Valdete İdrizi
 |
| Valdete İdrizi | |
|---|---|
| alb. Valdete Idrizi | |
.jpg) 10 mart 2008-ci ildə ABŞ Dövlət Katibi Kondoliza Rays (sağda) ilə IWOC Beynəlxalq Cəsarət Mükafatı təqdim olunarkən | |
| Şəxsi məlumatlar | |
| Doğum tarixi | |
| Doğum yeri |
|
| Fəaliyyəti | siyasətçi |
 Vikianbarda əlaqəli mediafayllar | |
Valdete İdrizi (alb. Valdete Idrizi; 1973-cü il[1]) — Kosovo qadın siyasətçisi və vətəndaş fəalı. Kosovo Demokrat Partiyasının üzvü. "Mitrovitsa cəmiyyətinin qurulması" (Community Building Mitrovica) adlı qeyri-hökumət və qeyri-kommersiya təşkilatının rəhbəri, təşkilatın məqsədləri münaqişələrin aradan qaldırılması və Kosovska-Mitrovitsa şəhərinin alban və serb diasporaları arasında dialoqun qurulmasıdır.[2] 2008-ci ildə albanlar və serbləri barışdırmaq üçün sülhməramlı səylərə görə ABŞ Dövlət Departamentindən IWOC Beynəlxalq Cəsarət Mükafatını aldı.[3] Soroptimist International of Europe (SIE) tərəfindən SIE Award 2009 və Women's International Film & Television Showcase tərəfindən TheWIFTS Peace Award 2016 mükafatlarını qazanmışdır.[4]
Həyatı[redaktə | mənbəni redaktə et]
Kosovska-Mitrovitsanın şimal hissəsində anadan olub orada böyümüşdür.[3] Kosovo müharibəsi zamanı serblər tərəfindən qovuldu.[2]
Müharibədən sonra xarici investorların dəstəyi ilə "Mitrovitsa cəmiyyətinin qurulması" qeyri-kommersiya təşkilatını təsis etdi. Təşkilatın ofisi KFOR-un qorunması altında olan bufer zonada, şəhərin iki hissəsini - Cənubi Albaniya və Şimali Serbiyanı birləşdirən İbar çayı üzərindəki körpünün yanında yerləşir. Valdete İdrizi serb və alban dillərində jurnal nəşr etdirir. Kosovska-Mitrovitsa şəhərinin cənub və şimal hissələrindən olan uşaqların qatıldığı rok musiqi məktəbini qurdu.[3][5] Mitrovitsanın şimalındakı Priştina Universitetində qarışıq serb-alban qrupu üçün ingilis dili kursları təşkil etdi.[2]
22 dekabr 2011-ci ildə CiviKos Platform təşkilatının icraçı direktoru seçildi. Bu vəzifədə fəaliyyətini 16 yanvar 2012-ci ildə başladı.[6]
2017-ci ildə Kosovo Demokrat Partiyasından bələdiyyə seçkilərinə qatıldı və ilk turda seçkilərdə qalib gəldi, ancaq ikinci turda Yeni Kosovo Alyansından namizəd olan Agim Bahtiriyə məğlub oldu.[2]
Kosovska-Mitrovitsanın cənub hissəsində yaşayır.[3]
İstinadlar[redaktə | mənbəni redaktə et]
- ↑ "oralhistorykosovo.org". 2018-06-19 tarixində orijinalından arxivləşdirilib. İstifadə tarixi: 2020-05-11.
- ↑ 1 2 3 4 Франк Хофман, Александра Ёлкина. "10 лет независимости Косово: два шага вперёд, один назад". Deutsche Welle. 2018-02-17. 2022-09-28 tarixində arxivləşdirilib. İstifadə tarixi: 2020-04-11.
- ↑ 1 2 3 4 Aleksey Vorobyov. "Косово глазами Алексея Воробьёва – Часть 2". "Moskva əks-sədası". 2009-05-18. 2020-04-11 tarixində arxivləşdirilib. İstifadə tarixi: 2020-04-11.
- ↑ "Valdete Idrizi - Kosovo. The Peace Award" (ingilis). TheWIFTS. 2020-02-23 tarixində arxivləşdirilib. İstifadə tarixi: 2020-04-11.
- ↑ "Сербов и албанцев Митровицы сближает только рок-школа для молодёжи". Еврорадио. 2009-04-30. 2022-09-04 tarixində arxivləşdirilib. İstifadə tarixi: 2020-04-11.
- ↑ "Mrs. Valdete Idrizi is elected as Executive Director of CiviKos Platform". Platforma CiviKos. 2018-07-02 tarixində arxivləşdirilib. İstifadə tarixi: 2020-04-11.