Valeriana alliariifolia

Valeriana alliariifolia
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superasteridlər Klad: Asteridlər Klad: Kampanulidlər Dəstə: Fırçaotuçiçəklilər Fəsilə: Caprifoliaceae Yarımfəsilə: Pişikotukimilər Cins: Pişikotu Növ: Valeriana alliariifolia
Beynəlxalq elmi adı
Valeriana alliariifolia Adams, 1805
Şəkil axtarışı NCBI   1536778

Valeriana alliariifolia (lat. Valeriana alliariifolia) — bitkilər aləminin fırçaotuçiçəklilər dəstəsinin caprifoliaceae fəsiləsinin pişikotu cinsinə aid bitki növü.

Botaniki xarakteristikası

Hündürlüyü 7–100 (200) sm, gövdəsi düz, möhkəm, çox şırımlı, içi boş, 5–7 ədəd düyünaraları vardır, lap aşağıdakılar qısalmış olan, hündür, çoxillik çılpaq bitkidir. Kökümsovu qalın və qısadır, qeyri-bərabər budaqlanmışdır. Yarpaqları gövdə üzərində (3) 5–7 (8) cüt olmaqla düzülmüş, kökətrafı və aşağı yarpaqları uzun saplaq üzərindədir, iridir, dəyirmi ürəkşəkillidir, qaidə hissəsi dərinürəkşəkillii və ya böyrəkşəkillidir, kənarları sivri dişcikləri olan oyuqlu-dişlidir və sivri və yaxud uc hissəsi sivriləşmişdir, sonrakılar daha qısa saplaq üzərində olub, tədricən azalandır, enli ürəkşəkilliyumurtaşəkillidir, daha sivriləşmişdir, yuxarıdakı yarpaq cütləri demək olar ki, oturaqdır. Çiçək qrupu iridir, qalxanvari olub, dixotomik budaqlanmış, bar verən zaman şaxələnəndir. Tac konusvari-qıfşəkillidir, ağ və ya çəhrayı rəngdədir. Meyvələrinin uzunluğu (3) 4–5 mm-dir, yastıdır, azacıq ürəkşəkilli əsası tədricən yuxarıya doğru daralmışdır, uzunsov və ya xətvariuzunsovdur, çılpaqdır; uçağanı 10–15 ədəd cod tüklərdən ibarətdir, meyvənin ölçüsünə bərabərdir. İyul-avqust aylarında çiçəkləyir, (iyul) avqust-sentyabr aylarında meyvə verir.

Azərbaycanda yayılması

BQ qərb (Şəki və Zaqatala r-n). Yuxarı meşə və subalp qurşaqlarında.

Yaşayış mühiti

Meşə talalarında və çəmənlərdə, rütubətli yerlərdə, çay sahilində, bulaqların yaxınlığında, qayalarda və tökməyerlərdə rast gəlinir.

Sinonimləri

Heterotipik sinonimləri

• Valeriana alliariifolia Adams
• Valeriana alliariifolia var. intermedia Regel
• Valeriana alliariifolia var. subintegra Regel
• Valeriana macrophylla M.Bieb.