Vikinqlər Qalisiyada

Vikinqlər Qalisiyada — IX-XII əsrdə Atlantik okeanı vasitəsilə vikinqlərin Qalisiyadakı fəaliyyətləri.

Tarix[redaktə | mənbəni redaktə et]

Vikinq döyüşçülər, səyyahlar, tacirlər VIII əsrdən başlayaraq Skandinaviyadan Qərbi Avropaya yayılmağa başlamışdırlar. Sahillər və çaylar boyunca basqınlar edərək yeni ərazilərdə məskunlaşırdılar. Normandiyaya yerləşərək yeni bir hersoqluq yaratmışdırlar. Bu hersoqluğun idarəsində həm vikinqlər, həm də normanlar iştirak edirdilər.

Vikinqlər IX əsrdə Qalisiyaya hücum etməyə başlamışdırlar. Bartin Annalsa görə vikinqlər Qalisiyaya 849-cu ilin avqustunda çatmışdırlar. Bu tarixdə bir vikinq donanması Qalisiyanın Qaronne çayı boyunca kəndləri talan etmişdilər. Asturiya kralı I Ramiro Oviedo vikinqlərlə döyüşərək onların geri çəkilməsinə məcbur etmişdir. Əfsanəyə görə fırtına ilə gələn vikinqlərin geri çəkilməsi dua vasitəsilə mümkün olmuşdur.

858-ci ildə vikinqlər ikinci dəfə Qalisiyaya gəldilər. Fransa sahillərini talan etdikdən sonra Ria de Arouza, İriya Flaviya Padron və Kampostelyaya çatdılar. Yerlilər vikinqlərin talanından xərac verməklə qurtulsalar da, vikinqlər burada məskunlaşmağa davam etmişdirlər. Kont Pyerin liderliyində düşmənin 38 gəmisi məhv edilmişdir.

951-ci ildə I Oviedo Ordono dövründən sonra normanlar və vikinqlər yenə geri qayıtmışdırlar. İnsanların müdafiəni yaxşı təşkil etdiklərindən işğalçılar 964-cü ildə geri qayıtmağa məcbur olmuşdurlar.

968-ci ildə normanlar danimarkalı və norveçli vikinq müttəfiqləri ilə Komposteladakı zəngin kilsə torpaqlarını işğal etmək fikrinə düşmüşdürlər.^[1] Norveç kralı II Qrafel^[2] qardaşı Qunroda 200 gəmi vermişdir. Bu gəmilərin yüzü Britoniya, Kantabriyanı ələ keçirmək üçün idi.^[3] Vikinqləri durdurmağa çalışarkən ölən Sisnandonun yerinə Resendo da uğursuz olmuşdur. Bölgə normanlar və vikinqlər tərəfindən ələ keçirilmişdir. Gəmilər 970-ci ildə Ferroldan zəngin qənimətlə yola çıxmış, amma yolda Qonzalo Sançez ordusunun hücumuna məruz qalmış və Qunrod öldürülmüşdür.