Vikipediya:Bilirsinizmi/avqust 2020

XIV əsrdə inşa olunmuş Cin məscidi adını Qurani Kərimdəki Cin surəsindən aldığı ehtimal edilir.
1895-ci ildə Lümyer qardaşlarının rejissorluğu və prodüserliyi ilə çəkilmiş "La-Sota vağzalına qatarın gəlməsi" filmi cəmi 50 saniyə davam edir.
1933-1945-ci illərdə Adolf Hitlerin mühafizəsini təmin etmək üçün fəaliyyət göstərən təhlükəsizlik təşkilatı SS-in emblemdəki işarələr ildırımları simvolizə edir.
"Latviya" (Lettia, Letthia, Leththia) sözünə ilk dəfə "Letiya" şəklində Henrix səlnamələrində (1209) rast gəlinmişdir.
İngiltərənin paytaxtı London şəhərində yerləşən Viktoriya memorialı (şəkildə) Böyük Britaniyanın dəniz gücünü ifadə edir.
Kanada azərbaycanlıları əsasən Kanadanın Ontario vilayətində yaşayırlar.

Vikipediya məqalələrindən

Paleontologiya tarixi canlı orqanizmlərin qalıqları əsasında Yer kürəsində həyatın yaranması şəraitini və onun inkişaf mərhələlərini öyrənir.
Roma-German muzeyi Almaniyanın Köln şəhərində yerləşən paleolit dövründən başlamış erkən orta əsrləri əhatə edən nadir eksponatlarla zəngin arxeoloji muzeydir.
Türkiyə istehsalı olan ilk film (şəkildə) rejissoru Fuat Uzkınay olan və çəkilişi 1914-cü ildə tamamlanmış Ayastеfanоsdakı rus abidəsinin yıхılmаsı adlı sənədli filmdir.
Ədalət fəvvarəsi — İsveçrənin Bern şəhərinin Gerehtiqkaytsqasse döngəsində yerləşir və Bern Köhnə şəhərinin tərkib hissəsi olaraq UNESCO-nun Dünya Mədəniyyət Mirasları siyahısına daxil edilmişdir.
Kapitan Amerika — Marvel Comics nəşriyyatı tərəfindən İkinci dünya müharibəsi illərində — 1941-ci ilin martında yaradılan super qəhrəman personajıdır.

Vikipediya məqalələrindən

Laymen Frenk Baumun “Öz ölkəsindən olan sehrbaz” nağıllar kitabının mexaniki insan olan Tik-Tok (şəkildə) personajı ədəbiyyatda robotun ilk nümunələrindən hesab edilir.
Malayziyada Sabah ştatının qərb sahilində yerləşən Kinabalu Milli Parkı 2000-ci ilin dekabrında UNESCO-nun Ümumdünya irsi siyahısına salınmışdır
Pakistanın musiqi qrupu Vital Signs tərəfindən 1987-ci ildə yayımlanmış Dil Dil Pakistan mahnısı ölkənin qeyri-rəsmi himni kimi qiymətləndirilir.
Hal-hazırda 36 qədim Çin hərbi kələyi ilə də xarakterizə olunan stratagem mübaliğə ilə dedikdə insan beynində gizlənmiş və vaxtı çatan zaman dərhal istifadə oluna bilən xəncər deməkdir.
Avstriyalı alpinist Qerlinde Kaltenbrunner 14 səkkizminlik zirvəni oksigen balonu istifadə etmədən fəth edən ilk qadın olub.
Çexiyanın paytaxtı Praqa şəhərində yerləşən və 1410-cu ildə quraşdırılmış astronomik saat dünyanın üç ən qədim saatından biri olmaqla, hələ də işləyən ən qədim astronomik saatdır.

Vikipediya məqalələrindən

"Mersedes" avtomobil markası avstriyalı iş adamı Emil Yellinekin qızı Mersedes Yellinekin şərəfinə adlandırılıb.
Barselona metropoliteninin müasir sxemlərində funikulyor xətləri də qeyd edilib.
Ən yüksək səviyyəli xidmətlər göstərən və yüksək meyarlara cavab verən çimərliklərə "Mavi bayraq" verilir.
Dünyanın ən uzun çimərliyi olan Koks-Bazar Banqladeşdə yerləşir.

Naviqasiya menyusu