Valeh Kərimov

Valeh Kərimov
Digər adı	Moşu
Doğum tarixi	20 mart 1944 (1944-03-20)
Doğum yeri	Miyana, Cənubi Azərbaycan
Vətəndaşlığı	Azərbaycan
Peşəsi	Aktyor
Mükafatları

Valeh Seyfulla oğlu Kərimov (d. 20 mart 1944(1944-03-20), Miyana, Şərqi Azərbaycan ostanı) — Azərbaycan aktyoru, Azərbaycan Respublikasının xalq artisti (2000).

Həyatı

1944-cü il mart ayının 20-də, İran İslam Respublikasının, Cənubi Azərbaycan ostanının Miyana şəhərində dünyaya gəlib. 1969-cu ildə M.A. Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirdikdən sonra öz aktyor taleyini həmişəlik olaraq Sumqayıt Teatrı ilə bağlayıb. 1990-cı ildə Azərbaycan Respublikasının Əməkdar Artisti, 2000-ci ildə isə Respublikanın Xalq Artisti fəxri adına, həmçinin, Prezident mükafatına layiq görülüb.

1990-cı ildən Azərbaycan Teatr Xadimləri İttifaqının üzvüdür.

Ailəsi

Loğman Kərimovun qardaşıdır. Həyat yoldaşı Zöhrə Bayram qızı Kərimova Sumqayıt şəhərindəki 20 saylı "Göy qurşağı” uşaq bağçasının müdirəsi olmuş, 30 may 2016-cı ildə vəfat etmişdir.

Yaradıcılığı

V.Kərimov həm də rejissor kimi də fəaliyyət göstərir. Teatrda işlədiyi dövrdə 70-ə yaxın obrazlar yaratmışdır. Onlardan: M.F.Axundov "Müsyo Jordan və dərviş Məstəli şah" – Qonaq, C.Cabbarlı "Sevil" – Balaş, A.Məmmədov "Yadındamı?" – Zaur,N.B.Vəzirov "Müsibəti Fəxrəddin" – Fəxrəddin, S.Rəhman "Toy" – Surxay, Y.Əzimzadə "Nəsrəddin" – Nəsrəddin, G.Xuqayev "Elbrus evlənir" – Elbrus, Albadam, R.İsmayılov "Ülviyyə" – Qədim, S.S.Axundov "Tamahkar" – Hası Murad, İ.Coşğun "Komsomol poeması" – Gəray bəy, Molyer "Skapenin kələkləri"- Silvestr, N.Hikmət "Demoklisin qılıncı"- Komisyolçu, Anar "Adamın adamı" – İbiş İbişli, M.Lermantov "Maskarad" – Sprixt, C.Cabbarlı "Vəfalı Səriyyə" – Məhərrəm, N.Qoqol "Müfəttiş" – Xlestakov, M.F.Axundov "Lənkəran xanının vəziri" – Vəzir, V.Səmədoğlu "Bəxt üzüyü" – Moşu, R.N.Güntəkin "Bir gecəlik ər" – Hilmi, V.Şekspir "Hamlet"/ mono- tamaşa/ – Hamlet, Ə.Qiyas "Qarışqa yuvası" – Qafar, T.Vəliyeva "Mənim ağ göyərçinim" – Hərbçi vəs. Quruluş verdiyi tamaşalar: S.S.Axundov "Tamahkar" -10.02.1974 və 25.04.1993, İ.Məlikzadə "Gəl qohum olaq"- 08.12.1997, K.Həsənov "Sehrli yaylıq"- 22.03.2000, M.Moyame "Lotereya"- 02.04.2003.

2015-ci ildən etibarən Gəncə Dövlət Dram Teatrında aktyor və rejissor kimi fəaliyyət göstərir.

Filmoqrafiya

1. 100 kağız (film, 2015)
2. Anlamaq istəyirəm (film, 1980)(ikiseriyalı bədii film)-rol: iclas iştirakçısı
3. Bağdada putyovka var... (film, 2000) - Qürbət
4. Balqabaq (film, 2007)
5. Bəxt üzüyü (film, 1991) - Moşu Göyəzənli
6. Gəl qohum olaq (film, 2001)
7. Hərənin öz payı+tayı (film, 2006) - Seyfi
8. Mən sənin dayınam (film, 2001)
9. Pəncərə (film, 1991)
10. Yerlə göy arasında (film, 1999)
11. Bəxt üzüyü 2 (film, 2017)

Həmçinin bax

	Azərbaycan kino sənəti portalı

Xarici keçidlər

• Mingəçevir Dövlət Dram teatrında yeni premyera - FOTOLAR  (azərb.)