Məzmuna keç

Varaqa ibn Nofəl

Vikipediya, azad ensiklopediya
Varaqa ibn Nofəl
Doğum yeri
Vəfat tarixi təq. 610(0610)
Vəfat yeri
Fəaliyyəti müəllim, hakim

Varaqa ibn Nofəl və ya tam adı ilə Varaqa ibn Nofəl ibn Əsəd ibn Əbd-əl-Ezza ibn Qusey Əl-Qureyşi (ərəb. ورقه بن نوفل بن أسد بن عبد العزّى بن قصي القرشي‎; ölüm təq. 610) — Məhəmmədin birinci həyat yoldaşı olan Xədicənin ata tərəfdən əmisi oğlu olan Aysor Nestorian keşişi idi. Məhəmmədin Xədicə ilə olan izdivacının da şahidi olmuşdur.

Ümumi qəbul edilmiş klassik mənbələrdə bildirilir ki, birinci vəhydən sonra Xədicə mövcud vəziyyəti izah etməsi üçün Məhəmmədi Varaqanın yanına aparmışdır. Varaqa deyilənlərə qulaq asdıqdan sonra, baş vermiş olan bu hadisənin bir vəhy olduğunu, Məhəmmədə peyğəmbərlik verildiyini və əgər özünün də gənc olsaydı, onun tərəfdarlarından biri olmaq istədiyini bildirmişdir.

Varaqa baş vermiş olan bu hadisə haqqında onun nə düşündüyünü soruşan İslam peyğəmbərinə onun yanına gələn mələyin Musanın yanına (bəzi rəvayətlərə əsasən İsanın) gələn Namus (Cəbrayıl və ya Tövrat) olduğunu və onun yəhudi və xristianların gözlədiyi sonuncu peyğəmbər olduğunu bildirmişdir. Məhəmmədin gələcəkdə öz qəbiləsi tərəfindən uzaqlaşdırılacağı zaman, ona kömək edəcəyini bildirmiş, lakin o günü görmədən dünyasını dəyişmişdir.

Məhəmməd ibn Abdullah ilk vəhyini Varaqa ibn Nofələ bildirdikdən qısa bir zaman sonra Varaqa ibn Nofəl vəfat etmişdir. Bu hadisədən sonra vəhy 40 gün müddətinə kəsilmişdir. Bu dövr "İnqita-i Vəhy" hadisəsi adlandırılır.[1][2]

Varaqa ibn Nofəl din xadimi olmaqla bərabər, həm də şair olmuşdur. Onun yazdığı şeirlərin bəziləri müasir dövrümüzə qədər gəlib çatmağı bacarmışdır.[3][4]

İstinadlar

[redaktə | vikimətni redaktə et]
  1. ↑ Kainatın Efendisi Peygamberimizin Hayatı. İstanbul: Nesil Yayınları. 2013. ISBN 978-975-269-894-9 370.baskı s.159.
  2. ↑ "Arxivlənmiş surət". 9 aprel 2014 tarixində arxivləşdirilib. İstifadə tarixi: 17 may 2014.
  3. ↑ "Cahiliye Şiirinde Bazı Dini Motifler". OMÜİFD (18–19). 2005.
  4. ↑ "Arxivlənmiş surət" (PDF). 10 avqust 2013 tarixində arxivləşdirilib (PDF). İstifadə tarixi: 29 noyabr 2012.

Ədəbiyyat siyahısı

[redaktə | vikimətni redaktə et]
  • Хайламаз Р. Достопочтенная Хадиджа. М. 2008. /.
  • Журавский А. В. "Коранический образ пророка Моисея в контексте взаимодействия трех теистических традиций". Вестник РГГУ (20 (100)). 2012. /.

Xarici keçidlər

[redaktə | vikimətni redaktə et]
П: "İslam" portalı
Mənbə — "https://az.wikipedia.org/w/index.php?title=Varaqa_ibn_Nofəl&oldid=8280712"