Vəndam

Vikipediya, azad ensiklopediya
Jump to navigation Jump to search
Vəndam

40°58′53″ şm. e. 47°50′45″ ş. u.


Ölkə Azərbaycan Azərbaycan
Rayon Qəbələ
Tarixi və coğrafiyası
Saat qurşağı UTC+04:00
Əhalisi
Əhalisi 9 400 (2013) nəfər
Rəsmi dili azərbaycanca
Rəqəmsal identifikatorlar
Poçt indeksi AZ3628[1]
Xəritəni göstər/gizlə
Vəndam xəritədə
Vəndam
Vəndam
Commons-logo.svg Vikianbarda əlaqəli mediafayllar

VəndamAzərbaycan Respublikasının Qəbələ rayonunun inzibati ərazi vahidində qəsəbə.

Tarixi[redaktə | əsas redaktə]

24 iyun 2005-ci ildə Vəndam kənd inzibati ərazi vahidi tərkibindəki Vəndam kəndinə qəsəbə statusu verilmiş, Vəndam kənd inzibati ərazi vahidi Vəndam qəsəbə inzibati ərazi vahidi adlandırılmışdır[2]. “Qalaüstü yeri” VI-IX əsrlərə aid olan arxeoloji abidə sübut edir ki, buranın qədim tarixi var.[3]

Toponimikası[redaktə | əsas redaktə]

Oykonimin tərkibindəki vən göyrüş ağacının ikinci adıdır. Yerli məlumata görə, bu oykonim “vən (göyrüş) ağacından tikilmiş dam” mənasındadır.[4]

Coğrafiyası və iqlimi[redaktə | əsas redaktə]

12 km cənub-şərqdə Qəbələ-İsmayıllı şosse yolunun kənarında, Vəndam çayının sol sahilində, Baş Qafqaz silsiləsinin ətəyindədir.[3] Təbiəti mülayimdir.

Təbiəti[redaktə | əsas redaktə]

Vəndam qəsəbəsində dağın ətəyində Yeddi gözəl şəlaləsi vardır. Burada yeddi şəlalə olmasa da yeddi mərtəbə vardır.

Əhalisi[redaktə | əsas redaktə]

Vəndam qəsəbəsinin əhalisi 2008-ci ilin əvvəlinə olan məlumata görə 8,5 min nəfərdir.[5] Hal-hazırda 9 min nəfərə yaxın əhalisi var.[3]

Mədəniyyəti[redaktə | əsas redaktə]

Vəndam qəsəbəsində 3 orta təhsil müəssisəsi fəaliyyət göstərir. Bunlardan ən böyüyü 1 saylı orta məktəbdir. Vətən uğrunda şəhid olmuş Eldəniz Mehdiyevin adını daşıyan məktəb Bakı-Qəbələ magistral yolunun sol kənarında, qəsəbə mərkəzində yerləşir. Məktəbin 1250 şagirdi, 150 ixtisaslı müəllim heyəti var. Bu qəsəbənin hər il orta məktəb məzunlarından 90 faizi ali təhsil ocaqlarına daxil olur. 20 nəfərdən artıq alimi və bir neçə elmlər doktoru ilə öyünən vəndamlılar ziyalılıq səviyyəsi ilə öndə gedir.[3]

İqtisadiyyatı[redaktə | əsas redaktə]

Qəsəbədə hər sahədə inkişaf gedir. Bol meyvə bağları var. Taxıl sahələri əraziyə xüsusi gözəllik verir. Rayonun ən inkişaf etmiş yaşayış yerlərindən biridir.[3]

Görməli yerləri[redaktə | əsas redaktə]

Turistlərin marağını çəkən cazibədar yerləri var. Elə rayondakı əksər turizm obyektləri də burada fəaliyyət göstərir. “Duyma” sağlamlıq və istirahət mərkəzi, “Semerana”, “7 gözəl pansionatı” və 7 şəlaləsi ilə məşhurdur. Şəffaf su üstündəki restoranlar müştərilərə elə xidmət göstərir ki, bir anlıq başqa aləmdə olduğunu düşünür və buraların bənzərsizliyi qənaətinə gəlirsən. Ancaq qəsəbənin içərilərinə irəlilədikcə, dağına, daşına bələd olduqca şahidi olduğun mənzərələr daha heyrətləndiricidir.[3]

Həmçinin bax[redaktə | əsas redaktə]

İstinadlar[redaktə | əsas redaktə]

  1. Azərpoçt. "İndekslər" (azərb.). www.azerpost.az. 19 aprel 2016 tarixində arxivləşdirilib. İstifadə tarixi: 19 aprel 2016.
  2. Azərbaycan Respublikasının Qəbələ rayonunun inzibati ərazi bölgüsündə qismən dəyişikliklər edilməsi haqqında Azərbaycan Respublikasının 24 iyun 2005-ci il tarixli, 953-IIQ saylı Qanunu — e-qanun.az saytı
  3. 3,0 3,1 3,2 3,3 3,4 3,5 Şəlalə Məhyəddinqızı, "Qəbələ Qafqazın incisi", Bakı, "Oğuz Eli", 2009.
  4. Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
  5. Azərbaycan Respublikasının Dövlət Statistika Komitəsi. Vəndam qəsəbəsi

Xarici keçidlər[redaktə | əsas redaktə]

Vikianbarda Vəndam ilə əlaqəli mediafayllar var.