Vikipediya:Bilirsinizmi/may 2015

Yuli Qusmanın rejissoru olduğu Qorxma, mən səninləyəm filminin əsas hissələri Qax rayonunun İlisu kəndində çəkilmişdir.
İkinci dünya müharibəsindən sonra Bakıya səfər edən Şarl de Qoll burada olduğu müddətdə Azərbaycan Dövlət Opera və Balet Teatrında dahi Azərbaycan bəstəkarı Üzeyir Hacıbəyovun Koroğlu operasına da tamaşa etmişdir.
Qadınların futbol oynayarkən hicab geyinməsi üçün qadağa 2007-ci ildə İFAB təşkilatına təqdim olunmuşdur, lakin İordaniya şahzadəsi Əli bin Əl-Hüseynin təzyiqlərindən sonra 2012-ci ildə aradan qaldırılmışdır.
İsveçrənin Bern şəhərinin mərkəzində yerləşən ən mühüm orta əsr qüllələrindən biri olan Tsitqlogge (şəkildə) 1218-20-ci illər arasında inşa edilən zaman, Bernin qərb istehkamlarının darvaza qalası funksiyasını yerinə yetirmişdir.
Brayan Selznikin Hüqo Kabrenin ixtirası kitabının motivləri əsasında çəkilmiş Hüqo filmi ən yaxşı rejissor işinə görə Qızıl Qlobus mükafatının sahibi olmuşdur
Yaponiyada atom müharibəsi əleyhdarlarının simvoluna çevrilmiş Sadako Sasakinin şərəfinə 6 avqust 1995-ci ildə Xirosimanın atom bombardmanının 50 illiyi münasibətilə Sadako Sülh Bağı açılmışdır.

Vikipediya məqalələrindən

Azərbaycan memarlığının ən böyük nümayəndələrindən biri olan Əcəmi Naxçıvaninin memarı olduğu Yusif ibn Küseyir türbəsinin bütün səkkiz səthi müxtəlif şəkilli həndəsi ornamentlərlə bəzədilmişdir.
Gifu və Toyama prefekturalarının sərhədindəki Söqava vadisində yerləşən və 1995-ci ildə UNESCO-nun Dünya Mədəniyyət Mirasları siyahısına daxil edilmiş Şirakava-qo və Qokayama tarixi kəndlərinin (şəkildə) sakinləri XVII əsrdən başlayaraq və sonrakı 250 il ərzində əsasən barıt istehsalı və evlərin damında barama yetişdirilməsi ilə məşğul olub.
Kəllənin beyin şöbəsinə aid cüt sümüklərdən olan gicgah sümüyü xarici qulaq dəliyini əhatə edən üç hissədən ibarətdir.
Türkiyənin cənub-şərqində, Örəncik kəndindən 2,5 km, Şanlıurfa şəhərindən 15 km şimal şərqdə yerləşən Göbəklitəpə məbəd kompleksi bu günə qədər mezolit dövrünə aid ən qədim mədəni istehkam sayılır.
Almaniyanın Bavariya vilayətinin Münhen şəhərində hər il ənənəvi formada keçirilən Oktoberfest pivə festivalında iştirak edən şəxslər üçün dirndl və qamsbart kimi xüsusi geyim formaları mövcuddur.
Dünyanın 125 ölkəsindən böyük olan, Filippin arxipelağının cənubunda yerləşən Mindanao adasında ən çox sebuan, taqal, kreol və ingilis dili istifadə olunur.

İkinci dünya müharibəsi qurbanlarının əziz xatirəsinə..

Şimali Afrika kampaniyası zamanı Üçüncü Reyx birləşmələrinə rəhbərlik edən feldmarşal Ervin Rommel səhra tülküsü ləqəbi ilə tanınırdı.
SSRİ-də 1923-cü ildən sonra doğulan oğlan uşaqlarının 80%-i İkinci dünya müharibəsi cəbhələrində həlak olmuşdur.
Müharibə dönəmində Alman donanmasında istifadə edilmiş U-Boat adlı hərbi sualtı qayıqlarda xidmət edən 40 min nəfərdən sadəcə 10 min nəfəri sağ qala bildi.
Müharibədə həlak olan hər beş almandan dördü Şərq cəbhəsində həlak olmuşdur.
Leninqradın blokadası zamanı həlak olan rus əsgər və mülki vətəndaşlarının sayı ABŞ ordusunun bu günə qədər bütün müharibələrdə verdiyi itkilərdən çox olmuşdur.
1940-1945-ci illər arasında ABŞ-ın müdafiə büdcəsi 1,9 milyard dollardan, 59,8 milyard dollara qaldırılmışdır.
1943-cü ildə baş vermiş Kursk döyüşü tarixə tankların müharibəsi adı ilə daxil olmuşdur. Həmin döyüşdə ümumilikdə 3600 tank iştirak edib.
Nasistlər yəhudiləri sistemli şəkildə məhv etməmişdən əvvəl onların Madaqaskar adasına köçürülmələri ilə bağlı planları vardı.

Vikipediya məqalələrindən

Azərbaycanlı rəssam Mirzə Qədim İrəvaninin akvarellə çəkdiyi Qacar şahzadəsi Məculla Mirzənin portreti (şəkildə) rəsm əsəri Bakıda Milli incəsənət muzeyində saxlanılır.
Olimpiya oyunlarının açılış mərasimində təntənəli surətdə söylənilən Olimpiya andı ilk dəfə 1920-ci il Antverpen Yay Olimpiya Oyunlarında təqdim olunub.
Osmanlı sultanlarının 624 illik hakimiyyətlərinin 400 ilində (1465-1856) iqamətgahları olmuş Topqapı sarayında Məhəmməd peyğəmbərin əbası və qılıncı kimi müsəlmanlar üçün çox dəyərli olan müqəddəs relikviyalar qorunur.
Praqanın mərkəzində, Köhnə Şəhər meydanında yerləşən qotik üslublu şəhərin köhnə idarəetmə orqanı və hökümət binası olan Stare Mesto ratuşasının əsas binasında muzey yerləşir.
Hindistanın Qərbi Benqal ştatının Əlipurduar rayonunda, Himalay dağlarının şərq yamaclarında yerləşən Caldapara Milli Parkı Toto və Meç tayfalarının bu ərazilərdə məskunlaşmasına görə Totapara adı ilə də tanınır.
Niderlandlı keçmiş futbolçu olan Frank de Buru niderland futbolu tarixində yetişmiş ən güçlü müdafiəçilərdən biri hesab edirlər.

Vikipediya məqalələrindən

Memar Nikolay fon der Nonnenin layihəsi əsasında inşa edilmiş De Burun sarayında hazırda Azərbaycan Milli İncəsənət Muzeyinin I korpusu yerləşir.
Soyuq müharibə dövründə SSRİ-də Tupolev zavodu tərəfindən istehsal edilmiş bombardmançı və raket daşıyıcı Tupolev Tu-95 təyyarəsi (şəkildə) bütün zamanların ən sürətli və güclü təyyarələrindən biri hesab olunur.
Malayziyada Kuala-Trenqanu şəhərində yerləşən Büllur məscid informasiya texnologiyaları infrastrukturunun yaradılması və WiFi əlaqəsinin quraşdırılmasına görə ölkənin birinci "intellektual" məscidi adlanır.
Mexaniki emal üsulu olan yayma üsulunun tətbiqinin əsas məqsədləri həm pəstahın profilini dəyişmək, həm də səthin dəqiqliyini, təmizliyini və bərkliyini artırmaqdır.
SSRİ tərəfindən Qara dənizdə istifadə edilən Ş-213 sualtı qayığı 1942-ci ildə dəniz minası ilə toqquşaraq bütün heyəti ilə batmışdır.
Yaponiyanın Hiroşima prefekturasında, İsukusima adasında yerləşən şintoist İtsukuşima məbədinin ritual qapıları toriilər Yaponiyanın ən məşhur görməli yeri hesab edilir.

Naviqasiya menyusu