Vaqif İbrahimoğlu

Vikipediya, açıq ensiklopediya
Jump to navigation Jump to search
Vaqif İbrahimoğlu
Vaqif İbrahimoğlu.jpg
İlk adı Vaqif İbrahim oğlu Həsənov
Digər adı Vaqif Həsənov
Doğum tarixi 18 oktyabr 1949(1949-10-18)
Doğum yeri Bakı, Mərdəkan, Flag of the Azerbaijan Soviet Socialist Republic.svg Azərbaycan SSR
Vəfat tarixi 12 may 2011 (61 yaşında)
Vəfat yeri Bakı, Flag of Azerbaijan.svg Azərbaycan
Vəfat səbəbi ağciyər xərçəngi
Dəfn yeri
Vətəndaşlığı
Peşəsi aktyor
Təhsili
IMDb ID 1076609

Vaqif İbrahimoğlu (18 oktyabr 1949, Bakı, Mərdəkan12 may 2011, Bakı) — Azərbaycan novator teatr rejissoru.[1]

Həyatı[redaktə | əsas redaktə]

Vaqif İbrahimoğlu 18 oktyabr 1949-cu ildə Bakı şəhərinin Mərdəkan qəsəbəsində anadan olmuşdur. 1967-ci ildə Azərbaycan Dövlət Mədəniyyət və İncəsənət İnstitutunun dram və kino aktyorluğu fakültəsinə daxil olmuş, 1972-ci ildə həmin institutu bitirmişdir. 1973-1976-cı illərdə Azərbaycan Dövlət Gənc Tamaşaçılar Teatrında aktyor kimi çalışmışdır. 1976-1979-cu illərdə Azərbaycan Teatr Cəmiyyətinin nəzdindəki Eksperimental Teatr Studiyasında, 1979-1982-ci illərdə Tədris Teatrında Bədii rəhbər, 1982-1989-cu illərdə isə Azərbaycan Dövlət Musiqili Komediya Teatrında baş rejissor vəzifəsində fəaliyyət göstərmişdir.

Azərbaycan Milli Akademik Dram Teatrında, Türkiyənin Ankara və Bursa teatrlarında, Estoniyanın Uqala Teatrında tamaşalar hazırlamışdır. 1989-cu ildən YUĞ Teatrının bədii rəhbəri vəzifəsində çalışmışdır. 1992-ci ildə YUĞ Teatr-Studiyası dövlət statusu almışdır.

Vaqif İbrahimoğlu «YUĞ» teatrında 1989-cu ildən həyatının sonuna qədər 90-a yaxın tamaşaya quruluş vermişdi.

22 may 1991-ci ildə Azərbaycan Respublikasının əməkdar incəsənət xadimi fəxri adı ilə təltif olunub. AzTXİ-nin təsis etdiyi «Qızıl Dərviş» mükafatı laureatı, ADMİU-nun dosenti idi. 2006-cı ildən Azərbaycan Respublikası Prezidenti təqaüdü alırdı.

Vaqif İbrahimoğlu 12 may 2011-ci ildə Bakıda vəfat etmişdir.[2]

Xatirəsi[redaktə | əsas redaktə]

2019-cu ilin martında Bakıda Vaqif İbrahimoğlunun xatirəsinə həsr olunmuş "Boş məkanın dolğunluğu" adlı eksperimental tamaşalar festivalı keçirilmişdir.[3]

Filmoqrafiya[redaktə | əsas redaktə]

  1. Dantenin yubileyi (film, 1978)
  2. Bağlı qapı (film, 1981)
  3. Əlavə iz (film, 1981)
  4. Qəm pəncərəsi (film, 1986)
  5. Qurama (film, 1995)
  6. Otel otağı (film, 1998)
  7. Dağın nəvəsi (film, 2002)
  8. Pəri qala (film, 2007)
  9. Sahə (film, 2010)

İstinadlar[redaktə | əsas redaktə]

  1. Səfa, M. “Vaqif İbrahimoğlu kimi ustadım olub”: Məmməd Səfa: “Sənət fərdi yanaşmanı, fərdi işi daha çox xoşlayır”: [Əməkdar artistlə müsahibə] /müsahibəni apardı Xədicə Qiyas //Türküstan.- 2015.- 7-21 noyabr.- S.16.
  2. "2010-2011-ci illərdə dünyasını dəyişən kino işçiləri". Azərbaycan Respublikası Mədəniyyət və Turizm Nazirliyi. Dövlət Film Fondu. Kino-Bülleten. IV buraxılış. Bakı: Apostroff, 2011.
  3. CBC TV. "Театральный фестиваль, как территория новаторства и эксперимента" (rus.). Youtube.com (04.03.2019).

Xarici keçidlər[redaktə | əsas redaktə]