə]

Albəndov Vəli Nəbi oğlu 20 yanvar 1952-ci ildə Azərbaycan Respublikasının Tərtər rayonunun Ələsgərli kəndində anadan olub. 1958-ci ildən Tərtər rayonunun Ələsgərli kənd 8 illik məktəbində təhsil alıb. 1968-ci ildə Tərtər şəhər 1 nömrəli məktəbin 10cu sinfini bitirib.

V.N. Albəndov 1969-cu ildə Gəncə şəhərindəki İnşaat Ttexnikumunun "Sənaye və Mülkü Tikintilər" fakültəsinə qəbul olub, 1972-ci ildə həmin texnikumun tam kursunu bitirib “İnşaat texniki” ixtisasını alıb.

1972-1976-cı illərdə “Kəndtikinti” Nazirliyinin Tərtər rayonundakı 61 saylı Səyyar Mexanikləşdirilmiş Dəstəsində iş ustası vəzifəsində çalışıb.

1976-cı ildə Azərbaycan Respublikası Meliorasiya və Su Qurğuları İdarəsinin Tərtər rayonundakı 15 saylı TQİ-də iş icraçısı vəzifəsinə qəbul edilmiş, 1977-ci ilin avqust ayında nazirliyin göndərişinə əsasən Bərdə rayonundakı 17 nömrəli SMD-nə iş icraçısı vəzifəsinə təyin olunmuşdur.

Vəli Albəndov 1977-1980-ci illərdə “Azərsutikinti” Dövlət Konserninin Bərdə rayonundakı 17 nömrəli SMD-də və 32 nömrəli TQİ-də baş iş icraçısı, 1980-1983-cü illərdə həmin təşkilatda baş mühəndis vəzifəsində işləmişdir. O, 1981-ci ildə təhsilini artırmaq üçün Özbəkistan Respublikasının Daşkənd şəhərində Abu Reyhani Beruni adına Politexnik İnstitutunun İnşaat Mühəndisləri fakültəsinə qiyabi yolla qəbul olub və 1987-ci ildə həmin institutu bitirmişdir.

1983-cü ilin oktyabr ayında Bərdə rayon Partiya Komitəsinin göndərişi əsasında Bərdə rayonundakı Pambıq Zavodları üzrə “Əsaslı tikinti” şöbəsinin rəisi vəzifəsinə təyin olunmuşdur.

V.N. Albəndov 1984-cü ilin noyabr ayında Bərdə rayon Partiya Komitəsinin göndərişi əsasında Baş Kolxoz və Sovxozlarrası Tikinti Birliyinin Bərdə rayonundakı 46 nömrəli SMD-nə baş mühəndis vəzifəsinə təyin olunmuş və 1987-ci ilin avqust ayına kimi həmin təşkilatda baş mühəndis vəzifəsində işləmişdir.

1987-1992-ci illərdə isə “Azərsutikinti” Dövlət Konserninin Bərdə rayonundakı 32 nömrəli TQİ-nin rəisi, 1992-1996-cı illərdə “Qarabağsutikinti” Trestinin müdiri, 1996-1998-ci illərdə “Azərsutikinti” Dövlət Konserninin Tərtər rayonunda yerləşən 15 nömrəli TQİnin müdiri vəzifəsində işləmişdir.

Vəli Albəndov 1998-ci ildə Azərbaycan Respublikası Prezidentinin 851 nömrəli Sərəncamı ilə yaradılmış “Azərsutikinti” Səhmdar Cəmiyyətinin Tərtər rayonundakı “Qarabağsutikinti” törəmə müəssisəsinin müdiri vəzifəsinə təyin olunmuş və 2010 –cu ilə kimi bu vəzifədə işləmişdir.

2010-cu ildə “Qarabağsutikinti” törəmə müəssisəsinin bazasında “Qarabağ E.R.” MMC yaradılmış və həmin vaxtdan Vəli Albəndov cəmiyyətin direktoru vəzifəsində çalışır.

O, istehsalatda qazandığı əmək uğurlarına görə dəfələrlə «Sosializm yarışının qalibi» olmuş, Azərbaycan Respublikası Dağlıq Qarabağ Muxtar Vilayətinin «Sosial İqtisadi-İnkişaf Proqramının yerinə yetirilməsindəki fəal işinə, mərdliyinə və Vilayət əhalisinin həyat şəraitinin yaxşılaşdırılmasına göstərdiyi böyük köməyinə görə Azərbaycan Respublikası Prezidentinin 7 iyun 1991-ci il tarixli, 269 nömrəli Fərmanı ilə Azərbaycan Respublikasının “Fəxri Fərmanı» ilə təltif edilmişdir.

O, eyni zamanda Tərtər rayon İcra Hakimiyyətinin “Fəxri fərmanı” ilə və Yeni Azərbaycan Partiyasının “Fəxri fərmanı” ilə, “Ədalət naminə” ictimai siyasi-hüquq qəzetinin təsis etdiyi “Şərəf və ləyaqət” diplomuna, “Turan Dünyası” beynəlxalq ictimai–hüquq qəzeti tərəfindən “Fəxri diploma”, “Azadlıq və Zaman” qəzetinin təsis etdiyi “Şərəf diplomuna”, “Qanun və İntizam” qəzetinin təsis etdiyi “Milli ləyaqət” diplomuna layiq görülmüş və YAP Tərtər rayon təşkilatının “Fəxri fərmanı”» ilə və “Avropa Nəşr Mətbuat Evi”-nin “Ən yaxşı vətənpərvər idarə rəhbəri” Qızıl Medalı ilə təltif olunmuşdur.

Qeyd edək ki, "Qarabağ-ER" MMC-nin kollektivi son illərdə respublikamızda çoxlu sayda infrastruktur layihələrini reallaşdırmışdır.

Belə ki, Azərbaycan Respublikasının Dövlət proqramlarında nəzərdə tutulan sosial infrastrukturların yaxşılaşdırılması proqramlarında büdcə vəsaiti hesabına nəzərdə tutulan əsasli tikinti, yenidənqurma, meliorasiya və irriqasiya layihələrinin, eləcə də Dünya Bankının, İslam İnkişaf Bankının və Azərbaycan hökumətinin ayırdığı kredit və qrant vəsaitləri hesabına bir sıra layihələrin icrası “Qarabağ-ER” MMC-nin inşaatçıları tərəfindən həyata keçirmişdir.

Rəhbərliyi altında tikilən obyektlər[redaktə | əsas redaktə]

Bərdə şəhərində "Uşaq incəsənət məktəbi"; Ağcəbədi rayonunda Qarqar çayında sahil bərkitmə işləri; Bərdə rayonunda qaçqın və məcburi köçkünlər üçün 7 mərtəbəli 42 mənzilli yaşayış binası; Bakı şəhəri Müşfiqabad qəsəbəsində qaçqın və məcburi köçkünlər üçün 5 mərtəbəli 80 mənzilli yaşayış binası; Bərdə şəhərində sahil bərkitmə işləri və sair yüzlərlə obyektlər; “Meliorasiya və Su Təsərrüfatı” ASC-nin sifarişləri əsasında- Ağcəbədi rayonunun Taxtakörpü ərazisində Laçın rayonundan olan qaçqın və məcburi köçkünlərin təsərrüfatlarının su təminatının yaxşılaşdırılması məqsədi ilə beton kanal,hidrotexniki qurğu və körpülər; Goranboy rayonunun ərazisində suvarılan torpaqların su taminatının yaxşılaşdırılması məqsədi ilə Xan-Arx kanalının, hidrotexniki qurğuların, körpülərin və selötürücülərin tikinti işləri; Tərtər rayonun arazisində Tərtər çayının sağ sahilində sel sularından mühafizə məqsədi üçün sahilbərkitmə işləri, hidrotexniki qurğular, körpülər və selötürücü qurğular; Tərtər rayonunun Evoğlu, Küçərli və Qaraqoyunlu kəndlərində əkin sahələrinin yeraltı qaynama sularından tamizlənməsi və torpaqların meliorativ yaxşılaşdırılması üçün: “Qrunt sularının səviyyəsinin aşağı salınması” layihəsi üzrə işlər; Bərdə rayonun yeraltı qaynama sularından təmizlənməsi və torpaqların meliorativ yaxşılaşdırılması məqsədi ilə “Qrunt sularının səviyyəsinin aşağı salınması” layihəsi üzrə işlər; Ağdam rayonunun Ergi massivində əkin sahələrinin su təminatının yaxşılaşdırılması məqsədi ilə Qarabağ kanalına baş suqəbuledici qurğunun tikintisi; Agcəbədi rayonunun Xocavənd kəndi ərazisindən keçən Qarqar çayında sel sularından mühafizə məqsədilə beton qoruyucu bənd, 24 metr aşırımında metal körpü və 1 ədəd səviyyəendirici qurğunun tikintisi; Bərdə şəhərində Heydər Əliyev adına milli parkın ərazisindən keçən Tərtər çayında beton sahilbərkitmə işləri, 2 ədəd səviyəendirici qurğu, 85 m uzunluğunda müasir üslubda tikilmiş asma körpü, 2 ədəd 120 min kub metr tutumunda gölün tikintisi. Məcburi Köçkünlərin Sosial İnkişaf Fondunun sifarişləri əsasında – Baki şahəri, Muşviqabad qəsəbəsində müasir üslubda 5 mərtəbəli, 80 mənzilli yaşayış binası; Bərdə şəhərində muasir uslubda 7 mərtəbəli, 42 mənzilli yaşayış binası. Mədəniyyət və Turizm Nazirliyininnin sifarişi əsasında- Bərdə şəhərində müasir üslubda, yeni 4 mərtəbəli, 450 yerlik incəsənət məktəbi. Tərtər rayon İcra hakimiyyətinin sifarişi əsasında- Tərtər rayonun Kəngərli kəndində, 220 yerlik 2 mərtəbəli tam orta məktəb binası. Ərazilərin bərpası və Yenidən Qurulması üzrə Agentliyin sifarişi əsasında- Tərtər rayonun Bərdə rayonun Zümürxan kəndi ərazisindən keçən hissəsində sahilbərkitmə işləri; Tərtər rayonunun Qapanlı kəndində Tibb Məntəqəsinin binası.

Hazırkı vaxtda da "Qarabağ-ER" MMC-nin inşaatçıları bir sıra vacib obyektlərin tikintisini yüksək əzmkarlıqla həyata keçirməkdədir.

Ailəsi[redaktə | əsas redaktə]

Ailəlidir, üç övladı – iki oğlu, bir qızı var, hər üçü ailəlidir, 8 nəvəsi var.

Mükafatları[redaktə | əsas redaktə]

Azərbaycan Respublikasının Prezidentinin 7 iyun 1991-ci il tarixli Fərmanı ilə Dağlıq Qarabağ Muxtar Vilayətinin sosial-iqtisadi inkişaf proqramının yerinə yetirilməsində fəal işinə, mərdliyinə və vilayətin əhalisinin həyat şəraitinin yaxşılaşdırılmasına böyük köməyinə görə Azərbaycan Respublikasının Fəxri fərmanı ilə təltif edilmişdir.[2].

Vəli Nəbi oğlu Albəndov Azərbaycan Respublikasının Prezidenti İlham Əliyev cənablarının imzaladığı 04 iyun 2012-ci il tarixli 2265 nömrəli Sərəncamla Azərbaycanda meliorasiya və su təsərrüfatının inkişafındakı xidmətlərinə görə “Tərəqqi” medalı ilə təltif olunmuşdur.[3].

10 aprel 2017-ci il Vəli Nəbi oğlu Albəndov Azərbaycan Respublikasında tikinti kompleksinin inkişafında xidmətlərinə görə “Əməkdar Mühəndis” fəxri adı ilə təltif edilmişdir[4].

İstinadlar[redaktə | əsas redaktə]

  1. Azərbaycan Tikinti Kompleksinin Ensiklopediyası (ATKE) kitabı, II cild, səhifə: 20-21.
  2. "Azərbaycan Respublikası Dağlıq Qarabağ Muxtar Vilayətinin yaşayış məntəqələrinin sosial-iqtisadi inkişafı proqramının yerinə yetirilməsində ən çox fərqlənmiş inşaatçıların bir qrupunun Azərbaycan Respublikasının Fəxri fərmanı ilə təltif edilməsi haqqında Azərbaycan Respublikası Prezidentinin 'Fərmanı" (azərb.). e-qanun.az (7 iyun 1991).
  3. "Azərbaycan Respublikasının meliorasiya və su təsərrüfatı işçilərinin “Tərəqqi” medalı ilə təltif edilməsi haqqında Azərbaycan Respublikası Prezidentinin Sərəncamı" (azərb.). e-qanun.az (4 iyun 2012).
  4. "İnşaat işçilərinə “Əməkdar Mühəndis” fəxri adının verilməsi haqqında Azərbaycan Respublikası Prezidentinin 10 aprel 2017-ci il tarixli Sərəncamı" (azərb.). e-qanun.az (10 aprel 2014).