Vaqif İbrahim

Vikipediya, azad ensiklopediya
Jump to navigation Jump to search
Vaqif İbrahim
Vaqif Əliyar oğlu İbrahim
Doğum tarixi
Doğum yeri Şəki, Azərbaycan SSR, SSRİ
Vəfat tarixi
Vəfat yeri Sumqayıt, Azərbaycan SSR, SSRİ
Vəfat səbəbi avtomobil qəzası
Vətəndaşlığı SSRİ SSRİ
Fəaliyyəti şair
Mükafatları Azərbaycan LKGİ mükafatı — 1976

Vaqif İbrahim (tam adı: İbrahimov Vaqif Əliyar oğlu) — şair, 1979-cu ildən Azərbaycan Yazıçılar Birliyinin üzvü, Azərbaycan SSR Lenin komsomolu mükafatı laureatı (1976), M.Qorki adına Ümumittifaq mükafatı laureatı (1978).

Həyatı[redaktə | mənbəni redaktə et]

Vaqif İbrahim 1945-ci il sentyabrın 30-da Şəki şəhərində doğulmuşdur. Burada orta təhsil aldıqdan sonra M.Əzizbəyov adına Azərbaycan Neft və Kimya İnstitutunu bitirmişdir. Əmək fəaliyyətinə jurnalist kimi başlamışdır. Sumqayıt şəhər radio verilişləri redaksiyasında redaktor (1968-1970), məsul redaktor (1971-1975), Əli Kərim adına Sumqayıt gənclik poeziya klubunun sədri (1970-1971), "Ulduz" jurnalı redaksiyasında ədəbi işçi (1975-1976), "Göyərçin" jurnalının məsul katibi (ömrünün sonuna qədər) olmuşdur. Eyni zamanda 1980-1983-cü illərdə Azərbaycan LKGİ MK nəzdində gənc yazıçıların respublika ədəbi birliyinə rəhbərlik etmişdir. Azərbaycan komsomolunun XXX–XXXI qurultaylarında nümayəndə, XXXI qurultayında respublika LKGİ MK-ya üzv seçilmişdir.

Baykal Amur magistralının fəxri inşaatçısı adına layiq görülmüşdü. SSRİ-Bolqarıstan "Drujba" jurnalı redaksiya heyətinin üzvü idi. 1983-cü ildə faciəli surətdə həlak olmuş, Sumqayıtda dəfn olunmuşdur.

Əsərləri[redaktə | mənbəni redaktə et]

  1. Bu torpaqda doğulanlar. Bakı: Gənclik, 1970, 126 səh.
  2. Ömür balladası. Bakı: Gənclik, 1970, 31 səh.
  3. Dünyanın keşiyində. Bakı: Gənclik, 1974, 87 səh.
  4. Baykal-Amur magistralında. Bakı: Gənclik, 1975, 102 səh.
  5. Mehribanlıq işığı. Bakı: Yazıçı, 1981, 121 səh.
  6. Taleyimə yazılanlar (şeirlər). Bakı: Gənclik, 1985, 188 səh.
  7. Vaxtla üz-üzə. Bakı: Gənclik, 1982, 228 səh.
  8. Taleyimə yazılanlar. Bakı: Gənclik, 1984, 212 səh.
  9. "Mən də varam- Xan nəşriyyatı,2015

Yaradıcılığı[redaktə | mənbəni redaktə et]

ANA VƏ KÖRPƏ

Beşik;
Yelkənli qayıq,
Doğma ev
ilk limanı.
Anadır
bu qayığın
özülü: "kapitanı"…

İstinadlar[redaktə | mənbəni redaktə et]