Vikipediya:Bilirsinizmi/dekabr 2015

Ağ ayılar adası kimi adlandırılan Vrangel adası rus dənizçisi və dövlət xadimi XIX əsrdə yaşamış Ferdinand Pyotr Vrangelin şərəfinə аdlandırılmışdır.
Taxtadan hazırlanan Kokeşi gəlinciklərinin ilk dəfə Edo dövrünün ortasında Yaponiyanın şimal-şərqində yerləşən Tohokuda yaradıldığı hesab olunur.
Çində yerləşən Üç paralel çay milli parkının ərazisinə əsasən Asiyanın ən böyük çayları olan Yanszı, Mekonq və Saluinin yuxarı axarları daxildir.
Daşkənd şəhərində Fərrux Zakirov tərəfindən yaradılmış vokal–instrumental Yalla ansamblını "Asiyanın Bitlzı" adlandırırlar.
Şərbət Gülanın Stiv Makkuri tərəfindən çəkilmiş fotosunu bir çox cəhətlərinə görə Leonardo da Vincinin "Mona Liza"sına bənzədirlər.

Vikipediya məqalələrindən

Azərbaycanlı rəssam Mirzə Qədim İrəvaninin akvarellə çəkdiyi Qacar şahzadəsi Məculla Mirzənin portreti (şəkildə) rəsm əsəri Bakıda Milli incəsənət muzeyində saxlanılır.
Olimpiya oyunlarının açılış mərasimində təntənəli surətdə söylənilən Olimpiya andı ilk dəfə 1920-ci il Antverpen Yay Olimpiya Oyunlarında təqdim olunub.
Osmanlı sultanlarının 624 illik hakimiyyətlərinin 400 ilində (1465-1856) iqamətgahları olmuş Topqapı sarayında Məhəmməd peyğəmbərin əbası və qılıncı kimi müsəlmanlar üçün çox dəyərli olan müqəddəs relikviyalar qorunur.
Praqanın mərkəzində, Köhnə Şəhər meydanında yerləşən qotik üslublu şəhərin köhnə idarəetmə orqanı və hökümət binası olan Stare Mesto ratuşasının əsas binasında muzey yerləşir.
Hindistanın Qərbi Benqal ştatının Əlipurduar rayonunda, Himalay dağlarının şərq yamaclarında yerləşən Caldapara Milli Parkı Toto və Meç tayfalarının bu ərazilərdə məskunlaşmasına görə Totapara adı ilə də tanınır.
Niderlandlı keçmiş futbolçu olan Frank de Buru niderland futbolu tarixində yetişmiş ən güclü müdafiəçilərdən biri hesab edirlər.

Vikipediya məqalələrindən

1999-cu ildə heykəltəraş Luiza Burjua tərəfindən hazırlanmış Maman heykəli (şəkildə) dünyada ən böyük hörümçək heykəlidir.
Otuz altı stratagemin əsil yaranma tarixi e.ə. VI əsrdən başlayaraq, eramızın 500 -cü ilinə qədər davam etmişdir və ilk dəfə 1600-cü ildə naməlum müəllif tərəfindən külliyyat şəkilinə salınaraq "Müharibə sənəti: 36 stratagem" adı altında yazıya alınmışdır.
Himalay dağları ilə Kunlun dağları arasında yerləşən Tibet yaylası dünyanın ən böyük və hündür yaylasıdır.
İrvinq Stounun eyniadlı əsəri əsasında lentə alınmış "Yaşamaq yanğısı" filmi dünya şöhrətli rəssam Vinsent van Qoqun həyat və yaradıcılığından bəhs edir.
Sabah ştatı ərazisində yerləşən Kinabalu dağı topoqrafik əhəmiyyətinə görə dünyada ən məşhur 20 dağ arasında yer alır.

Vikipediya məqalələrindən

2007-ci ildən bəri 6 Azərbaycan filmi - Qafqaz, Qala, Sahə, Buta, Çölçü və Nabat ən yaxşı xarici film üzrə Oskar mükafatına təqdim edilmişdir və heç biri namizəd ola bilməmişdir.
Narval Jül Vernin 1870-ci il romanı "20 000 lye su altında"dakı nəhəng dəniz məxluqunun iki mümkün izahından biridir.
Molla Nəsrəddin jurnalında Ömər Faiq Nemanzadə, Mirzə Ələkbər Sabir, Əbdürrəhim bəy Haqverdiyev, Əli Nəzmi, Əliqulu Qəmküsar, Məmməd Səid Ordubadi, Mirzəli Möcüz Şəbüstəri və başqa şair, yazıçı və jurnalistlər, o cümlədən, Oskar Şmerlinq, İ.Rotter, Əzim Əzimzadə kimi rəssamlar fəaliyyət göstərmişlər.
German-skandinav mifologiyasına görə tanrı Odin Run əlifbasını əldə etmək üçün doqquz gecə özünü 9 dünyanı bir yerdə tutan nəhəng mifoloji İqqdrasildən (şəkildə) başı aşağı asmışdır.
Mars və Yupiter planetləri arasında yerləşən bölgə Günəş sistemində asteroidlərin ən çox rast gəlindiyi asteroid qurşağıdır.
İnsan dərisindən hazırlanan kitab cildləmə üsulu - Antropodermik cildləmə XVII—XIX əsrlərdə bəzi kitabların tərtibatında geniş istifadə olunmuşdur.
Alkiviad, Femistokl və Kimon ostrakizmə məruz qalan məşhur şəxslərdir.

Vikipediya məqalələrindən

Argentina vətəndaşı olan Emilio Markos Palma Antarktidada anadan olmuş ilk şəxsdir.
Katana (刀) feodalizm dövründə Yaponiyada samuraylar tərəfindən istifadə olunan ənənəvi Yapon qılınclarından biridir.
Ən kiçik McDonald's restoranı Yaponiyanın paytaxtı Tokio şəhərində yerləşir və sahəsi 46 m²-dir.
Yeni Zelandiyanın ən böyük üçüncü adası olan Stüart adası burada müşahidə olunan qütb parıltılarına görə maorilər tərəfindən "Üzən səma" (mao. Rakiura) adlandırılır.
1860-1862-ci illərdə müstəqil olmuş Pataqoniya və Araukaniya krallığı Argentina və Çili hökumətlərinin həyata keçirdiyi istilaya qarşı yaradılmışdır.
"Marvel Comics" nəşriyyatının ən absurd personajlarından biri olan Dedpul "DC Comics" tərəfindən yaradılmış Dezstrouk personajının parodiyası kimi yaradılmışdır.
Saturnun 62 peykindən ancaq 53-ünün adı var və ancaq 13-ünün diametri 50 kilometrdən çoxdur.

Naviqasiya menyusu