Vahid Əliyev (general)

Vahid Əliyev
Azərbaycan Respublikası Prezidenti Administrasiyası rəhbərinin müavini
30 noyabr 2012 – 1 iyun 2017
Əvvəlki	vəzifə təsis edlib
Sonrakı	vəzifə ləğv edilib
Azərbaycan Respublikası Prezidentinin Müdafiə məsələləri üzrə köməkçisi
12 aprel 2002 – 1 iyun 2017
Naxçıvan Muxtar Respublikasının Milli Təhlükəsizlik naziri
1997 – 2002
Şəxsi məlumatlar
Doğum tarixi	19 aprel 1969(1969-04-19) (54 yaş)
Doğum yeri	Bakı, Azərbaycan SSR, SSRİ
Təhsili	Cəmşid Naxçıvanski adına hərbi lisey, Xarici Kəşfiyyat Akademiyası[d], Bakı Dövlət Universitetinin Hüquq fakültəsi
Fəaliyyəti	hərbi qulluqçu, dövlət xadimi
Rütbəsi	general-leytenant
Təltifləri

Vahid Əli oğlu Əliyev (19 aprel 1969, Bakı) — Azərbaycan Respublikası Silahlı Qüvvələrinin general-leytenantı, Azərbaycan Respublikası Prezidentinin Müdafiə məsələləri üzrə köməkçisi (2002–2017), Azərbaycan Respublikası Prezidenti Administrasiyası rəhbərinin müavini (2012–2017).

Həyatı

Vahid Əli oğlu Əliyev 19 aprel 1969-cu ildə Bakı şəhərində anadan olmuşdur. 1983–1986-cı illərdə C. Naxçıvanski adına hərbi liseydə təhsil almış, daha sonra Andropov adına Leninqrad Ali Hərbi-Siyasi Akademiyasını və Azərbaycan Dövlət Universitetinin Hüquq fakültəsini bitirmişdir.

1990–1991-ci illərdə SSRİ Silahlı Qüvvələrinin Xüsusi təyinatlı kəşfiyyat alayında xidmət etmiş, 1991–1996-cı illərdə Azərbaycan Respublikasının Prezidenti yanında Xüsusi idarədə Əməliyyat müvəkkili, şöbə rəisi, 1996-cı ilin mart ayından noyabr ayınadək Naxçıvan Muxtar Respublikasında Xüsusi İdarənin rəisi, 1996–1997-ci illərdə Naxçıvan Muxtar Respublikası Milli Təhlükəsizlik nazirinin müavini, 1997–2002-ci illərdə isə Naxçıvan Muxtar Respublikasının Milli Təhlükəsizlik naziri vəziflərində çalışmışdır.

Azərbaycan Respublikası Prezidentinin 12 aprel 2002-ci il tarixli Sərəncamı ilə Azərbaycan Respublikası Prezidentinin Köməkçisi, Azərbaycan Respublikası Prezidentinin 30 noyabr 2012-ci il tarixli Sərəncamı ilə Azərbaycan Respublikası Prezidenti Administrasiyası rəhbərinin müavini təyin edilmişdir.

Hərbi xidmət dövrü

• SSRİ SQ-nin Xüsusi təyinatlı kəşfiyyat alayı (1990–1991)
• AR Prezidenti yanında Xüsusi idarə, Əməliyyat müvəkkili, Şöbə rəisi (1991–1996)
• Naxçıvan MR Xüsusi İdarə, Rəis (03.1996–11.1996)
• Naxçıvan MR Milli Təhlükəsizlik nazirliyi, Nazirin müavini (1996–1997)
• Naxçıvan MR Milli Təhlükəsizlik nazirliyi, Nazir (1997–2002)
• Azərbaycan Respublikası Prezidentinin Köməkçisi (2002–2017)
• Azərbaycan Respublikası Prezidentinin Administrasiyası rəhbərinin müavini (2012–2017)