Vidadi İsayev

Vidadi İsayev
Bərdə Rayon İcra Hakimiyyətinin başçısı 3 mart 2011 — indiyə kimi
Sələfi	İlham Ağayev
Tərtər Rayon İcra Hakimiyyətinin başçısı 19 iyul 2005 — 3 mart 2011
Sələfi	İsa Allahverdiyev
Xələfi	Ceyhun Cəfərov
Şəxsi məlumatlar
Doğum tarixi	18 aprel 1959(1959-04-18) (63 yaş)
Doğum yeri	Cul, Əzizbəyov rayonu, Ermənistan SSR, SSRİ
Təltifləri
Vikianbarda əlaqəli mediafayllar

Vidadi İsayev (18 aprel 1959, Cul, Əzizbəyov rayonu) — Bərdə Rayon İcra Hakimiyyətinin başçısı (3 mart 2011 – indi).

Həyatı

İsayev Vidadi İsa oğlu 18 aprel 1959-cu ildə Ermənistan SSR-nin Əzizbəyov rayonunun Artavan kəndində anadan olub. 1980-ci ildə Azərbaycan Pedaqoji İnstitutunu (indiki ADPU) bitirib.

1980–1985-ci illərdə Ağdaş rayon Qaradeyin kənd orta məktəbində tarix müəllimi, 1986–2004-cü illərdə Mərkəzi Dövlət Arxivinin Yevlax filialının müdiri, 2004–2005-ci illərdə Yevlax Şəhər İcra Hakimiyyəti başçısının təhsil, səhiyyə və mədəniyyət üzrə müavini, 2005–2011-ci illərdə Tərtər rayon İcra Hakimiyyətinin başçısı vəzifələrində çalışmışdır.

Azərbaycan Respublikası Prezidentinin 3 mart 2011-ci il tarixli Sərəncamı ilə Bərdə Rayon İcra Hakimiyyətinin başçısı təyin edilmişdir.

Yeni Azərbaycan Partiyasının üzvü, tarix elmləri namizədidir.

Ailəsi

Ailəlidir, dörd övladı var.

Əsərləri

• "Hardan gəlir bu köç?",
• "Yevlax sənədlərdə və yaddaşlarda",
• "503-cü eşalon".
• "Ağ işıq" (povest), "Ədəbi İrəvan-2007", Bakı, "Nurlan", 2008. səh.205–234.

Təltifləri

Azərbaycan Respublikası Prezidentinin 21 dekabr 2017-ci il tarixli Sərəncamı ilə "Əmək" ordeni ilə təltif edilmişdir.

Azərbaycan Respublikası Prezidentinin 17 aprel 2019-cu il tarixli Sərəncamı ilə "Vətənə xidmətə görə" ordeni təltif edilmişdir.

Azərbaycan Respublikası Prezidentinin 27 may 2019-cu il tarixli,1205 nömrəli Sərəncamı ilə "Azərbaycan Xalq Cümhuriyyətinin 100 illiyi (1918–2018)" yubiley medalı ilə təltif edilmişdir.