Vaqif Həsənov

Vikipediya, azad ensiklopediya
Jump to navigation Jump to search
Vaqif Həsənov
Vaqif Bəhram oğlu Həsənov
Vaqif Həsənov.jpg
bayraqAğdam Rayon İcra Hakimiyyətinin başçısıbayraq
28 avqust 2018 — indiyə kimi
Sələfi Raqub Məmmədov
Şəxsi məlumatlar
Partiya Emblem of New Azerbaijan Party.png Yeni Azərbaycan Partiyası
Təhsili Bakı Dövlət Universiteti,
Azərbaycan Dövlət Neft və Sənaye Universiteti
Doğum tarixi 18 fevral 1959 (1959-02-18) (60 yaş)
Doğum yeri Ağdam
Atası Bəhram

Mükafatları
"Dövlət qulluğunda fərqlənməyə görə" medalı

Vaqif Həsənov — Ağdam Rayon İcra Hakimiyyəti başçısı.

Həyatı[redaktə | əsas redaktə]

Həsənov Vaqif Bəhram oğlu 18 fevral 1959-cu ildə Ağdam rayonunda anadan olmuşdur.Orta məktəbi bitirdikdən sonra 1977-1979-cu illərdə hərbi xidmətdə olmuşdur. 1986-cı ildə Azərbaycan Dövlət Universitetinin (indiki BDU) Tarix fakültəsini,2003-cü ildə Azərbaycan Dövlət Neft Akademiyasının (indiki ADNSU) Faydalı qazıntı yataqlarının işlənməsi fakültəsini bitirmişdir.

Əmək fəaliyyətinə 1977-ci ildə Bərdə Kolxozlararası Tikinti idarəsində fəhlə kimi başlamışdır. 1980-1987-ci illərdə 26 Bakı Komissarı adına NQÇİ elektrik çilingər, 1987-1989-cu illərdə 26 Bakı Komissarı adına NQÇİ-nin Mənzil Kommunal Təsərrüfatının partiya təşkilatının katibi işləmiş, 1989-1991-ci illərdə isə Bakı Sosial İdarəetmə və Politologiya İnstitutunun politoloq ixtisasını tam kurs üzrə bitirmişdir.

1991-ci ildə 26 Bakı Komissarı adına NQÇİ-nin partiya komitəsinin katibi, 1991-1995-ci illərdə Ə.Ç.Əmirov adına NQÇİ-nin Xüsusi şöbəsinin rəisi, 1995-2001-ci illərdə H.Z.Tağıyev adına NQÇİ-nin Mənzil Kommunal Təsərrüfatının rəisi, 2001-2005-ci illərdə H.Z.Tağıyev adına NQÇİ-nin Kadrlar şöbəsinin rəisi, 2005-2006-cı illərdə N.Nərimanov adına NQÇİ rəisin ümumi məsələlər üzrə müavini, 2006-2011-ci illərdə Bakı şəhəri Qaradağ Rayon İcra Hakimiyyəti başçısının müavini, 2011-2013-cü illərdə Bakı şəhəri Xəzər Rayon İcra Hakimiyyəti başçısının müavini, 2013-2018-ci illərdə isə Bakı şəhəri Xəzər Rayon İcra hakimiyyəti başçısının birinci müavini vəzifələrində çalışmışdır.

2017-ci ildən Beynəlxalq Mühəndislik Akademiyasının Ümumi Yığıncağının qərarına əsasən,həmin akademiyanın həqiqi üzvü seçilmişdir.[1]

Azərbaycan Respublikası Prezidentinin 28 avqust 2018-ci il tarixli Sərəncamı ilə Ağdam Rayon İcra Hakimiyyətinin başçısı təyin edilib.[2]

Yeni Azərbaycan Partiyasının üzvüdür.

Ailəlidir, 2 övladı var.

İstinadlar[redaktə | əsas redaktə]