Vadim Ryabixn
 Vadim Ryabixn | |
|---|---|
| Şəxsi məlumatlar | |
| Tam adı | Vadim Ryabixn |
| Vətəndaşlığı |
 Azərbaycan |
| Doğum tarixi | |
| Doğum yeri | Bakı, Azərbaycan |
| İdman növü |
Yüngül atletika |
Vadim Ryabixn (d. 4 sentyabr 1990; Bakı, Azərbaycan) — Azərbaycanı təmsil edən yüngül atlet. Vadim Ryabixn, 2015-ci ildə I Avropa Oyunlarına, 2017-ci ildə isə IV İslam Həmrəyliyi Oyunlarına qatılıb.
Həyatı[redaktə | mənbəni redaktə et]
Vadim Ryabixn 4 sentyabr 1990-cı ildə Bakı şəhərində anadan olub. 2000-ci ildən idmanla məşğul olan Vadim Ryabixn 102 nömrəli tam orta məktəbdə orta təhsil alıb.
Karyerası[redaktə | mənbəni redaktə et]
Vadim Ryabixn 2015-ci ildə Azərbaycan bayrağı altında I Avropa Oyunlarına qatıldı. O, 100 metr məsafəyə qaçış yarışlarında 10.76 saniyə nəticə ilə 13 atlet sırasında 4-cü yeri tutdu. 200 metr məsafəyə qaçış yarışlarında isə, Vadim Ryabixn 21.46 saniyə nəticə ilə 13 atlet sırasında 5-ci yeri tutdu.
Estafet yarışlarında da Vadim Ryabixn uğurla çıxış edə bilmədi. Komanda yoldaşları Kamran Əsgərov, Valentin Buliçev və Rahib Məmmədov ilə birgə o, 4x100 m. yarışlarında 4-cü yeri tutdu. 4x400 m. yarışlarında isə Vadim Ryabixn, Arif Abbasov, Elmir Cəbrayılov və Hakim İbrahimov ilə birgə 3 dəqiqə 11.18 saniyə nəticəyə imza atdı və yenə 4-cü yeri tutdu.
Vadim Ryabixn 2017-ci ildə Azərbaycan bayrağı altında IV İslam Həmrəyliyi Oyunlarına qatıldı. 100 metr məsafəyə T11 qaçış yarışlarının final mərhələsində o, Nurlan İbrahimovun bələdçisi qismində çıxış etdi və 11.60 metr nəticəyə imza ataraq 1-ci yeri tutdu və IV İslam Həmrəyliyi Oyunlarının çempionu oldu.
