Vikipediya:Bilirsinizmi/iyun 2015

Qədim Azərbaycan rəqslərindən biri olan Uzundərə rəqsinin musiqisi bəstəkar Üzeyir Hacıbəyov tərəfindən "O olmasın, bu olsun" operettasında Meşədi İbadın "Mən nə qədər qoca olsam da..." mahnısında istifadə edilmişdir.
Malayziyanın Kedah ştatında yerləşən və dünyanın ən yaxşı 10 ən gözəl məscidlərindən biri olan Zahir məscidində (şəkildə) hər il Quran hafizlərinin festivalı keçirilir.
Pasxa adasında kəşf edilən daş üzərindəki yazılmış işarələrdən ibarət sistem Ronqoronqonun Rapanui dilinə aid olması fərz edilir.
Sankt-Peterburqun mərkəzində yerləşən Rostral sütun XIX əsrdə Rusiyanın şimal paytaxtının liman mayakı kimi istifadə olunmuşdur.
Vatikandakı Müqəddəs Pyotr bazilikasında saxlanılan məşhur Pyeta heykəli Romada təmsilçi olan Fransız kardinal Jan Bilyer de Laqraulasın himayəsi ilə Mikelancelo Buonarotti tərəfindən hazırlanmışdır.
Praqa yepiskoplarının köhnə iqamətgahı olan Probst evi hal-hazırda Çexiya Respublikası Prezidentinin Dəftərxana Aparatına məxsusdur.

Vikipediya məqalələrindən

Şirvan xalçaçılıq məktəbinin ən məşhur kompozisiyalarından olan Bico xalçaları (şəkildə) hazırda Ağsu rayonunun inzibati ərazi vahidinə daxil olan Bico kəndinin adını daşıyır.
4 qat olimpiya çempionu Cessi Ouens 1936 yay Olimpiya oyunlarında irqçiliyə qarşı mübarizəsinə görə 1976-cı ildə Olimpiya ordeni ilə təltif edilib.
Cənubi Amerika ərazisində yerləşən Uruqvay çayının adı Quarani dilindən tərcümədə "rəngli quşların çayı" mənasını verir.
Dəmir adam komiks personajı komiks ustası Sten Li, ssenarist Lari Liber, rəssam Don Hek və dizayner Cek Kirbi tərəfindən 1963-cü ildə yaradılmış və ilk dəfə "Qorxulu hekayələr"in 39-cu sayında çıxmışdır.
Alman katolik keşişi Yohan Martin Şleyer tərəfindən 1879-cu ildə yaradılan süni beynəlxalq Volapük danışıq dilinin əlifbası 27 hərfdən ibarətdir.
İngilis dilində çıxan The Daily Talk divar qəzeti Liberiyanın paytaxtı Monroviya şəhərində Tamben bulvarında qara lövhə üzərində təbaşirlə yazılır.

Vikipediya məqalələrindən

2015 Avropa Oyunlarının açılış mərasimində ölkə idmançılarının keçidi zamanı Üzeyir Hacıbəyov, Fikrət Əmirov və Qara Qarayevin müxtəlif əsərlərinin texno musiqi üslubunda işlənmiş versiyaları səsləndirilib.
Özəl biznes və bank sahəsinin ən nüfuzlu şəxslərinin illik qeyri-formal yığıncağı olan Bilderberq konfransının ilk toplantısı Amerika xüsusi xidmət orqanlarının himayəsi altında Niderlandın Osterbek şəhərindəki "Bilderberq" otelində olub.
Yuan sülaləsinin əsasını qoymuş Xubilay xan 1260-cı ilin avqustunda çao adlanan ilk vahid kağız pulu yaradıb.
İslandca danışmaq mənasını verən "seqja" sözündən törəyən saqa sözünün lüğəvi mənası deyilən, söylənmiş deməkdir.
Şükran günü milli bayramı Kanadada oktyabr ayının ikinci bazar ertəsi günü, ABŞda isə noyabr ayının dördüncü cümə axşamı günü qeyd olunur.
Qarnı yırtmaqla icra edilən intihar növü Harakirini adətən əsir düşmüş samuraylar icra edirdilər.

Vikipediya məqalələrindən

Azərbaycan Respublikasının Bakı körfəzində yerləşən Bibiheybət məscidi (şəkildə) keçmişdə Fatimə məscidi adlanırdı.
Azərbaycan idmançısı Hayle İbrahimov 2010-cu il Avropa Atletizm Çempionatında bürünc medal qazanmaqla atletikada Azərbaycanın ilk medalçısı olub.
Fərhad və Şirin operası 1910-cu ildə Mirzə Cəlal Yusifzadə və Aleksandr Oqenezaşvili tərəfindən Nizami Gəncəvinin Xosrov və Şirin poeması əsasında yazılmışdır.
Kanadanın şərqində yerləşən Labrador yarımadası öz adını portuqal dənizçi Juan Fernandes Labradorun adından götürmüşdür.
İPod pleyerinin yaradıcısı kimi məşhurlaşan Livan əsilli amerikalı ixtiraçı Toni Fadel həmçinin "ağıllı" termostatın istehsalçısı olaraq da tanınır.
Qərbi Avstraliya əyalətinində yerləşən Kalbarri Milli Parkının yaxınlığında Hatt-River virtual dövləti yerləşir.
İsti tropik və yarımsəhra iqliminə malik Qran-Çako şimaldan cənuba Çako-Boreal, Çako-Sentral və Çako-Austral olmaqla üç yerə bölünür.

Naviqasiya menyusu