Vikipediya:Bilirsinizmi/iyul 2016

Ağdam Çörək muzeyinin (şəkildə) yaradılması fikri 1983-cü ildə Ulm Çörək muzeyi haqqında "İzvestiya" qəzetində dərc olunmuş maraqlı məqalədən sonra meydana çıxmışdır.
Almaniyanın Leypsiq şəhərində hər il çoxlu sayda yarmarka keçirilir, bu səbəbdən şəhər qeyri-rəsmi olaraq Messestadt (azərb. Sərgi şəhəri‎) adını almışdır.
SSRİ himnində Stalinin adı olduğu üçün 1956-1977-ci illərdə sözsüz ifa olunurdu.
Atatürk islahatları dövründə qəbul edilən "Baş örtüyü və geyimin dəyişilməsi qanunu" Türkiyə tarixində "Şapka qanunu" adı ilə qalmışdır.
Padua Universiteti akademik azadlıqlar uğrunda rəhbərliklə mübahisə yaşayaraq Bolonya Universitetini tərk edən tələbə və müəllimlər tərəfindən yaradılmışdır.

Vikipediya məqalələrindən

Nobel mükafatı laureatı Robert Mandell tərəfindən yaradılmış Mandell-Fleminq modeli açıq iqtisadiyyatda monetar və fiskal siyasətinin həyata keçirilməsi zamanı istinad edilən hakim paradiqmadır.
35-ci ABŞ prezidenti Con Kennedi 1943-1945-ci illərdə Sakit okean cəbhəsində torpedo qayığının komandiri olmuşdur.
Varşava gettosundakı yəhudilərin 254 000 min nəfərə yaxını 1942-ci ilin yay aylarında Treblinka ölüm düşərgəsinə göndərilərək öldürülmüşdür.
İnsan əlinin baş barmağı bilək-əldarağı oynağı—trapesiyaşəkilli sümüyün I daraq sümüyü ilə birləşməsindən əmələ gəlir.
Sakit okeanın qərbində yerləşən Marian çökəkliyi dünyada məlum olan çökəkliklərdən ən dərinidir.
Odlu Torpaq arxipelaqı ilə Cənubi Amerika materikini bir-birindən ayıran Magellan boğazını ilk keçən avropalı Fernando Magellan olmuşdur.

Vikipediya məqalələrindən

Andreas Qurskinin çəkdiyi "II Reyn" dünyanın ən bahalı fotoşəkli kimi tarixdə düşmüşdür. Belə ki, həmin əsər 2011-ci ildə Nyu-Yorkun "Kristis" hərrac evində 4,3 milyon dollara satılmaqla rekord göstəriciyə nail olmuşdur.
Şəriət ölkələrində tətbiq olunan maliyyə sənədi, daha dəqiq desək, istiqrazların islami ekvivalenti Sukuk adlanır.
ABŞ şou-biznesində ümummilli səsvermə ilə təyin edilən yeganə mükafat "Xalqın seçimi" adlanır.
1922-ci ildə keçirilmiş Birinci Bakı Yarmarkası əmtəə dövriyəsinin həcminə görə Nijni Novqorod Yarmarkasından sonra 2-ci yeri tutmuşdur.
Peru ərazisindəki Çauçilla qəbiristanlığında (şəkildə) şəxsi əşyaları ilə birgə dəfn edilmiş bütün mərhumlar oturmuş vəziyyətdədir.
ABŞ-ın Qərbi Virciniya ştatında yerləşən Qrin Benk şəhəri Dünyanın ən sakit şəhəri hesab olunur.
Tikilməsi planlaşdırılan Nikaraqua kanalının sayəsində yüklərin Amerika, Avropa və Asiya arasında su yolu ilə daşınmasına çəkilən xərclər azalacaq.

Vikipediya məqalələrindən

Dünyanın ən böyük çay muzeyi Tayvanın Yeni Taypey şəhərinin Pinlin rayonunda yerləşən Pin-Lin Çay Muzeyidir.
Otaku mədəniyyətində həddən artıq yöndəmsiz olan qadın personajları ifadə etmək üçün istifadə olunan docikko termini yapon dilindən tərcümədə "kobud səhv" deməkdir.
Adam Villarts tərəfindən çəkilmiş "25 aprel 1607-ci ildə hollandların İspaniya donanması üzərində qələbəsinin alleqoriyası" (şəkildə) rəsm əsərinin mövzusu Səksənillik müharibədir.
Şimali Amerika ərazisində, Kolorado platformasında, Arizonanın şimalında yerləşən Rəngli səhraya ilk adı 1858-ci ildə leytenant Cosef İvson vermişdir.
İordaniya Universiteti ölkədə ən yüksək qəbul göstəricilərinə malik olmaqla İordaniyanın bir nömrəli və ərəb dünyasının ən prestijli universiteti hesab edilir.
Dünyanın 150-dən çox ölkəsində hər ilin 27 sentyabr tarixi Ümumdünya Turizm Günü kimi qeyd edilir.
"Le Carrefour" qəzeti Azərbaycanda fransız dilində nəşr olunan yeganə mətbu orqandır.

Naviqasiya menyusu