Vaqif Ağakişiyev
| Vaqif Ağakişiyev | |
|---|---|
| Şəxsi məlumatlar | |
| Doğum adı | Vaqif Yaqub oğlu Ağakişiyev |
| Doğum tarixi | |
| Doğum yeri | Mingəçevir, Azərbaycan |
| Vəfat tarixi | |
| Vəfat yeri | Ağdərə, Azərbaycan |
| Vəfat səbəbi | döyüşdə ölüm |
| Dəfn yeri | Mingəçevir Şəhidlər Xiyabanı, Mingəçevir, Azərbaycan |
| Dəfn tarixi | 11 may 1992 |
| Vətəndaşlığı |
 SSRİ Azərbaycan |
| Milliyyəti | azərbaycanlı |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü | Azərbaycan Quru Qoşunları |
| Xidmət illəri | 1992 mart – 1992 may |
| Rütbəsi | Əsgər |
| Döyüşlər | Birinci Qarabağ müharibəsi |
Vaqif Yaqub oğlu Ağakişiyev (7 mart 1968, Mingəçevir – 11 may 1992, Ağdərə) — Azərbaycan hərbçisi, Birinci Qarabağ müharibəsi şəhidi.[1]
1992-ci il martın 23-də Birinci Qarabağ müharibəsi zamanı Mingəçevir şəhərindən təşkil olunmuş könüllü batalyona qoşularaq döyüşlərdə iştirak edib.
Həyatı
[redaktə | vikimətni redaktə et]Vaqif Ağakişiyev 7 mart 1968-ci ildə Mingəçevir şəhərində anadan olub.
1992-ci il martın 23-də Birinci Qarabağ müharibəsi zamanı Mingəçevir şəhərindən təşkil olunmuş könüllü batalyona qoşularaq döyüşlərdə iştirak edib.[1]
Ailəsi
[redaktə | vikimətni redaktə et]Nişanlı idi.[1]
Döyüşlərdə iştirakı
[redaktə | vikimətni redaktə et]O, Ağdam və Ağdərə istiqamətlərində aparılan döyüş əməliyyatlarında vuruşub. 1992-ci ilin may ayında Bakının "Qurtuluş" dəstəsinin Ağdərə rayonunun Marquşavan kəndi yaxınlığında mühasirəyə düşməsi zamanı həmin istiqamətdə aparılan döyüşlərdə iştirak edib. Döyüş zamanı baş nahiyəsindən yaralansa da mövqeyini tərk etməyib. Mövcud mənbələrə görə, düşmənin zirehli texnikasının və canlı qüvvəsinin irəliləməsinin qarşısını almaq məqsədilə qumbaradan istifadə etməklə özünü düşmən texnikasının yaxınlığında partlatmışdır.[2] Nəticədə mühasirədə olan 14 döyüş yoldaşının geri çəkilməsinə şərait yaradıb. Vaqif Ağakişiyev həmin döyüşdə şəhid olmuşdur.[1][2]
Xatirəsi
[redaktə | vikimətni redaktə et]Vaqif Ağakişiyev 11 may 1992-ci ildə Mingəçevir Şəhidlər Xiyabanında dəfn edilib.[2] O, Mingəçevir Şəhidlər xiyabanında dəfn edilən ilk dörd şəhiddən biri hesab olunur.[3]
Sonralar Vaqif Ağakişiyevin xatirəsinin əbədiləşdirilməsi məqsədilə Mingəçevir şəhərindəki 12 nömrəli tam orta məktəbə onun adı verilmişdir.[4] Məktəbdə onun həyat və döyüş yoluna həsr olunmuş xatirə guşəsi yaradılmışdır.[5]
İstinadlar
[redaktə | vikimətni redaktə et]- 1 2 3 4 "Mingəçevir Şəhidlər Xiyabanının ilk şəhidi Vaqif Ağakişiyev". ens.az (az.). 02.02.2019. İstifadə tarixi: 25.07.2026.
- 1 2 3 "Mingəçevir Şəhidlər Xiyabanının ilk şəhidi Vaqif Ağakişiyev". yeniavaz.com (az.). 02.02.2019. İstifadə tarixi: 25.07.2026.
- ↑ "Mingəçevir: Nur şəhərinin gur yüksəlişi". xalqqazeti.az (az.). 15.10.2024. İstifadə tarixi: 25.07.2026.
- ↑ "Şəhidin adını daşıyan məktəb əsaslı təmir olunub". azerbaijan-news.az (az.). 24.09.2021. İstifadə tarixi: 25.07.2026.
- ↑ "Mingəçevirdə məktəbin açılışı nə ilə yadda qaldı?". mingechevir-ih.gov.az (az.). 17.09.2021. 2022-07-13 tarixində arxivləşdirilib. İstifadə tarixi: 25.07.2026.