Vaqif Hüseynov (DTK sədri)

Vaqif Hüseynov
Hüseynov Vaqif Əliövsət oğlu
Azərbaycan SSR Dövlət Təhlükəsizlik Komitəsinin sədri 1989 — 1991
Azərbaycan SSR Olimpiya Komitəsinin rəhbəri 1975 — 1990
Bakı Şəhər Partiya Komitəsinin birinci katibi 1980 — 1983
Xələfi	Fuad Musayev
Şəxsi məlumatlar
Partiya	Kommunist partiyası
Təhsili	BDU
Doğum tarixi	27 noyabr 1942
Doğum yeri	SSRİ, Azərbaycan SSR, Quba
Milliyyəti	SSRİ→ Azərbaycan azərbaycanlı
Hərbi xidmət
Rütbəsi	general-mayor

Hüseynov Vaqif Əliövsət oğlu (d. 27 noyabr 1942, Quba, Azərbaycan SSR, SSRİ) — Azərbaycan SSR Dövlət Təhlükəsizlik Komitəsinin sədri (16 avqust 1989 - 13 sentyabr 1991)

Həyatı

Vaqif Hüseynov 27 noyabr 1942-ci ildə Quba şəhərində anadan olmuşdur. Orta təhsilini başa vurduqdan sonra 1961-1964-cü illərdə SSRİ Silahlı Qüvvələrində hərbi xidmət keçmişdir. 1971-ci ildə Azərbaycan Dövlət Universitetinin jurnalistika fakültəsini bitirmişdir. Ali təhsilini başa vurduqdan sonra jurnalist kimi bir sıra mətbu orqanlarda - "Sport", "Molodyoj Azerbaydjana" "Olimpiyskaya Panorama" qəzetlərində, o cümlədən televiziyada fəaliyyət göstərmiş, Kommunist Partiyasının fəallarından olmuş, müxtəlif dövlət hakimiyyəti vəzifələrində çalışmışdır. Azərbaycan SSR KP-nın Bakı ŞK-nin Birinci katibi, Azərbaycan SSR Kommunist Partiyasının Mərkəzi Komitəsinin üzvü, Azərbaycan SSR Ali Sovetinin deputatı, 1975-1990-cı illərdə Azərbaycan SSR Olimpiya Komitəsinin rəhbəri olmuşdur. 16 avqust 1989-cu ildən 13 sentyabr 1991-ci ilə qədər Azərbaycan SSR Dövlət Təhlükəsizlik Komitəsinin sədri vəzifəsində işləmişdir. Azərbaycan milli azadlıq hərəkatına qarşı çıxmış, 20 Yanvar hadisələri zamanı Moskvanın apardığı siyasət və tədbirlərdə yaxından iştirak etmişdir. AXC hakimiyyəti dövründə (1992-1993) həbs edilmiş, sonralar eks-prezident Heydər Əliyevin göstərişi ilə həbsdən buraxılmışdır. 1993-cü ildən Moskvada yaşayır. 1997-ci ildə Moskvada tanınmış "Rosbalt" informasiya agentliyini yaradıb. İndi də agentliyin Direktorlar Şurasının sədridir. Eyni zamanda Strateji Dəyərləndirmə və Təhlil İnstitutunun direktorudur. Bir neçə kitabın müəllifidir.

O, keçmiş Moskva meri Yuri Lujkovun kürəkəni Yevtuşenkovla yaxın dostluq münasibətlərinə malikdir və akademik Mirəli Qaşqayın kürəkənidir.

Bir ömürdən də çox memuarının müəllifidir.

Xarici keçidlər

• Azərbaycan təhlükəsizlik orqanlarının tarixi Arxivləşdirilib 2019-03-12 at the Wayback Machine