Vanya Radovanoviç

Vikipediya, açıq ensiklopediya
Jump to navigation Jump to search
Vanya Radovanoviç
mont. Vanja Radovanović
Doğum adı Vanya Radovanoviç
mont. Vanja Radovanović
Doğum tarixi 28 oktyabr 1992 (1992-10-28) (25 yaş)
Belqrad, Serbiya, Yuqoslaviya Sosialist Federativ Respublikası
Vətəndaşlıq Flag of Montenegro.svg Monteneqro
Mənşə Nikşiç, Monteneqro
Üslublar
Peşəsi müğənni, bəstəkar
Musiqi alətləri vokal, gitara
Fəaliyyət illəri 2004–h.h.

Vanya Radovanoviç (mont. Vanja Radovanović; d. 28 oktyabr 1992, Belqrad, Serbiya, Yuqoslaviya Sosialist Federativ Respublikası) — Monteneqro müğənnisi və bəstəkarı. O, "Inje" mahnısı ilə Monteneqronu 2018 Avroviziya Mahnı Müsabiqəsində təmsil etmişdir.

Bioqrafiya[redaktə | əsas redaktə]

Vanya Radovanoviç 28 oktyabr 1992-ci ildə Yuqoslaviya Sosialist Federativ Respublikasının tərkibində olan Serbiyada, Belqrad şəhərində anadan olmuşdur. 2004-cü ildə musiqi karyerasına başlayan ifaçı ilk dəfə Monteneqroda keçirilən Pjesma Mediterana mahnı festivalında iştirak etmişdir. Radovanoviç festivalda ifa etdiyi "Dripac" mahnısı sayəsində "Ən yaxşı debütant" mükafatına layiq görülmüşdür. 2005-ci ildə o, yenidən eyni festivalda özünün bəstələdiyi "Krila olovna" mahnısı ilə iştirak etmişdir. Mahnı Monteneqro və Serbiyada hit olmuşdur. Həmin ildə Radovanoviç həm də Serbiyada keçirilən Radio festivalda öz bəstəsi olan "Izvini ne menja ljude" mahnısı ilə çıxış etmişdir. 2006-cı ildə isə ifaçı Serbiyanın "Beovizija" mahnı yarışmasında "Kad me jednom za te ne bude" mahnısı ilə iştirak etmişdir.

Musiqi festivallarında iştirakdan sonra Radovanoviçin 2007-ci ildə "Pričaj dodirom" sinqlı videoklip ilə birlikdə təqdim olunmuşdur. Həmin ildə ifaçı özünün musiqi qrupunu yaratmışdır. 2008-ci ilin ortalarında onun Pričaj dodirom adlı debüt albomu işıq üzü görmüşdür. Albom həmin ilə ərzində Monteneqroda ən çox satılan albomlardan biri olmuşdur. Albom ilə qazandığı uğurun ardınca Radovanoviç qrupu ilə birlikdə Monteneqroda meydanlarda, klublarda konsert proqramları ilə çıxış etmişdir. 2008-ci ildə onun "Takav sam i sad", 2009-cu ildə "Ne pitaj za mene", 2010-cu ildə "Bez koncepta", "Milo moje" və "Novi Sad" mahnıları təqdim olunmuşdur.

2014-cü ildə Radovanoviçin Svi životi moji adlı ikinci studiya albomu satışa buraxılmışdır.

2018-ci ilin əvvəlində Vanya Radovanoviçin "Inje" mahnısı ilə Monteneqronun RTCG telekanalının 2018 Avroviziya Mahnı Müsabiqəsi üçün təşkil etdiyi milli seçim turunda iştirak edəcəyi təsdiqlənmişdir. Fevral ayında baş tutan yarışmada Radovanoviç səsvermədə rəqiblərini məğlub edərək, qalib gəlmiş və "Inje" mahnısı ilə Monteneqronu Portuqaliyanın paytaxtı Lissabonda keçirilən Avroviziya 2018-də təmsil etmək hüququ qazanmışdır.[1][2] Uzun sürən çalışmalardan sonra Vanya 10 may tarixində baş tutan müsabiqənin ikinci yarımfinal mərhələsində 16-cı səhnə almışdır. Nəticədə ifaçı final üçün yetərli xalı toplaya bilməmiş və yarımfinal mərhələsində məğlub olmuşdur.

Diskoqrafiya[redaktə | əsas redaktə]

Albomlar[redaktə | əsas redaktə]

Sinqllar[redaktə | əsas redaktə]

İstinadlar[redaktə | əsas redaktə]

Əvvəlki:
Slavko Kaleziç
"Space"
Monteneqro Avroviziya Mahnı Müsabiqəsində
EuroMontenegro.svg

2018
Sonrakı:

Xarici keçidlər[redaktə | əsas redaktə]