Vaqif Şərifov

Vikipediya, azad ensiklopediya
Jump to navigation Jump to search
Vaqif Şərifov
Vaqif Şərifov.jpg
"Aktrisa" filmindən kadr
Doğum tarixi (77 yaş)
Peşəsi Aktyor
Təhsili
Mükafatları "Azərbaycan Respublikasının xalq artisti" fəxri adı — 2014 "Azərbaycan Respublikasının əməkdar incəsənət xadimi" fəxri adı — 1992
"Tərəqqi" medalı

Vaqif Abdulla oğlu Şərifov (12 avqust 1943(1943-08-12)) — Azərbaycanın xalq artisti (2014), Azərbaycan Respublikası Prezidentinin fərdi təqaüdçüsü (2020-ci ildən).

Həyatı[redaktə | əsas redaktə]

Vaqif Şərifov 1960-ci ildən teatrda əmək fəaliyyətinə başlamış, 1967-ci ildə Azərbaycan İncəsənət İnstitutunun rejissorluq fakültəsini bitirmişdir. 1967-1974-cü illərdə Gəncə Dövlət Dram Teatrında rejissor, 1974-1977-ci illərdə Sumqayıt Dövlət Dram Teatrında baş rejissor, 1977-1981-ci illərdə Ağdam Dram Teatrında baş rejissor, 1981-1984-cü illərdə Gəncə Dövlət Dram Teatrında quruluşçu rejissor, 1984-1998-ci illərdə həmin teatrda direktor və bədii rəhbər vəzifəsində çalışmışdır.

Müxtəlif illərdə Nazim Hikmətin "Demoklisin qılıncı", Hüseyn Cavidin "Maral", Cəfər Cabbarlının "Almaz", "Yaşar", A.Baranqanın "İçtimai rəy", Y.Saloviçin "Qəribə dilənçi", A.Məmmədovun "Dəli domrul", Anarın "Şəhərin yay gynləri", Mirzə Fətəli Axundovun "Qanun dəlalı", H.Mirəlimovun "Vicdanın hökmü", Elçinin "Qatil", Süleyman Sani Axundovun "Eşq və intiqam" işləmişdi. Azərbaycan teatrlarında 80-dən artıq quruluşu olmuşdur.

Azərbaycan Teatr Xadimlər İttifaqının üzvüdür.

"Qanun dəllalı" tamaşasının qurluşuna görə "Qızıl Dərviş" mükafatı almışdır. 2011-ci ildə "Aspoliqraf" nəşriyyatı tərəfindən Vaqif Şərifovun və onun həyat yoldaşı, Azərbaycanın əməkdar artisti, mərhum aktrisa Simuzər Namazovanın həyat və yaradıcılığından bəhs edən teatrşünas Anar Bürcəliyevin "Qoşa qanad" adlı kitabı nəşr edilmişdir.

Mükafatları[redaktə | əsas redaktə]

4 mart 1992-ci ildə Respublikanın Əməkdar İncəsənət xadimi fəxri adı ilə,

25 iyun 2013-cü iə isə ə "Tərəqqi" medalı ilə təltif edilmişdir. 13 fevral 2014-cü ildə xalq artisti fəxri adına layiq görülmüşdür[1]. 7 may 2020-ci ildə Azərbaycan Respublikası Prezidentinin fərdi təqaüdünə layiq görülmüşdür.[2]

Filmoqrafiya[redaktə | əsas redaktə]

  1. Acılar bitməz (film, 2009)(tammetrajlı bədii film)-rol: İsmayıl
  2. Adam ol! (film, 2005)(tammetrajlı bədii film)-quruluşçu rejissor; rol: erməni
  3. Adam ol! 3 (film, 2007)(bədii serial)
  4. Aşiqlər (film, 2008)
  5. Cavad xan (film, 2009)
  6. Aktrisa (film, 2011)(tammetrajlı bədii film)-rol: mühasib
  7. Bombaltı (film, 2019)-rol: Petya

İstinadlar[redaktə | əsas redaktə]

  1. Gəncə şəhərinin sosial-mədəni inkişafında xidmətləri olan şəxslərə fəxri adların verilməsi haqqında Azərbaycan Respublikası Prezidentinin Sərəncamı
  2. President.Az (2020-05-07). "Azərbaycan mədəniyyət xadimlərinə Azərbaycan Respublikası Prezidentinin fərdi təqaüdünün verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2020-05-07.

Xarici keçidlər[redaktə | əsas redaktə]