Vaqif Mirzəyev (şəhid)

Vikipediya, açıq ensiklopediya
Jump to navigation Jump to search
Vaqif Mirzəyev
azərb. Mirzəyev Vaqif Səməd oğlu
Vaqif Mirzəyev (şəhid).jpg
Doğum tarixi 12 noyabr 1959(1959-11-12)
Doğum yeri Bakı, Azərbaycan SSR
Vəfat tarixi 20 yanvar 1990 (31 yaşında)
Vəfat yeri Bakı, Azərbaycan SSR
Milliyyəti Azərbaycanlı
Fəaliyyəti Qara Yanvar şəhidi.

Vaqif Mirzəyev (azərb. Mirzəyev Vaqif Səməd oğlu‎) - 20 yanvar şəhidi. Azərbaycan Respublikasının Prezidentinin 31 mart 1998-ci il tarixdə fərmanı ilə ölümündən sonra 20 Yanvar Şəhidi fəxri adı verilmişdir.

Həyatı[redaktə | əsas redaktə]

Vaqif Mirzəyev 1959-cu ilin 12 noyabr tarixində Bakı şəhərinin Binə qəsəbəsində anadan olmuşdur. Binə qəsəbəsindəki elektrik qovşağında montyor işləyirdi. İki il idi ki, evlənmişdi. O Hadisə günü qəsəbənin yaxınlığında — Binə-Mərdəkan yolunda təxminən saat 22.00 radələrində əvvəl süngü ilə, sonra isə avtomatla vurulmuş, saat 23.05 dəqiqədə Mərdəkandakı 26 nömrəli xəstəxanaya gətirilmişdir. Vaqifin həmkəndlisi Qərib Qədirli hadisə vaxtı orada olmuşdur. Qərib hadisəni belə danışır:

" Hadisələr gərginləşəndə biz qəsəbənin yaxınlığındakı kanalın üstündə idik. Kimi görürdülərsə, xəbərdarlıq etmədən vurub yıxırdılar. Bir hərbçi isə mənim gözlərim qarşısında kəndlim Vaqif Səmədoğlunun süngü ilə düz ürəyinin başından vurdu. Bu bəs deyilmiş elə bil, sonra da avtomatla vurdular. Bu hadisə məni dəhşətə gətirdi. "

Vaqif Mirzəyev həmin gecə 26 nömrəli xəstəxanada vəfat etmişdir.

Ünvan[redaktə | əsas redaktə]

Binə qəsəbə qəbiristanlığında dəfn edilib. Ünvanı: Binə qəsəbəsi, Rəhmanov küçəsi 1a.

Həmçinin bax[redaktə | əsas redaktə]

İstinadlar[redaktə | əsas redaktə]